|
رد: المياه بتغلي جوه القربه رغم تغيير كل حاجه ف دوره التبريد !!!!
اقتباس:
المروحة بتبرد المياة اللى فى الردياتير والاعتماد الكلى بيكون عليها فى وسط البلد والاشارات وفى الوقت دة العربية بتسخن ،،،، حسب كلامك طب لما مشيت بيها على طريق مفتوح اية اللى حصل .............العربية بردت يبقى كدة الهواء الجاى فى وش العربية كافى وقادر على تبريد المياة بداخل الردياتير لازم نشك ان المروحة مش قادرة او غير كافية لتبريد الردياتير وخصوصا انك شايل ثرموستات الكوعة يبقى المروحة بدل ما بتبرد حوالى نصف لتر مياة بداخل الردياتير حضرك مخليها تبرد مثلا 2 لتر مياة وهى حجم المياة الموجود بداخل الردياتير بالاضافة الى الماء الموجود بالمحرك ووش السلندر اقتراحات لحل المشكلة اولا لازم وحتما ولابد تركب ثرموستات الكوعة عشان المروحة تبرد كمية قليلة من الماء ..... المتعارف علية اننا بنلغى الثرموستات ونركب ردياتير نحاس 3 ماسورة انما ما ينفعش نشيل الثرموستات ونشتغل على نفس الردياتير الالمونيوم تانى حاجة لازم نشيك على قوة المروحة واتجاها نغير اسلاك وفيش المروحة نعمل ارضى جديد 2 ملم لمروحة التبريد ولو شغالة مباشر نعملها كتاوت مروحة ودة فى حالة انها سليمة من موتور وجلب وريش واتجاه ربنا يوفاك وتحل المشكلة |
رد: المياه بتغلي جوه القربه رغم تغيير كل حاجه ف دوره التبريد !!!!
اقتباس:
هيا المشكله حاليا مش ف المروحه المروحه بتفصل و تشتغل عادي .... المشكله ف وش السلندر ... تقريبا مفقع ... الميكانيكي قال كده ... قال انو نسي يساويه ف المخرطه اول مره و هوه بيعمل نص العمره من شهر فات .... ممكن يكون ده السبب ؟؟؟؟ ولا قصه المروحه ؟؟؟ اشتري واحده جديده ؟؟؟؟ ولا اغير الردياتير فعلا ؟؟؟؟؟ |
رد: المياه بتغلي جوه القربه رغم تغيير كل حاجه ف دوره التبريد !!!!
اقتباس:
لحظة واحدة يا أستاز محمد ترومستات الكوعة بيقفل ع المية جوا وش السلندر وبعدين بيفتح بالضغط لما الحرارة بتعلا تقوم المية تلف فى الدورة وتتبرد ولما تبرد يقوم الترموستات قافل تانى وترموستات المروحة بيشتغل هو كمان عشان يبرد الردياتير وفعلا الردياتير الألمونيا مش زي النحاس بس معقولة متلحقش تبرد والكوعة متشالة ؟؟ شكرا يا باشا للتوضيح جزاك الله كل خير |
رد: المياه بتغلي جوه القربه رغم تغيير كل حاجه ف دوره التبريد !!!!
اقتباس:
وكزلك المروحة لو تعبانة غيرها انما موضوع الوش ده طبعا لاااااااازم يتقشط ويتساوى :bb127bc6eab060e3e23 |
رد: المياه بتغلي جوه القربه رغم تغيير كل حاجه ف دوره التبريد !!!!
معلش المشكلة مش هنا خالص
اتأكد ان السير شادد كويس على طرمبة المية و حط ثرموستات 67-80 و رجع ثرموستات الكوعة هتيجى الصبح بدرى و العربية بارده تسحب الهواء من الفايظ لحد اما لدورة تظبط لأن كده جسم الموتور نفسه مش عليه توزيع حرارى سليم و مفيش مشكلة انك تسقط المية 3 او اربع مرات لحد اما تلاقى اقل هزة فى خرطوم العمومى بتاع الكوعة بتنزل و تطلع المية فى القربة تعمل مشوار طويل بالعربية و تركنها لتاني يوم تفتح صبح تفك الفايظ تانى و تمسك الخراطيم الكبيرة تعصرها و تسيب القربة تخر اللى فيها على قد ما تقدر تاخد هواء تانى و المية قليلة كده و تزودها بعد ما تخلص بالمية الحمراء مش الخضراء و تقفل دورة التبريد و تطلع مشوار طويل تابع القربة و شوف اذا لسه المية بتغلى ولا لا و فى سؤال هو صوت غليات و لا صوت نز " ززززفززفففززفف " كده بعد كل ده لو المروحة مش مكفياك هتعمل كتاوت على المروحة خريطة كالتالى من فيشة المروحة لملف الكتاوت و من الصاج لأرضى الكتاوت و من البطارية لحى الكتاوت و من خرج الكتاوت لموجب المروحة و من ارضى المروحة لشاسيه العربية |
رد: المياه بتغلي جوه القربه رغم تغيير كل حاجه ف دوره التبريد !!!!
بصراحة الكلام اللي اتقال اكتر من ممتاز
أنا قابلتني مشكلة برضه مع المروحة قريب تقريبا نفس المشكلة والسبب إن الثرموستات كان فاصل وفيه هواء في دورة التبريد روحت لبتاع راديتير عملي دورة غسيل وغير الثرموستات وأخد 60 جنيه والحمد لله الموضوع انتهى |
رد: المياه بتغلي جوه القربه رغم تغيير كل حاجه ف دوره التبريد !!!!
اقتباس:
كل الكلام جميييل جد و مفيد .... بس هوه صوت غليان لان المياه بمسك الخرطوم بحس بالمياه بتغلي جواه و بشوفها بتغلي جوه القربه ... لما اجي اشيل خرطوم الي طالع من الردياتير للقربه من القربه ... بلاقي دخان او بخااار مياه منه .... معني كده ان المياه بتغلي جوه الردياتير و عملت بخار مياه و بيطلع للقربه ينفخ فيها البخار و بالتالي تبان انها بتغلي ..... معني كلامكو بعد ما اقشط الوش ف المخرطه و اركب جوان جديد ... هحتاج الين تاني ؟؟؟؟؟؟؟ ولا همشي ع طول عشان ابدا اتابع اشوف استمرار المشكله ولا لا ...... هلين تاني بعد قشط الوش ؟؟؟ و تركيب جوان جديد ؟؟؟؟ |
| الساعة الآن 06:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017