مصر موتورز مجتمع السيارات - أول سيارة مصرية سترى النور فى منتصف شهر 7 القادم

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - أول سيارة مصرية سترى النور فى منتصف شهر 7 القادم (https://www.masrmotors.com/vb/showthread.php?t=115844)

رد: أول سيارة مصرية سترى النور فى منتصف شهر 7 القادم

الموضوع ده مثال عملى فاضح لمدى تواضع فهم مؤيدى النظام والقائمين على تلميعة

ويا يحي انا مش عارف مصدرك ايه فى الكلام ده واذا كان الكلام ده مصدرة الجزيرة زى الفيديو ولا من دماغك

بس حتى لو مش من دماغك فالكلام ده المفروض على واحد بقالة شهور حتى فى مصرموتورز مش هقول سنين يخليك تقول انه كلام تخاريف وميخشش دماغ عيل صغير

اقتباس:

بالمواصفات التالية وبسعر 15 ألف جنيه، فتزود الفئة الأولي من السيارة بمحرك 4400 سي سي وقوة 350 حصان بالإضافة لخاصية تشغيل السيارة عن بعد وتكييف هواء ثنائي المناطق ومثبت سرعة و12 وسادة هوائية بالإضافة لأنظمةABS, EBD, DTC, WC.
فيما تأتي الفئةHighlineبمحرك 6000 سي سي مزود بتيربو ثنائي وسوبر شارجر ليخرج قوة 600 حصان، ويضاف علي كماليات الفئة الأولي نظام الفرامل الأوتوماتيكية في حالة عدم فرملة السائق قبل حدوث حادث، فتحة سقف بانورامية، نظام أمانZKW، وذلك بسعر 15,500 جنيه.

ههههههههههههههههههه والله كل ما اقراه اضحك

طب بص خليهم يعملو الموتور بالمواصفات ديه بس ويبيعوه ب 15 الف جنية وهيكسر الدنيا

عربيه كاملة ب 15 الف جنية يا عالم يا مهرجين ده الرقم القياسى عاملاه تاتا الهندية اللى ليها عشرات السنين من الخبرة فى السيارات الاقتصادية وفى الهند اللى فيها صناعات مغذية كثيفة ومتنوعة ومتقدمة وكانت ب 5 الاف دولار يعنى باسعار الجنية المصرى اللى مرسى خفس بيه الارض فسعرها على الاقل 35 - 40 الف جنية ولو انت عملت عربيه تضاهى مواصفات تاتا نانو وبالسعر ده ساعتها نتكلم لكن جايبلى مواصفات سوبر كار بسعر ارخص من سعر التكاتك اللى بنستوردها من الهند وتقولى هتنزل فى شهر 7 الجاي !!

رد: أول سيارة مصرية سترى النور فى منتصف شهر 7 القادم

على فكرة دي مواصفات الشاحنات وليست سيارات الملاكي
بس برضه السعر غريب اوي

رد: أول سيارة مصرية سترى النور فى منتصف شهر 7 القادم

دى داخله على الفيرارى طحن ايه كل الامكانيات والحركات دى
وبخماشر الف جنيه طيب على كده سوق التكاتك هينام والفيسبا الايطالى سعرها معدى الكلام ده حد يفهمنى يا جماعه اصل انا فهمى تقل

رد: أول سيارة مصرية سترى النور فى منتصف شهر 7 القادم

اولا الف شكر للاستاذ : يحيي اشرف على الموضوع

والله اعلم لما يجي شهر 7 نبقا نشوف

رد: أول سيارة مصرية سترى النور فى منتصف شهر 7 القادم

قال يا مصدق الاخوان في وعوده الوهميه ... يا مصدق إعلان اللاصقه السحريه :)

رد: أول سيارة مصرية سترى النور فى منتصف شهر 7 القادم

الخير في مصر كثير وكبير جدا وانجازات كثير رغم الحرب التي تشن علي مصر من اعداء الداخل واعلام العار المصري الذي جعل كل شئ في مصر بلون السواد حتي يسود الدنيا علي الناس وجعل لا تري اي شئ ايجابي حتي وهو امامهم واكبر مثال علي ذلك القمح المصري وايضا الصادرات الزراعية المصرية هذا العام لم تتحقق في اي عام ماضي واسواقه ليست الدول العربية بل امريكا واوروبا لكن مهما انجز الرئيس محمد مرسي لن يحمد حتي عندم تم الاعلان عن اول تابلت لم تذهب قناة من قنوات العار للمؤتمر وايضا لم يذهبو الي مصنع سامسونج التي عملت موضوعه بي بي سي الانجليزية فحين قنوات العار لو اي عيل صايع كح هتلاقيهم نايمن قدام بيته وعملينه مناضل

رد: أول سيارة مصرية سترى النور فى منتصف شهر 7 القادم

اقتباس:

المشاركة الأصلية كتبت بواسطة AbOnOrA (المشاركة 899909)

قال يا مصدق الاخوان في وعوده الوهميه ... يا مصدق إعلان اللاصقه السحريه :)

من فضلك يا ابو نورا بلاش نتكلم على الاخوان

انا عامل موضوع عن سيارة مصرية

ايه بقى اللى دخل الاخوان فى الموضوع :WEIGHT~173::WEIGHT~173:: WEIGHT~173::WEIGHT~173::W EIGHT~173:

أنا قولتلك يا ابو نورا سواء على الفيس او هنا فى المنتدى

انى مش هشارك فى اى مواضيع سياسية او تتعلق بالاخوان

ليه بقى كده ؟؟

:01AD96~139::01AD96~139:: 01AD96~139::01AD96~139: