مصر موتورز مجتمع السيارات - رجه عنيدة على السلانسية

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - رجه عنيدة على السلانسية (https://www.masrmotors.com/vb/showthread.php?t=117924)

رد: رجه عنيدة على السلانسية

اقتباس:

المشاركة الأصلية كتبت بواسطة romeoalmansour (المشاركة 914229)

منور يا عم حمدي بقالي كتير مسمعتش عنك اخبار حمدا لله علي سلامتك

ربنا يباركلك انا كويس الحمد لله بس الورشة وخدانى شوية مساء الخير على اجمل اعضاء :fun_36_3_13[1]::CHICKA~11::140109~347:

رد: رجه عنيدة على السلانسية

باشا انا ليا إقتراح مختلف عن أراء الأعضاء إللي ردوا .. و هم مشكورين

1 - نوع عربيتك إيه
2- هل إنت متأكد إن الرجرجة عبارة عن ترزيع و لا صوت خبط جامد و لا إهتزاز فقط.. في فروق شاسعة بين الأحتمالات دي
3- جرب معلش تجربة بسيطة .. ترفع العربية من أودام بالكوريك بحيث يكون العجلتين الأماميين معلقين في الهواء .. و دور العربية و إدي الغيارات و جرب هل مازال الرجرجة موجودة أم لا

4 - قواعد الموتور تحت و فوق أخبارها إيه معاك
5 - هل الشاسية عندك مفتوح و لا لست علي علم بذلك
6 - الرجرجة بتحصل في الطلعة و لا طول مانت ماشي و لا العربية مش بتمشي اساسا

كان حصل عندي رجرجة من فترة و لكن العربية ماكانتش بتمشي أصلا .. و كان السبب إن الشاسية مفتوع .. و صليبة اكس الكوبلن ماكنتش مرتاحة في مكانها ... و عالجت المشكلة بوضع وردة قبل الكوبلن من الخارج

طبعا لا تضع هذا الأحتمال إلا بعد تجربة رفع العربية

و منتظر ردك

رد: رجه عنيدة على السلانسية

اقتباس:

المشاركة الأصلية كتبت بواسطة adham.com (المشاركة 914616)

لادا يا ادهم عربيتك كانت بتفوت كبالن انما دى جر خلفى :0832F7~168:

رد: رجه عنيدة على السلانسية

اقتباس:

المشاركة الأصلية كتبت بواسطة حمدى مخترع مانيوال بدون د (المشاركة 914695)

لادا يا ادهم عربيتك كانت بتفوت كبالن انما دى جر خلفى :0832F7~168:

تمام يا أسطي حمدي
طالما جر خلفي
يبقي كدة الموضوع مختلف تماما ... عكس ما كنت أعتقد

رد: رجه عنيدة على السلانسية

معلش يا جماعة أنا عارف أنى تاعبكم معايا, ربنا يجازيكم خير لأنى مش هأعرف أقدر فضلكم.
و شكراً لإهتمام الإخوه و ردودهم, لأن الموضوع ده بقى يخلينى مش عارف أنام و طول ما الميكانيكيه بيفتوا دماغى بتترج مع المكنه.

المشكلة بإختصار: رجرجه متقطعه فى المكنه (نتشه) على السلانسية و كل الغيارات بس باينه أكتر على RPM واطى أو السلانسيه
آخر ما تم الكشف عليه:
========
1- أبلاتين و كوندنسر و ضبط الأبلاتين بالفللر
2- تقسيمة الكاتينه فوق و تحت (العلامات متتطابقه مع الزنب)
3- تغيير طقم البوجيهات
4- الكشف على شرارة أسلاك البوجيهات و الموبينه
5- تغيير الموبينه (تجربه بموبينه أخرى نفس النوع)
6- ضبط التاكيهات
7- تغيير نوع البنزين لـ 92 من بنزينة أخرى مضمونه لأاحتمال كونه مغشوش
8- تنضيف الكربراتير بالمنظف
9- تنضيف فلتر الهوا و تغيير فلتر البنزين
10- تغيير جوان قاعدة الكربراتير
11- الكشف على قواعد الموتور
12- إعادة ضبط الهوا و البنزين فى الكربراتير عدة مرات لضبط السحب و الإستهلاك و الرجرجه , بس كل الميكانيكية (3 ميكانيكيه) بيفتحوا الهوا زياده علشان يغطى على الرجرجه و طبعاً يبوظ السحب و يزود إستهلاك البنزين و يخلى العربية تبطل و صوتها يعلى.(المفروض الهوا ميزدش عن 3 لفات, هما بيوصلوها لـ 5 و برضه لسه في رعشه بسيطه)

مفيش أى حاجه تانيه فى دماغى
المفروض النتشه دى سببها إيه تانى؟
هحاول أعمل فيديو و أرفعه بالمشكله, بس ياريت تتابعوها معايا

رد: رجه عنيدة على السلانسية

البوجيهات وحشة واكشف على الكربراتير وقاعدته
البوجيهات بتجنن العربية حاول تجيب حاجة ماركة أصلية
وعموما اليومين دول اى بنزين بيبرجل العربية
هتقوللى العربية مكانتش كده وبتاع هقوللك طلاما ماشية خلاص
قول الحمدلله وتوكل على الله اهم حاجة تكون مبتسخنش

رد: رجه عنيدة على السلانسية

نزلت من شوية على الميكانيكى ,و كانت آخر فتواه:
روح لبتاع كربراتير, العربية فيها بنزين زياده فى العوامة , و إحتمال تكون الإبره مكسوره.

ده كلامه. هل الكلام ده مقنع, يعنى فعلاً ممكن يكون سبب و لا برضه فتوى بدون علم؟