|
رد: عرض سبير كار - اكسسوارات وفرش وكماليات السيارات
والله يا سمسم مش عارف اقول ايه
انا رحت عندهم في الفرع اللى عند وزارة الداخلية من كام يوم بس الصراحة مقولتش اني من المنتدي ولا اي حاجة كنت عايز كونسول اللى بيبقي بين الكرسيين الاماميين لعربيتي لانسر 99 لقيت كام واحد قاعدين بتوع مبيعات اول ما عرفوا انا عايز ايه الرد فوري لا مفيش حتي مفيش ابتسامة ولا تفسير لسبب انه مفيش بصراحة معاملة زي الزفت كرهتني فيهم وفي اليوم اللى قررت انى اشتري من عندهم برغم انى والله كنت عايز حاجات تانية زي غطا للعربية وام بي ثري بس طريقة الرد سدت نفسي قلت لهم ولو عندكم كل حاجة ببلاش مش هشتري ومشيت والله ما قصدي اسوا سمعتهم بالعكس انا بقول على غلطة رهيبة عندهم عشان لو تعرفهم تبلغهم يصلحوها بسرعة لانهم اسم كبير فعيب يبقوا بتوع المبيعات عندهم بالمنظر ده |
رد: عرض سبير كار - اكسسوارات وفرش وكماليات السيارات
أنا هروح لهم بكره أن شاء الله وأشوف الحال
|
رد: عرض سبير كار - اكسسوارات وفرش وكماليات السيارات
على فكره انا بتعامل مع سبير كار اللى فى امتداد رمسيس ناس محترمه جدا جدا
|
رد: عرض سبير كار - اكسسوارات وفرش وكماليات السيارات
الأسعار معقولة لكنهم أنكروا اتفاقهم مع أى جهة للحصول على أى تخفيض هل ياترى اللى اتفقوا لسه مبلغوش كل الناس هناك وللا ايه الحكاية مش عارف
|
رد: عرض سبير كار - اكسسوارات وفرش وكماليات السيارات
اقتباس:
ومع ان الكراسى المخصصة للاستراحة كراسى ريكارو ظريفة جداً بس فضلت واقف وانا متحفز لاى شىء يصدر من البائعين يخلينى اخد موقف واعمل مشكلة واثناء ما انا واقف لقيت تلاجة كولدير جو المحل وواقف جمبها بنت اعتقد عاملة نظافة فقولتها والله وانا فى قمة التكشير اتى اشرب قالتى حاضر وملت كباية الماية واديتهالى عادى جداً زى اى بشر اقسم بالله ده حصل وانا تعمدت انزل بنفسى علشان اتأكد من الوضع ولما جه البائع سالنى اامر قولتله عايز استاذ فلان قالى طيب اتفضل استريح هنبلغة وما ان اجتمعت بمدير المبيعات قمت بايصال شكواك وقرأتها عليه كما هى فى الموقع وأكد لى التزامهم بتدريب موظفى المبيعات على حسن التعامل مع العملاء وان هذه من بدايهيات اى عمل تجارى وبالتاكيد واجب مراعتة وان ما تصفه فى شكواك بالتأكيد حالة فردية لم تكن مقصودة ولا تتكرر واثناء حديثى مع مدير المبيعات تواجد ابنى صاحب الشركة وشاركونا الحوار وتأكدت بنفسى انه فى غالبية الوقت يوجد مع طاقم المبيعات فى الفرع مدير المبيعات او احد ابناء الاستاذ مصطفى صاحب الشركة واحياناً كثيرة صاحب الشركة نفسة وبالتالى فانه فى حالة وجود اى شكوى من موظفى المبيعات لن تحتاج حتى لطلب من هو اعلى إدارياً لتحادثة بل ستجد اصحاب الشركة انفسهم فى الفروع يراقبون العمل وده قلما نجده فى كل مكان اعتذر بشده عن الاطالة واشكرك على مشاركتنا التجربة وبإذن الله حضرتك تروح تانى وتبلغنا ايه الاخبار بتفاصيل اكتر |
رد: عرض سبير كار - اكسسوارات وفرش وكماليات السيارات
اقتباس:
علماً بإن العروض التى سبق وان اعلنت عنها مواقع اخرى كانت اعلانات من طرف المواقع الاخرى فقط ولم تكن عرض او اتفاق حقيقى من الطرفين لذا يجب عدم الخلط بين عرض مصر موتورز وعرض المنتدى الاخر الغير حقيقى ومع مراعاه ان العرض سارى لحاملى كروت عضوية مصر موتورز مع التأكيد انه فى حالة وجود اى شكوى تخص العروض المقدمة لإعضاء الموقع يمكنك الاتصال بالارقام الخاصة بالشكاوى خلف الكارت للتدخل فى الموقف فى حينه وبشكل قاطع وفعال لتأكيد استحقاق الخصم |
رد: عرض سبير كار - اكسسوارات وفرش وكماليات السيارات
والله منا عارف أقول إيه ؟؟؟؟؟؟؟؟؟؟؟؟؟؟؟
يا جماعه العرض مفعل وكل حاجه والناس ديه أنا أعرفها من سنين وهما قمة في الذوق والأدب مع أي حد من كبير لصغير ، بس طلب صغير اللي يروح هناك وأنا بتكلم عن الفرع الرئيسي اللي قدام وزارة الداخلية يا يسأل على الأستاذ محمد مصطفى يا أستاذ أمير ويقوله ‘ن من مصر موتورز وجاري العمل على تفعيل الخصم في جميع الفروع الأخرى (السيدة زينب - امتداد رمسيس) لكن اللي أنا واثق منه إن العرض مفعل وبشدة والناس مرحبة جدا بالفكرة ومبسوطة جدا من الموقع وفيه مفاجأة كمان للي هيحضر إفطار مصر موتورز إن الأستاذ أمير هيكون موجود معانا إن شاء الله وهيعرض للجميع كل المنتجات الحديثة اللي نازله عندهم وعلى استعداد تام للإجابة عن أي استفسارات . |
| الساعة الآن 04:08 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017