مصر موتورز مجتمع السيارات - أخبار اللوجان معاك ايه دلوقتي ؟؟؟

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - أخبار اللوجان معاك ايه دلوقتي ؟؟؟ (https://www.masrmotors.com/vb/showthread.php?t=112778)

رد: أخبار اللوجان معاك ايه دلوقتي ؟؟؟

اقتباس:

المشاركة الأصلية كتبت بواسطة عمرو عبد الحميد الجندى (المشاركة 879159)

معذرة الراى ده لسه شيفه فى منتدى النيل ماتورز و هو منقول من صاحبه و ان لما اقرا كلام زى ديه بتعقد :

انهاردة كانت علامة ال40,000كم فى عربيتى اللوجان 2011
دا كان انطباعى العام على العربية فى خلال السنتين .. مع العلم انى كنت راكب فيرنا قبلها

الميزات:
1. العربية اقتصادية جدا من حيث السعر و استهلاك البنزين
2. واسعة من الداخل
3. التوكيل طبعا مش زى الكورى لكن أنا شخصيا محصلش معايا الماّسى اللى بسمعها فى توكيلات تانية, بالنسبة لى التوكيل كويس
4. قطع الغيار مقبولة
5. العربية عالية و دا مناسب جدا للمطبات اللى فى بلدنا

العيوب:
1. سحب ضااااايعععع .. و ان كانت اتحسنت كتير بعد ال 20,000 لكن ما زال سحبها ضعيف جدا خصوصا لو فى ناس راكبين معايا فى العربية, و لو فى مطلع بتبقى فضيحة بيبقى الموتور بيصرخ و أنا جايب أخر دواسة البنزين و العداد مش بيتحرك
2. صوت الموتور عالى جدا جدا
3. العربية أبعد ما تكون عن الثبات .. أنا كنت فى طرق السفر بمشى على 120, 130 لو عربية عدت من جنبى بسرعة ممكن الهوا بتاعها بس يقلبلى عربيتى, و لو طريق الهوا فيه جامد ممكن جدا تفقد السيطرة على العربية .. و طبعا اللى مساعد على ده ان العربية عالية و دا بيخليها مش ثابتة خالص
4. التكيف فى حر الصيف ولا كأنه شغال, فى الظل و بالليل بيكون كويس جدا طبعا لكن فى الحر ولا كأنه موجود
5. من يوم ما جبت العربية و أنا بعانى من رعشة الفتيس و انا ماشى
6. الدريكسيون تقيل جدا
7. انا فوجئت بانى بحتاج أغير تيل فرامل كل 15,000 كم, مع العلم ان سواقتى هادية, لكن بعد 10,000 كم بسمع تصفير فى الفرامل و بغير التيل بعد 15,000كم, و فى التوكيل !! قليل جدا ان عربية تحتاج تيل فرامل جديد كل 15,000كم
8. بعيدا عن العيوب البسيطة و الغير مؤثرة زى (أماكن الزراير, الهوا اللى بيخرج من الهواية اللى عند رجل السواق حتى و التكيف مقفول, الخ)

بالنسبالى المعادلة الأوقع انى بفكر ابيع العربية و أفكر فى حاجة تانية أحسن .. و أعتقد لو الزمن رجع بيا مكنتش فكرت أجيب لوجان أبدا
دا كان رأيي المحايد فى العربية, البعض هيختلف معايا و البعض هيتفق معايا, لكن انا بأيد الموضوعات اللى بتقول ان العربية دى "مقلب"
-------------------------------------------------------------------------------
الواحد مش عارف كان المفروض يشترى بالمبلغ ده عربية صينى و لا فرنا و السلام على فكرة انا معايا لانوس برضوه و مش عوز اقول ان مشكلة السحب فى اللانوس مش احسن من االوجان و ان التكيف برضو ه ضعيف ده غير ان اللانوس متبهدله منى لانها واطية جدا و مجرحة من كذا حته

انا متفق معاك فى حاجات و حاجات تانية لا

انا معايا اللوجان دخلة فى سنة بالظبط

عملة 3028 كيلو حتى الان

انا معيا فى موضوع السحب ضعيف بس مش ضايع بس مش كل مرة لما بطلع بيها بتبقى ضعيفة ساعات بطلع بيها بتبقى سريعة جدا جدا عن الاول بتبقى ضعيفة فى السحب بس تجيب التانى بتفتح معاك و ساعات فعلا بتبقى تقيلة بس لما بتبقى تقيلة معايا لما بجيب التالت بتفتح معايا مش عارف ده عيب عام ولا عندى بس

بس انا لاحظت الموضوع ده كذا مرة بس مش معنى انا ضيعة خالص فى السحب و لعلمك انا كنت مركب فيها 4 افراد ورة و اتنين قدام و كانت بردوا بتفتح معايا بس طبعا مش زى و هى لما تبقى فضية و الكلام ده حصل معايا كذا مرة

بالنسبة لموضوع الدركسيون هو فعلا بيبقى تقيل شوية بس انا مش شايف التقل ده اوى و ثانيا ديه انا شايفها ميزة يعنى تقدر تتحكم فى العربية شوية و انا جارى بيها و لعلمك الدركسيون مش بيبقى تقيل علطول بردوا ساعات و ساعات مش عارف ليه

بالنسبة للتكيف هو فعلا الهواء بتاعه ضعيف شوية بس انا سمعت ان لما اعدى ال 5000 حيبقى احسن علشان الموتور حيكون اتلين شوية و الله و اعلم بس طبعا فى الصيف و الشمس ضربة فى العربية عمرها ماحتجيب هواء كويس لان العربية حتكون مولعة من جوة مش حتحس بيه الا لما تكون واقف فى ضل

صوت الموتور عالى فعلا بس مش حيضر فى حاجة على الاقل حتعرف العربية جابت اخر النقلة ولا لا و لعلمك فيه عربيات تانية جديدة صوت الماتور بتعها بيسرخ زى اللانوس و الفيرنا

بالنسبة لرعشة الفتيس ديه لسة مقبلتنيش الصراحة بس كل عربية و ليها عيوبها

بالنسبة لموضوع تيل الفرامل انا لسة اساسا مغيرتش زيت ولا صلحت فيها حاجة لان لسة معدتشى ال 5000

اماكن الزراير لو انت اصدك على بتوع زجاج الكهرباء لو تلقى نظرة على الابواب حتلاقى فيه مكان و متغطى ببلاستكة و البلاستكة ديه لو شلتها حتلاقى مكنها فاضى و ديه مش معمولة لله فى لله ديه لو انت عايز تركب زراير الكهرباء فى الابواب بس بالنسبة لبتوع الابواب الخلفية اللى فى نص ديه كويسة جدا انها فى النص علشان لو حد قام من غير مايقفل الزجاج يبقى الزرار قريب من السواق

رد: أخبار اللوجان معاك ايه دلوقتي ؟؟؟

السلام عليكم
معايا موديل 2010 ومشيت 125 الف كيلو حتى الان فى 3 سنين وشهرين
العربية كانت ماشية زى الفل حتى 100 الف كيلو تقريبا وبدأت تفتح بقها وغيرتلها كوبلن شمال ومساعد يمين وديسكات فرامل وعملت حادثة مع موتوسيكل فرتكت الاكصدام (كان جديد ) والعمود اللى وراء الاكصدام رشق فى السربنتينة والريداتير وخرمهم وديه كانت للمرة الثالثة وكان لازم يتغيروا وحاليا مضبطها بس ماشى بدون فوانيس شبورة لانى مش لاقى الجزء البلاستيك بتاع الفانوس اللى بيركب فى خلفية الاكصدام الداخلى وفى محل ابو الفتوح بالحى الثامن بمدينة نصر قاللى هجيبهم ومستنيه لعل وعسى لان كل البلاستيك اللى فى السوق مختلف وصغير عن الاصلى

اهم العيوب :
اسعار قطع الغيار الغير تقليدية غالية جدا زى الريداتير والسربنتينة والموبينا ومروحة الريداتير لانهااضعاف اضعاف اضعاف مثيلتها فى الفيرنا واللانوس اما باقى قطع الغيار العادية فسعرها رغم ارتفاعه لكن مقدور عليها لان الفرق بسيط ماديا وفرق كبير جدا فى العمر الافتراضى لقطع الغيار عن باقى السياراتا
ثانى عيب وموجود فى كل العربيات اللوجان بلا استثناء هو سير اكسلاتير البنزين لانه كبير وطويل حوالى 3 سم ولما بيتركب بيكون مش مشدود كويس رغم انى لما غيرته جبت الاصلى من توكيل المقطم

مميزاتها احسن من الفيرنا واللانوس 100 مرة ده انا لو كان معايا حاجة غير اللوجان كان زمانها الله يرحمها ويرحمنى لانها لا بتستحمل الخبطات ولا بتستحمل المطبات والغرز ولا ليها فى التعمير لسنوات

رد: أخبار اللوجان معاك ايه دلوقتي ؟؟؟

اقتباس:

المشاركة الأصلية كتبت بواسطة Mohamed Magdy (المشاركة 883914)

125 الف كيلو يعنى عدى عليك موضوع الرجرجة اللى بتبقى فى الفتيس علشان سمعت واحد تانى كان واصل لل 100 الف كيلو و كان كاتب عن الموضوع ده ولا مقبلكشى حاجة زى كده ؟

انا معايا 2012 و عملة 3078 حتى الان

جربت موضوع الabs ده من قبل ولا زى قلته ؟