مصر موتورز مجتمع السيارات - الموضوع المنتظر// قيمة جمرك بعد سيارات المعاقين

صفحة 3 من 4

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- جمارك السيارات (https://www.masrmotors.com/vb/forumdisplay.php?f=140)

- - الموضوع المنتظر// قيمة جمرك بعد سيارات المعاقين (https://www.masrmotors.com/vb/showthread.php?t=117493)

tham1010

31-08-2013 03:46 AM

رد: الموضوع المنتظر// قيمة جمرك بعد سيارات المعاقين

اقتباس:

المشاركة الأصلية كتبت بواسطة ahmed goda (المشاركة 912907)

انا كنت ناوى اجيب عربية من المانيا بس انت نبهتنى لحاجة مهمة جدا وهى ثمن الجمارك
انت رايك احيب من كوريا احسن وﻻ اطلع على بورسعيد اجيب من هناك احسن وﻻ مدينة نصر

تم الإرسال من جهازي GT-I9300 بواسطة تاباتوك 2

لو لك حد فى ألمانيا يعاين ويختار ويشحن لك السيارة يبقى أشترى من المانيا طبعا. أو حتى الخليج.

لو عاوز عربية كويسة ونظيفة يبقى تجيب من مدينة نصر ولكن هتبقى غالية ومش هتكسب فيها كثير يعنى مش هتفرق عن السوق المصرى. وساعة البيع ممكن سوقها يقف علشان حكاية الدريكسيون والتابلوة... يعنى لو هتشترى من هناك يبقى عامل حسابك انك هتحتفظ بيها لفترة

لو مش ليك حد برة والفلوس على القد أو عاوز تكسب فى العربية يبقى تجيب من بورسعيد ولكن عاين كويس جدا وأكشف كويس جدا وخد معاك واحد واثنين بيفهموا فى العربيات. العربيات هناك فى بورسعيد معظمها حالته متوسطة. فى تجار بيجيبوا حاجت نظيفة وعندهم ذمة والاغلبية بيحولوا يكسبوا على اقصى حاجة فيجيبوا عربية اما مرشوشة او عاملة حادثة ومتجددة فى بلدها وبيشتروها على هذا الاساس بأسعار رخصية ويجوا هنا يقول لك فبريكة. وفى عربيات بتكون لقط وفعلا فبريكة ولكن هذا بيكون نادر وعوزة حظ....

إللى بيستورد بنفسة من برة بيكسب فى العربية على الاقل 8 الاف جنية، وهيجيب عربية عارف فيها ايه قبل ما يشتريها لان برة فى امانة وبيقول لك على تاريخ العربية.

ahmed goda

31-08-2013 01:10 PM

رد: الموضوع المنتظر// قيمة جمرك بعد سيارات المعاقين

اقتباس:

المشاركة الأصلية كتبت بواسطة tham1010 (المشاركة 912928)

انا فعﻻ ليا حد فة المانيا .
بس الموضوع اللى انت كنت موضحة بخصوص النقل والجمارك مخلينى متردد شوية علشان كنت بتقول ان جمارك العربيات الالمانى بتبا غالية
كنت عايز اجيب اكتافيا هل الموضوع هيبا مجزى فى الاخر يعنى بعد الشحن والجمارك والتخليص الجمركى وعمولة المعاق والنثريات

تم الإرسال من جهازي GT-I9300 بواسطة تاباتوك 2

tham1010

01-09-2013 02:54 AM

رد: الموضوع المنتظر// قيمة جمرك بعد سيارات المعاقين

اقتباس:

المشاركة الأصلية كتبت بواسطة ahmed goda (المشاركة 912975)

عمولة المعاق؟ حضرتك لو هتجبها لنفسك عن طريق معاق يبقى انسى الموضوع ده خالص. فرق السعر بين مصر والسيارة من ألمانيا هيروح فى عمولة المعاق. عمولة المعاق من 8 إلى 10 الاف جنية. هتلاقى كأنك شارى من مصر. ولكن اكثر من هذا، هتفضل 5 سنين مهدد. لو اتمسكت بالعربية ممكن تلبس فى غرامة قدرها 2000 جنية من المرور لو الضابط عاند. ولازم تجيب المعاق يفرج بنفسه عن العربية. ولو لاقدر الله حكيت فى حد ولا خبط عربية حد هتبقى مشكلة وتجرى تجيب المعاق. ولو المعاق لاقدر الله توفى هتدخل العربية فى التركة ومجلس حسبى وهيصة..

