رد: تتصرف ازاى لو عملت حادثة ؟
 

رد: تتصرف ازاى لو عملت حادثة ؟
 

طيب أنا هاتكل على الله وأحكيلكم آخر حادثة ليا ..
بس لو حسيتوا إنى طلعت قرطاس ماتضحكوش عليا ..

فيه مطب مشهور فى مدخل المدينة اللى أنا عايش فيها ..
وأنا داخل ، كان فيه قدامى عربية أفيو حكومة ، سواق قدام ووكيل وزارة قاعد ورا ..
والسواق ماخدش باله من المطب غير قبله بمتر فوقف فجأة
وأنا داخل وراه مالحقتش نفسى ودخلت فيه بعربيتى الـ 128
أنا برضه حسيت انى غلطان لأن بالرغم من انه وقف فجأة وأنا كنت قريب منه ، لما ضربت فرامل جامدة الفرامل سابت منى (خرطوم زيت الفرامل اتقطع) والفرامل بقت على الأرض ومالهاش أى لازمة وحسيت ان ده لو ماحصلش كان ممكن ألحق نفسى ..

السواق نزل يعيط ويقول أنا موظف غلبان ومش هاقدر على تصليحها
قلت له يا عم ما تشيلش هم ، أنا اللى غلطان وهارجعهالك زى ما كانت
وكيل الوزارة قعد يقول لى انت راجل ذوق والحمد لله انها جت مع واحد حقانى زيك

العربية الأفيو، الاكصدام بتاعها اتقسم نصين
والموضوع كلف اكصدام جديد وشوية سمكرة ودوكو والذى منه ودخل فى 2000 جنيه ..

هه .. أنا طلعت قرطــــاس؟؟
وكان ايه اللى المفروض أعمله لو تصرفى كان غلط؟

رد: تتصرف ازاى لو عملت حادثة ؟
 

والله الكلام دا كلة كويس وحاجة زى الفل بس دا الكلام النظرى

طبعا الحمد لله الواحد عمل حوادث زية زى اى واحد بيسوق بس الحمد لله الحمد لله انها كلها بتيجى فى عربيات مش فى اشخاص

بس تخيل بقى دى لو انت خبطت واحد بعربيتك وفى بلدة طبعا لو وقفت بنسبة 99.9% عربيتك حتتكسر وانت كمان طبعا لازم تنول من الحب جانب

وللاسف ويا رب يا رب يا رب متكتبها علينا دى من الحاجات اللى فعلا بتمنى انها ما تحصل معايا ولا مع اى حد

بس لو حصلت انا مش حبقى عارف اعمل اية لانى لو وقفت عارف اللى يحصلى سواء انا اللى غلطان او المخبوط اللى غلطان ولو جريت ما اعتقدش انى ممكن اسامح نفسى

وللاسف دى حالك يا مصر

رد: تتصرف ازاى لو عملت حادثة ؟
 

شكرا... على الموضوع

وعلى المعلومات

رد: تتصرف ازاى لو عملت حادثة ؟
 

رد: تتصرف ازاى لو عملت حادثة ؟
 

من اتلف شىء فعليه اصلاحه

رد: تتصرف ازاى لو عملت حادثة ؟
 

فعلا انا من رأي ان الهدوء وتمالك الاعصاب اهم حاجه في المواقف ديه

شكرا