مصر موتورز مجتمع السيارات - موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)

اقتباس:

المشاركة الأصلية كتبت بواسطة zamanan2000 (المشاركة 952724)

استاذنا سيد اخبارك ايه
زى ما كنت معاك فى موضوع سيارة الشعب 128 باين عليا هبقى معاك هنا كمان
انشاء الله رايح اشوف النهاردة اكسل 1996 كاملة 1500 cc بس التكيف عايز شحن
الراجل بيتكلم فى 32 الف ايه رايك
اللى جايبلى العربية الصراحة واحد ثقة جدا و مجربه كذا مرة كلمته فى العربيات واحجدة ولو فى عيب بيقوله مبيخبيش
كمان كنت عايز اعرف العربية سحبها حلو ولا لا وعفشتها حمل بهدلة ولا لا يعنى هتستحمل طريق بيتنا ( قرب قليوب ) زى ال128 ولا ضعيفة ؟؟
اه نسيت كمان استفسار هتستحمل اسافر بيها مطروح عادى ولا هبقى ماشى مقلق من ناحيتها ؟؟؟
تعبتك استاذنا وطولت عليك
وبنتظا ردك

بص يا باشا صلى على النبى الاكسيل عربيه عمليه درجه اولى بس مش بتاعت شد وجرى هى عربيه عمليه واقتصاديه وبينها وبين ال 128 فروق شاسعه بس اهم حاجه تكون حالة العربيه كويسه ونصيحه لازم اى عربيه مستعمله تصرف عليها الاول علشان بعد كدا تستريح
وعموما اهم حاجه فى الاكسيل من وجهة نظرى يكون الشاسيه سليم وكله تمام خلاص كله تمام هتلاقى نفسك رايحه انك تصرف لانه مش خسارة فيها لانها هتديك كل اللى انت عاوزه عاوز تسافر مطروح عاوز تسافر فى اى مكان مش هتقول لا
شغال يونيفرسااااال :)

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)

اقتباس:

المشاركة الأصلية كتبت بواسطة sayed2077 (المشاركة 953041)

استاذ سيد صباح الخير

ربنا يبارك فيك على الرد
الحمد لله استلمتها امبارح وكل اللى شافها قالوا دواخل ومكنة زى البرلنت هى فيها شوية شغل بس ميعيبهاش اللى هو تغير ازاز ادام عشان مشروخ و مفتاح الشنطة اللى من جوة عايز يتغير وفبرة كشاف ورا شمال حاجات سهلة
بس فى مشكلة بقى
انا من امبارح عمال ادور على زرار الانتظار مش لاقيه وهتجنن بسببه
بيكون فين يا استاذنا الله يباركلك

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)

اقتباس:

المشاركة الأصلية كتبت بواسطة zamanan2000 (المشاركة 952724)

اقتباس:

المشاركة الأصلية كتبت بواسطة zamanan2000 (المشاركة 953097)

بالنسبه لزرار الانتظار فبيجى مع مفتاح الاشارات و المساحات كلهم مجموعه واحده على بعض مبيتبعش لوحده وده عامل استيراد فى حدود 170-200
ومش موجود اصلا استيراد صعب اوووى تلاقيه
وموجود جديد اصلى ب
420 جنيه

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)

اقتباس:

المشاركة الأصلية كتبت بواسطة sayed2077 (المشاركة 953254)

ياه ده صعب اوى لا عادى مالوش لزوم بقى دلوقتى بعدين نبقى نشوفه

ربنا يبارك فيك يا استاذنا تاعبينك معاانا

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)

السلام عليكم سوال هل وش السلندر بتاع ماتور 1300 ينفع للماتور 1500 انا عربيتى هونداى اكسل 1500 cc

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)

اقتباس:

المشاركة الأصلية كتبت بواسطة سالم على (المشاركة 999262)

السلام عليكم سوال هل وش السلندر بتاع ماتور 1300 ينفع للماتور 1500 انا عربيتى هونداى اكسل 1500 cc

لا يجوز :D

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)

يا استاذ سيد بعد اذن حضرتك عاوز اسأل سؤال انا عاوز اشتري اكسيل بس محتار جدا ما بين ناس بتشكر جدا ف العربيه و ناس بتحذرني منها و انا تايه جدا وواضح ان حضرتك ما شاء الله فاهم كويس فيهم ارجو من حضرتك الافاده و تقبل شكري الجزيل مقدما