مصر موتورز مجتمع السيارات - تقرير عن الأسطورة تويوتا كورولا 2014 بالأسعار و الصور

مصر موتورز مجتمع السيارات (https://www.masrmotors.com/vb/index.php)

- Corolla (https://www.masrmotors.com/vb/forumdisplay.php?f=227)

رد: تقرير عن الأسطورة تويوتا كورولا 2014 بالأسعار و الصور

اقتباس:

المشاركة الأصلية كتبت بواسطة احمد على 1999 (المشاركة 912852)

و الله منور بصاحبه و الموضوع ما شاء الله تحفة

ديى كدا اجمل و اجمل
و دا يفسر السعر اللى فى رأيى مش غالى خالص على كل ال safety features الرهيبة ديى زيى نظام

الثبات الالكترونى (VSC) اختصار Vehicle Stability Control اللى بيمنع انزلاق جانبيا فى المنعطفات الحادة او حود الدركسيون الفجائى

نظام فرامل BA اختصار brake assist النظام دا وهمى و مرسيدس هى اول من اخترعته دا بقى الكومبيوتر بيحسب زمن نقل الرجل من دواسة البنزين لدواسة الفرامل و قوة خبطة الرجل على الفرامل فى الاجزاء الاولى من الثانية و يقرر و يعرف ان كدا فى مصيبة ( لو اللى سايق فعلا حصل موقف مرعب و شال رجله بسرعة من البنزين و وداها على الفرامل ) تقوم العربية على طول قبل ما البنى ادم يكمل دوسة الفرامل هى لوحدها اسرع منه بكتييييييير تفرمل جامد ( كلمة اسرع ديى فى عالم الحوادث تعنى فروقات من اجزاء الثانية ........... فاصلة فى حياة الركاب )

ال ABS معروف طبعا
ال Electronic brakeforce distribution EBD توزيع قوة الفرامل بقيم مختلفة على الاربع عجلات لضمان عدم تعويم العربية و قابلية التحكم الامن فى الدركسيون اثناء الفرامل

كفاية ال 8 اير باجز لوحدهم متهيأليش فى زيها كدا فى الفئة ديى

تستاهل سعرها .............. حياة الركاب تستاهل اكتر لو تقدر

كويس ان حضرتك قدمت شرح وافي للانظمة عشان انا كنت لسة عايز ادور في النت عليهم :Wkiss5: و اظن كده سعرها بقي مقنع

رد: تقرير عن الأسطورة تويوتا كورولا 2014 بالأسعار و الصور

اقتباس:

المشاركة الأصلية كتبت بواسطة GINERAL (المشاركة 912858)

بصراحة انا كنت ديما مستكتر ثمنها ..
لكن الشكل الجديد نقلة رهيبة في الكرولا وبالذات من الداخل شكلها بقا مختلف اخيرا غيروو النور الاصفر
سعرها ممتاز

نور التابلوه الاصفر متغير من 2011 بعد ماكتشفوا ان الناس اتعمت :shy: و الف شكر علي المشاركة :Wkiss5:

رد: تقرير عن الأسطورة تويوتا كورولا 2014 بالأسعار و الصور

السلام عليكم
انا كنت فى توكيل ابو رواش يوم الخميس لعمل صيانه 10000 كم للكورولا 2010 .. واثناء الانتظار شاهدت السياره وكان في منها الثلاثه فئات الاتوماتيك وبصراحه عجبتنى جدا وخصوصا الهاى لاين تحفه ... وشكرا جزيلا لحضرتك على هذا الموضوع الجميل

رد: تقرير عن الأسطورة تويوتا كورولا 2014 بالأسعار و الصور

اقتباس:

المشاركة الأصلية كتبت بواسطة نبيل عبدالرحمن (المشاركة 912865)

سيارة رائعة بدون شك وإمكانيات هائله خاصة فى الفئة الثانية الأوتوماتيك أو الهاى لاين
وبصراحة السعر منافس جداً للفئة دى
وهى دى تويوتا

بشمهندس نبيل أنا اسف والله ما اخدتش بالي من رد حضرتك غير دلوقتي ، الموضوع دخل التاريخ من اوسع ابوابه بزيارة حضرتك ليه :260309~146: ، حضرتك عندك حق في موضوع المنافسة و خصوصا ان فيه ناس كتير لما كانت بتشتري من الفئة ديه لم تكن الكورولا في اعتبارها بس دلوقتي انا متأكد ان الوضع اختلف و الف شكر علي المشاركة SLAM

رد: تقرير عن الأسطورة تويوتا كورولا 2014 بالأسعار و الصور

اقتباس:

المشاركة الأصلية كتبت بواسطة Ahmed Nageb61 (المشاركة 912935)

و عليكم السلام

صيانة ال10,000 ولا 100,0000 !!! انا نفسي اروح اشوفها في اي معرض بشدة ولكن مشغولياتي مانعاني :sd: ، و الف شكر علي المشاركة :01FDAB~189:

رد: تقرير عن الأسطورة تويوتا كورولا 2014 بالأسعار و الصور

حد عارف فايدة ليدات الإضائة النهارى ؟
ان العربية تبقى متشافة كويس لان ساعات الصبح بدرى او العصرية لو الشمس ورا العربية بيبقى وش العربية باين اسود فى مرايات العربيات اللى قدامك و للمشاة اللى العربية جاية عليهم
فلما تبقى الليدات منورة بتبقى العربية واضحة للجميع
عشان كدا انا من 1998 و انا بنور الفوانيس اللى قدام لو الشمس ورايا و الناس يقولولى طفى النور طفى النور

رد: تقرير عن الأسطورة تويوتا كورولا 2014 بالأسعار و الصور

اقتباس:

المشاركة الأصلية كتبت بواسطة احمد على 1999 (المشاركة 913002)

انا كل اللي اعرفوا عنها انها فائدتها ان نورها بيكون واضح حتي لو في عز الشمس بس انا مش واخد بالي قوي من موضوع وش العربية ده مااخدتش بالي منه قبل كده ، بس قولي صحيح انت نسيت النور والع كام مرة بسبب الموضوع ده :36_1_1[1]: ده الواحد بينساه بالليل فما بالك بالنهار :01FDAB~189: