مصر موتورز مجتمع السيارات - مساعده بعد نص عمره ل مكنه اكسنت 1500 في التليين

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - مساعده بعد نص عمره ل مكنه اكسنت 1500 في التليين (https://www.masrmotors.com/vb/showthread.php?t=121651)

رد: مساعده بعد نص عمره ل مكنه اكسنت 1500 في التليين

السلام عليكم
يستحسن في التليين انك تشيل غطاء القربه وتراقب الماء ولمبة الزيت وعداد الحراره وانك تدورها وكل تقريبا نصف ساعه تبطلها لكي يتم التليين بطريقه سليمه
ولابد من ملاحظة الزيت ولونه قبل ان تدور العربيه
وسافر براحتك بس ياريت بالليل وبلاش تدوس في المحرك مع ملاحظة عداد الحراره
والله المستعان

رد: مساعده بعد نص عمره ل مكنه اكسنت 1500 في التليين

اقتباس:

و انا في الطريق ليه .... مشيت ع الاول بس .... لمده 2 كيلووو

كدة غلط على فكرة سواء بتلين او بتمشى عادى

اقتباس:

يبقي سليم ...... ايه رايك ؟؟؟؟ حمار؟؟؟ ولا بيفهم ؟؟؟؟

لا بيفهم جدا كمان واحسن مننا ...وانا بعترض على اللفظ لان حرام عليك الراجل مش معانا انت كدة اغتبتة

رد: مساعده بعد نص عمره ل مكنه اكسنت 1500 في التليين

اقتباس:

المشاركة الأصلية كتبت بواسطة mr_astra (المشاركة 934579)

كدة غلط على فكرة سواء بتلين او بتمشى عادى

لا بيفهم جدا كمان واحسن مننا ...وانا بعترض على اللفظ لان حرام عليك الراجل مش معانا انت كدة اغتبتة

انا مش قصدي ... انا قصدي بيفهم ولا لا ؟؟؟
يعني كويس كده ؟؟؟ ماهو قالي غلط فعلا ... قالي امشي براحتك بس متعديش ال 60 و ادي كل نقله حقها و اروحلو كمان كام يوم نغير زيت و يحرق ع المكنه

رد: مساعده بعد نص عمره ل مكنه اكسنت 1500 في التليين

أول حاجة... أوعى تشيل ثرموستات الكوعة.... لو شلته يبقى بتدق أول مسمار في نعش الموتور

لو الثرموستات فيه مشكلة يتغير... إنما يتلغي من الدايرة ده أكبر غلط

لو عايز معلومات أكتر عن ثرموستات الكوعة ادخل على الموضوع ده:
ثرموستات الكوعة.... المفترى عليه

بالنسبة للتليين... فأفضل حاجة إنك ما تعديش عدد لفات RPM معينة (غالبا 3000 RPM)... ده لو عندك عداد RPM... لو ما عندكش عداد... لو سقت العربية بالطريقة المعتادة الهادية ده كفاية جدا.

بس في حاجة لفتت نظري في موضوع الخراطيم اللي بتتقطع دي

أولا.. الخراطيم اللي بتتقطع دي قديمة ولا لسه مغيرها؟؟؟
لو قديمة يبقى تغيرها أحسن

إنما لو جديدة يبقى عندك مشكلة لازم تحلها الأول علشان ما يحصلش معاك موضوع وش السلندر ده تاني... وأنا شاكك بصراحة في قواعد الموتور

غالبا القواعد عايزة تتغير لإن الموتور بالجيربوكس كده بيتحرك جوه العربية الأول وبعدين يجر العربية كلها... والحركة دي أكيد حتقطع أي خرطوم.

...