سيبك من الموضوع دة خالص طالما مش معاق... الموضوع بيبقى مجزى لو العربية لمعاق وبيجبها من برة.

ahmed goda

01-09-2013 12:52 PM

رد: الموضوع المنتظر// قيمة جمرك بعد سيارات المعاقين

اقتباس:

المشاركة الأصلية كتبت بواسطة tham1010 (المشاركة 913119)

انا كنت عايز اجيبها لنفسى عن طريق معاق
بس حضرتك وضحتلى ان الموضوع مش هيبا مجزى فى الاخر مع العلم لو المعاق هياخد مثﻻ 5الاف
طيب لو جبت من كوريا هيبا بردو مش مجزى وﻻ ايه راي حضرتك

تم الإرسال من جهازي GT-I9300 بواسطة تاباتوك 2

tham1010

02-09-2013 11:48 PM

رد: الموضوع المنتظر// قيمة جمرك بعد سيارات المعاقين

اقتباس:

المشاركة الأصلية كتبت بواسطة ahmed goda (المشاركة 913160)

الفرق بين سعر السيارة فى السوق المصرى وسعر العربية المستوردة بالمعاق نفسة بيكون من 10 إلى 15 الف جنية لعربية زى الاسكودا. المعاق كان زمان بياخد 5 الاف جنية الان محدش بيقل عن 8 الاف جنية. على العموم حكاية الشحن هى اللى بتكون مؤثرة يعنى مرة سألت شركة سيارات فى كوريا على تكلفة الشحن فى كونتينر 20 قدم مكعب لميناء السويس. الجواب كان 1100 دولار شامل تخليص ورق الشحن ومصاريف النقل من المعرض للسفينة. كان زمان الدولار رخيص الان 7 جنية يعنى مبلغ كبيرة. فى هذا المنتدى شركة بتقول ان الشحن ممكن يكلف من كوريا حوالى 700 دولار فى نفس الحاوية ولكن طبعا فى مصاريف بتندفع مثل النقل وفلوس بتدفع للجمرك فى كوريا.

فى واحد زميل اتفق مع 6 يجيبوا حاوية اكبر ويستوردوا من المانيا طلع كل شخص يدفع 6 الاف جنية وهذا الكلام من اسابيع.. وكان الشخص اللى هيشحن هيتبرع بالعملية بمجهودة
لانه قريب للشخص الى فى مصر

الشحن مشكلة ، والمعاق لازم تكون ضامنه. وهتفضل حاطط ايدك على قلبك لحد ما تخلص 5 سنوات ومش تقدر تبيع العربية ولا تتصرف فيها لو احتجت فلوسها.. مشوار محفوف بالمخاطر ولكن فى ناس بتحب تمشى فيه علشان ممكن تكون العربية تستحق

Sheeko2010

03-09-2013 03:05 PM

رد: الموضوع المنتظر// قيمة جمرك بعد سيارات المعاقين

ارجوا المساعده
بالنسبة " لمصاب العمليات حربية "
كم تبلغ الرسوم الجمركية لسيارة هوندا سيفيك 2004 اوتوماتيك 1600 سى سى وارد الامارات ؟
وايضا ما هى الرسوم الجمركية على جولف باسات 1998 اوتوماتيك 1600 سى سى وارد المانيا ؟

hemaa

01-10-2013 07:51 AM

رد: الموضوع المنتظر// قيمة جمرك بعد سيارات المعاقين

اقتباس:

المشاركة الأصلية كتبت بواسطة tham1010 (المشاركة 910285)

كثير ما يسأل من يقوم بإستيراد سيارة معاقين من الخارج بنفسه بالسؤال عن قيمة الجمرك لهذه السيارة قبل قرار الشراء من الخارج. إليكم الجدول المنتظر الخاص بالقيمة الجمركية لبعض السيارات الشهير للمعاقين. وقيمة الجمرك ( يطلق عليه الخزينة) التالية تشمل جمرك السيارة بعد خصم الإعفاء الجمركى + ضريبة المبيعات المقررة + رسم التنمية الادراية.

ملحوظة// 1- هذه الارقام تقريبية فقط وليس قيمة محدده تماما.
2- توجد بعض المصاريف النسرية التى يتم دفعها ( دمغات وإكراميات وخلافة) ولكنها لن تتعدى بضع مئات

http://s23.postimg.org/ngdy1754r/image.jpg
*** إضافة/ الباسات موديل 2004 قيمة الجمرك 22 الف
--------------------------------------------------------------

هذا الموضوع حصرى لمصر موتورز وغير مسموح بالنقل بدون إذن كاتبه

أضغط على كلمة " شكرا " إذا اعجبك الموضوع

شكرا ليك

جمرك
2001 HYUNDAI ACCENT

2003 HYUNDAI ELANTRA

2005 HYUNDAI ELANTRA

2003 HYUNDAI SONATA

كام تقريبا فى جمرك بورسعيد وهل الجمرك محدد ولا على حسب سعر العربية يعنى لو عربية 1000 دولار هيبقا نفس جمرك اللى ب 2000 ونفس المدل؟
هو فيه عربيات بتنزل اللى شكل الجيب غير الماتركس بتكون 1600 .

معلش سوال هيا لو عربية عاملة حدثة مطبقة من ورة او من الجمب البيبان مخبطة داخلة تنفع تعدى من الجمارك ولا مينفعش

الساعة الآن 04:39 PM.

صفحة 3 من 4

عرض 7 مشاركات من هذا الموضوع لكل صفحة