|
رد: فيرارى ايطاليا Ferrari 458 Italia
اقتباس:
|
رد: فيرارى ايطاليا Ferrari 458 Italia
اقتباس:
عذرا يافادي هذا الفيديو قديم .... الموسم الرابع لتوب جير ........للتذكره فقط http://www.youtube.com/watch?v=vE_WqdKbTvY |
رد: فيرارى ايطاليا Ferrari 458 Italia
تسلم ايدك يا ابو نورا على العربيات الوهمية دى
استخراع جامد قوى حكاية تزويد الداون فورس مع زيادة السرعة دى و كمان من غير سبويلر :) يا ولاد الايه يا جامدين بس والله يا جدعان العربية شكلها عاجبنى جدا .. مش عارف هيا ليه مش عاجباكو و بالنسبة للبورش بغض النظر عن الكاريرا جى تى اللى استاذ احمد حط الفيديو بتاعها واللى تمنها نص مليون دولار انا مش عارف ايه مشكلة ان الموتور يكون ورا يعنى ؟؟؟ معقولة يا رجالة بورش مش هتعرف توازن العربية و تخلى الناس يحطوا شوية زلط فى الشنطة اللى قدام ,,, اكيد لأ يعنى انا مبقولش ان بورش احسن من فيرارى ولا حاجة .. بس بورش دى مش سيات يعنى دى بوروووووووش يا رجالة و يكفى انها المااااااااااانى (و دى للاستاذ فادى :) ) واما عن اصحاب البورش اللى نفسهم يركبو فيرارى و مش قادرين... بقولوهم من كل قلبى .يا ريتنى كنت معاكم :) |
رد: فيرارى ايطاليا Ferrari 458 Italia
اقتباس:
و عشان كده بتضطر انها تبيع عربياتها بسعر رخيص. سمعة الفيرارى مجتش من شكلها أو من قدم وجودها (للعلم بورش أقدم من فيرارى), سمعة فيرارى جت من نجاحها فى أرقى السباقات الميكانيكية (الفورمولا واحد) و الذى تسيطر عليه تماما (16 بطولة للصانعين), كما نجحت بنقل تقنيات السباق الى الطرقات العامة, بورش لا تمتلك تاريخا مشرفا فى السباقات, و لا تمتلك تكنولوجيا السباقات المتقدمة و خبرتها ضعيفة فى هذا المجال, مثلها مثل الشركات الأمريكية و اليابانية التى تنتج سيارات رياضية بثمن زهيد. لذا فان ثمن الفيرارى يبلغ 3 اضعاف ثمن البورش على الأقل. مش بقول انو بورش وحشة أو سيئة و لكنها لا تقارن بالفيرارى بتاتا, هى ممكن نقارنها مع الكورفيت أو الكامارو أو الفورد جى تى, لا أكثر. |
رد: فيرارى ايطاليا Ferrari 458 Italia
اقتباس:
لكن معروف طبعا ان العربيه اللي موتورها ورا بتعاني من الاوفر ستيير وسوء توزيع الوزن وده نسبيا مقارنه بمواتير المنتصف ... حضرتك اتفرج على الفيديو و شوف العربيه في الملفات عامله ازاي ... <EMBED src=http://www.youtube.com/v/lmBgMStDTmI width=425 height=350 type=application/x-shockwave-flash wmode="transparent"></EMBED> طبعا الناس مش حتحط شكاير اسمنت و زلط علشان توزن العربيه ... لكنها استعاره مكنيه عن تأثير وضعيه الموتور الخلفيه على طبيعه الاداء ... حتى إسأل جيمي كلاركسون :) ويا عم بورش بورش .. انا راضي باليورش .. ان شاء الله تكون موديل 2000 حتى .. بس متكونش راشه دواخل :HAPPY_~211: |
رد: فيرارى ايطاليا Ferrari 458 Italia
اقتباس:
و بالنسبة للفيديو يا باشا لو قصدك على الدريفتات فا اعتقد ان ده مقصود حتى فى فيدويهات كتير للكاريرا جى تى برده بيستعرضوا قوى فى الدرفتات و هندلة العربية و هى بتاخد الدريفت و بعده كمان ..هما بيحبوا قوى يستعرضو الدريفتات .... والله اعلم و بعدين انا بصراحة لا اقتنع بكلام اى تقارير الا بنسبة 50 % لانى قبل كدة مشيت ورا كلام التقارير و لما اجى اجرب العربية الاقيها حاجة تانية خالص غيى تقارير الشركات اللى بتبين لك العربية سفينة فضاء و انا عندى قناعة تانية بالعربيات الالمانى .. من تجارب كتير برده .. الالمانى من الاخر مفيش زيه اطلاقا مطلقا على الاطلاق :) انا طبعا ماسقتش الفرارى ولا اللمبورجينى .. بس دول يعنى مش مستنيينى انا عشان احكم عليهم يعنى :) احنا مجرد بنقول اراء و بننقل لبعض معلومات .. كل واحد بيقول على قد ما يعرف .. و انا ي سيدى والله معتبر نفسى اقل واحد بيعرف عن العربيات فى المنتدى .. بس فيه ثوابت المفروض انا معروفة بالنسبة ليا على الاقل بدافع عنها .. بس يا زعيمنا هى دى الليلة كلها ... و مساك زى الفل يا باشا ان شاء الله انت و كل حبايبى و اخواتى اعضاء المنتدى |
| الساعة الآن 05:20 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017