|
أيهم أفضل المجموعة العربية المصرية للتأمين أو مصر للتأمين
أول مشاركة لي رجاء تفيدوني عن الشركة المجموعة العربية المصرية للتأمين وايه رأيكم فيها وايه الأفضل هي ولا مصر للتأمين من ناحية الخدمة والسعر وسعر الوثيقة بدون تحمل ولوا أصلح في التوكيل أرجو الرد علي بسرعة جدااااااااااا علشان مفروض أعمل الوثيقة يوم الأحد الجاي
|
رد: أيهم أفضل المجموعة العربية المصرية للتأمين أو مصر للتأمين
أخى الكريم كل شركات التأمين واحده من حيث التأمين و الخدمات و لكت كل ما يميز الشركات عن بعض هو خدمه ما بعد البيع هو الاهم ليس المهم حتاخد منى كام و لكن المهم لما تطلبنى حتلاقينى و لا ايه و حتلاقينى اذاى ؟ ارجو ان يكون كلامى مفهوم على فكره جدى رحمه الله عليه كان حكيم و ابن بلد و ذات يوم قال لى كلمه علقت فى ذهنى اهم من الشغل تضبيط الشغل يعنى المهم هو خدمه ما بعد البيع و بالنسبه للمجموعة العربية شركة لا غبار عليها و لكن المشكلة هى التاريخ ؟ما هو تاريخها فة عالم التأمين فى مصر؟ و هذا المبدا يجعل مصر للتأمين كفتها الارجح لسبب بسيط من سنه 1936 وهى فى زياده و اليوم بنتكلم فى 100 مليار جنية ميزانية يعنى تقريبا ميزانية دولة و المبداء دا يخلى شركات عالمية عملاقة تظلم مع انها ممكن تكون فى نفس مستوى مصر للتأمين بس من الاخر الاثنين متقاربين من بعض و الامر متروك لك و ذى الاعلان ما بيقول احسبها صح تعيشها صح و اسف على الاطاله :Wkiss5: محمد صبحى |
رد: أيهم أفضل المجموعة العربية المصرية للتأمين أو مصر للتأمين
مصر للتأمين طبعاً
|
رد: أيهم أفضل المجموعة العربية المصرية للتأمين أو مصر للتأمين
ليه مصر للتأمين طبعا يا اخ ميدو 1970؟
كلها شركات تأمين و لا انت بدور على المصداقية |
رد: أيهم أفضل المجموعة العربية المصرية للتأمين أو مصر للتأمين
مصر للتأمين شركة كبيرة ومحترمة وذات مصداقية
|
رد: أيهم أفضل المجموعة العربية المصرية للتأمين أو مصر للتأمين
و الله صح لسانك يا ام زياد ذى ما يسقولوا قى الخليج
و الله يمور عليكى ذى ما بنقول فى مصر الله يعزك |
رد: مقارنة لشروط واسعار شركات التامين فى مصر لازم تعرفها
اخوانى لى رئى لو سمحتم
هناك عوامل اساسيه فى التعويض اخطار حادث لدى الشركة ثم معاينة من مهندس الشركة فى مكان التصليح سواء التوكيل او ورشة ثم عمل مقايسة من مهندس الشركة ثم التصليح ثم دفع الفاتوره ثمتقديم الفواتير الى شركة التأمين ثم صرف الشيك هذه المنظومة ثابتة فى اى شركة تأمين فى العلم سرعتها و دقتها و مصداقيتها تعتمد على عده عوامل خبره المهندس كثره المهندسين دقة الموضف بتاع التعويض خبره موظف التعويضات معدل السيولة فى شركة التأمين او الاصح الاحتياطى و كل العوامل دى تختلف من شركة الى أخرى بس انا عندى رئى مختلف هناك عامل مهم جدا فى هذه المنظومه لم يذكر وكيل التأمين او الوسيط انا شخصيا فى حاله ما لو اتصل بى عميل لى و قال لى ان عنده حادث مثلا بفضل معاه من لحظتها حتى اسلمه الشيك و احيانا كثيره ادخل فى جدال و نقاش مع المهندس لو المقايسه وجدت فيها ظلم للعميل و كذلك التوكيل بأكون على اتصال بيه و لما الفاتوره بتيجى بأمشى مع الورق من المكتب دا الى المكتب دا و احركة بدل ما يخلص فى 10 ليام يخلص فى 5 ايام مثلا و اخيرا اسلم الشيك الى عميلى انا بعمل كده لسببين الاول ان هذا عملى امام الله فانا وكيل العميل لدى الشركة ووكيل الشركة لدى العميل ولازم اتقى الله فى عملى لانه من صميم عملى تذليل اى عقبه لعميلى و السبب الثانى عميلى اللى عملت معاه كده ممكن يكون له صديق او جار ويسأله عن التأمين اكيد مش حيتردد ان يزكينى عنده و بكده اكون عملت انتشار اكثر و قاعده عملاء اكثر و الله المستعان |
| الساعة الآن 07:03 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017