مصر موتورز مجتمع السيارات

اقتباس:

اعرف ازاى ان العربية موتورها خفيف ؟
مع العلم إنى قليل الخبرة فى الميكانيكا .

بص يا ريس
العلامات دى المفروض تكون مجتمعه (أو على الأقل أغلبها موجود لأنها بتظهر بالتتابع ) ربنا يكفينا شرها
1- سحب العربية قليل
2- ظهور دخان أبيض - سماوى من الشاكمان أو خرطوم الفايظ لو إنت شايله من العمه (على طول مش الصبح بس)
3- البوجيهات معرقه (يعنى تفك البوجيه تلاقى السن بتاعه إللى جوة المحرك ملوث بالزيت)
4- مقاس الزيت بيقل كل شوية و بتحتاج تزود زيت علشان تضبط المقاس

لو الكلام ده كله موجود يبقى طقم شنبر بنسبه كبيرة (نص عمرة) و لو طنشت كتيير ممكن لاقدر الله الموضوع يوسع و يدخل فى عمرة كامله

أرجو أن أكون أفدت