مصر موتورز مجتمع السيارات - خلاص هتجنن حد يفدنى يا جماعة احسن اولع فى العربية

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - خلاص هتجنن حد يفدنى يا جماعة احسن اولع فى العربية (https://www.masrmotors.com/vb/showthread.php?t=111072)

رد: خلاص هتجنن حد يفدنى يا جماعة احسن اولع فى العربية

اقتباس:

المشاركة الأصلية كتبت بواسطة sokaroz (المشاركة 866481)

زميلنا العزيز السلام عليكم ورحمه الله وبركاته

هناك بعض الاسئله نرجو افادتنا عنها وهى :-
1- موتور سيارتك كامه واحده ولا 2 كامه استيراد (قلت انه متغير)
2- غيرت طقم الكهرباء ياترى الموبينه صينى ولا جى ام اصلى
3- غيرت البوجيهات نوعهم ايه ورقمهم ايه (كل نوع وله رقم)
4- سلوك البوجيهات عندك نوعهم ايه جى ام ولا كورى
5- كشف الكمبيوتر عملته فى اى توكيل بالظبط
6- ياريت ترفع صوره لماتورسيارتك يكون احسن
7- ممكن نعرف حضرتك من اين بالظبط ؟
8- يا ترى غيرت فلتر الهواء ولا لا
9- ياترى فى ريحه بنزين نى او دخنه من الشكمان عند الدواره فى الصباح الباكر

بعد هذا السيل من الاسئله :fun_drinking:
حساس الاكسجين فعلا موجود تحت فرن الشكمان فى صدر السياره الامامى
استهلاك 100 كيلو فى الصفيحه غريب صحيح وانا كمان مشاويرى قليله وقريب من هذا الاستهلاك

بتسئل على أيدلر اعتقد قصدك على ايدل لرن وده بالبلدى اعاده ظبط الكنترول يونت (كمبيوتر السياره)

اما بقى مسئله الرشاشات اعتقد ان موديل سيارتك بيركب عليه الرشاش
الرفيع مش التخين وده المفروض انه اطول عمرا من التخين

ممكن تعمل تجربه كده عند الميكانيكى تشوف بيها رشاشات سيارتك
1- تفك مسطره الرشاشات من تحت المانافول بيبه 12 على ما اعتقد
2- خلى بالك وهو بيطلع الرشاشات من مكانهم فى جلده رفيعه ركبه على كل رشاش اوعى تقع
3- بعد فك المسطره وتحرير الرشاشات افتحه سنه كونتاكت من غير تدوير وخليك فاتح
4- شوف الرشاشات كويس فيها اى تنقيط او تنشيع للبنزين ولا لا
لو لا قدر الله فى تسييل علم على الرشاش ده وحاول تغيره لانه ممكن يكون سبب لاستهلاك عالى من البنزين

كمان تجربه بسيطه تعلمناها هنا فى هذا المنتدى من عباقرته المتميزين
وهى انك تشوف مقاومه كل رشاش من رشاشات السيارة الاربعه ازاى بقى ؟
1- خلى الرشاشات فى مكانها بعد تجربه فك الرشاشات لمعرفه الرشاش المسيل وكل حاجه زى ماهى فقط اخلع فيش الرشاشات اللى راكبه على الرشاشات بالراحه من غير عصبيه
2- تجيب افوميتر وتقيس مدة مقاومه كل رشاش من طرفى الرشاش اللى انتا فكيت الفيش منهم
4- القراءه الشبه طبيعيه تكون فى حدود 16 اوم - الى - 18 اوم
هذه الطريقه الغرض منها معرفه مقاومه كل رشاش فى الفتح والاغلاق وزياده فى الاطمئنان على رشاشاتك

معلش ياسيدى طولت عليك بس يارب اكون كد افدتك كما استفدت من هذا المنتدى الرائع بكل من فيه
ونرجو الرد على الاسئله

شكرا جدا على الحجات دة انا عربتى كامة وحدة السؤال هنا هو البشميتر دة بيحل محل حساس الى جنب الفرن الاكسجسن يعنى ولا ملوش اى علاقة بية
2- انا مشاورى فى اليوم للشغل حوالى كدة 15 كيلو متر رايح جاى
وهل الشميتر دة لية ظبط علشان انا اشتريتة جديد
ولكم جزيل الشكر حد يفدنى مستنى الرد

رد: خلاص هتجنن حد يفدنى يا جماعة احسن اولع فى العربية

فعلا ال CO بوتنشيومتر هو بديل اقل تطورا لحساس الاوكسوجين و دا معمول فى الاصل للبنزين المخلوط بالرصاص لان حساس الاوكسوجين بيبوظ من البنزين المخلوط بالرصاص
و فعلا ليه ظبط ازاى مش عارف بس اكيد بالسكانر يقدر يقرىء و بمفك يظبط البوتنشيوميتر اصلها مقاومة متغيرة بس لازم سكانر عشان تشوف نتيجة الظبط

رد: خلاص هتجنن حد يفدنى يا جماعة احسن اولع فى العربية

اقتباس:

المشاركة الأصلية كتبت بواسطة احمد على 1999 (المشاركة 870646)

جزاك الله خير عنى وعن كل الاخوة الى فى المنتدة الجميل دة
لية سؤال هية العربية بتعمل 100 كيلو فى الصفيحة بوشميتر دة لية علقة باستهلاك العالى دة من البنزين يخلى العربية تعمل 100 فى الصفيحة
وجاجة تنية واسف لو كنت بطول على حضرتك ممكن اغيرة واجيب حساس الشكمان احسن ولا البشرميترة احسن من حساس الى جنب الفرن ارجو الرد ولكم جزيل الشكر

رد: خلاص هتجنن حد يفدنى يا جماعة احسن اولع فى العربية

بالاضاءة لكل نصايح الزملاء اتأكد ان التنك مش مخروم

رد: خلاص هتجنن حد يفدنى يا جماعة احسن اولع فى العربية

اقتباس:

المشاركة الأصلية كتبت بواسطة احمد باندو (المشاركة 873425)

جزانا و اياكم
طبعا ظبط البوتنشيوميتر ضرورى جدا جدا لظبط الاستهلاك
مش عارف حكاية انك تركب حساس شكمان تنفع و لا لأ
لان فى اسئلة مهمة
هل الضفيرة ليها فيشة حساس اكسوجين اللى بالمناسبة طرف واحد ؟
و لا فيشة البوتنشيوميتر تركب لحساس الاكسوجين ؟
هل حينفع لغى فيشة البوتنشيومتر بجمبر " كوبرى "؟
هل الكنترول واحد

مما لا شك فيه حساس الاكسوجين ادق ............ خصوصا ان معدتش فى بنزين بالرصاص

رد: خلاص هتجنن حد يفدنى يا جماعة احسن اولع فى العربية

يا جماعة انا عندي نفس معدل استهلاك البنزين في الشاهين 1996 بس انا عندي مشكلة في المؤشر انه اول انخفاض من الFull بيبقى قليل وبعد كده بينزل بسرعة يبدوا ان العوامة اللي ركبها كهربائي نصف كوم لانه ثناها علشان تسمع في المؤشر بحجة انها طويلة وفعلا فولت وجابت التوب بس استهلاكي عالي .. مش عارف احسبه قولولي على طريقة اكيد لحساب الاستهلاك بالضبط علشان اتأكد انها تمام واللا ايه.. يبدوا ان مفيش حل غير اني افول ثم امشي بيها واحسب الكيلو مترات لحد ما تقف مني عشان البنزين.
ويا ترى تانك الشاهين 1996 كام لتر

اسف على الاطالة

رد: خلاص هتجنن حد يفدنى يا جماعة احسن اولع فى العربية

اقتباس:

المشاركة الأصلية كتبت بواسطة nassser (المشاركة 873621)

انسب طريقة
فول للزور
صفر عداد الرحلات ......................... .....................000
امشى مشاويرك
ولما تيجى تفول تانى تفول للزور تانى ( مش شرط البنزين يخلص )
سجل كمية البنزين ......................... ..............مثال : 34 لتر
سجل مسافة عداد الرحلات ......................... ...مثال : 412 كم

الاستهلاك فى الصفيحة (20 لتر) = 20 مضروبة فى 412 و الناتج يقسم على 34 = 242 كم فى الصفيحة