رد: مساعده بعد نص عمره ل مكنه اكسنت 1500 في التليين

اقتباس:

المشاركة الأصلية كتبت بواسطة adham.com (المشاركة 934371)

مشكلتك أكيد في مسار دورة التبريد بصفة عامة
علي سبيل المثال

1- طلمبة المياة هل جديدة و لا مستعملة و لا في الضياع
يعني لو قافشة و مش بتتحرك بسلاسة يبقي أكيد مش هتقلب المياة كويس و بالتالي المياة تفضل في نفس مكانها و مش هتتقلب و هتحس بفوران و غليان و بالتالي نقص منسوب المياة بسبب الغليان

2- في حاجة إسمها ثرموستات الكوعة و دي وظيفتها إنها بتقفل تقليب المياة لو المياة بادرة لحد ما المياة تسخن و بعد كدة تفتح و تعدي المياة طول ما هي سوخنة

ثرموستات الكوعة هو عبارة عن "محبس"، موجود ما بين الموتور والرادياتير، مهمته إنه يتحكم في وصول المياه للرادياتير

http://repairpal.com/images/managed/...stat_09.11.png

المحبس ده بيفتح ويقفل بطريقة أوتوماتيكية ومن غير أي تدخل خارجي، يعني ولا حساس ولا كمبيوتر

http://ecx.images-amazon.com/images/...500_AA300_.jpg

أول ما بتشغل العربية مية التبريد بتبقى باردة، ولو المية دي راحت على الرادياتير هيبردها أكتر... في الحالة دي الثرموستات بيبقى قافل ويمنع المية تروح الرادياتير عشان الموتور يسخن بسرعة وياخد وضع التشغيل بأسرع وقت،

***********

ولما المياه تسخن يبدأ يفتح السكة للرادياتير عشان يبردها...

***********

ولو الرادياتير قدر إنه يبرد المية أكتر من اللازم.. الثرموستات هيقفل تاني لحد ما المية توصل للحرارة المطلوبة وبعدين يفتح ... وهكذا

وبكده يحافظ على درجة حرارة ثابتة للتشغيل

لو الثرموستات دي بايظة يبقي عندك حل من إتنين
إما تشتري ثرموستات جديدة أو تشيل القديمة و تلغيها خالص من العربية

و لكن يفضل تغييرها أحسن للأمان

:010104~171: :12EA7A~153: :w6w200504112236376d :010104~171: :12EA7A~153: :w6w200504112236376d :010104~171:

يا أخي موضوع ثرموستات الكوعة ده كنت كاتبه هنا من زماااااان.. وما حدش إداله تقدير مناسب.. في المنتدى التاني حطيته هو هو.. واتثبت وكمان أخدت عضوية مميزة أعرف أعدل بيها على مشاركاتي زي ما أنا عايز.

نفسي أعرف أعدل على مواضيعي هنا علشان نص الصور اللي فيها راحت :(

...

رد: مساعده بعد نص عمره ل مكنه اكسنت 1500 في التليين

اقتباس:

المشاركة الأصلية كتبت بواسطة borio1704 (المشاركة 934635)

بالنسبه لموضوع الخراطيم ... كلها قديمه ... انا شاري العربيه من 3 سنين .... و بدات اغير ف الخراطيم من بدايه الصيف الي فات بس .... و الي بيتقطع و بيتغير مش بيتغير تاني ....
عندي RPM ... و فعلا ببدل النقله قبل مايجي ع 3 ... بس بقي هل عادي اني اجيب ال 5 نقلات و معديش ال 3 ف ال RPM ؟؟؟؟ ولا ليا ليميت محدد ف السرعه ؟؟؟

رد: مساعده بعد نص عمره ل مكنه اكسنت 1500 في التليين

اقتباس:

المشاركة الأصلية كتبت بواسطة savant (المشاركة 934643)

لا... ما عندكش أي تحديد لسرعة العربية... التحديد لسرعة دوران الموتور بس لإنه هو اللي معموله العمرة وعايز يتلين مش حاجة تانية

تحديد سرعة العربية ده كانوا بيستخدموه أيام ما العربيات ما كانش فيها RPM ، لإن سرعة العربية هي محصلة عمل الموتور والجيربوكس

لو عايز تعرف أكتر عن علاقة عداد الـRPM بـسرعة العربية ... ادخل على الموضوع ده:
علاقة عداد RPM بعداد السرعة وكيف يمكن الربط بينهم

...