مصر موتورز مجتمع السيارات - هل اتعرضت لموقف زي ده قبل كده ....وعملت ايه ......؟؟

صفحة 3 من 4

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - هل اتعرضت لموقف زي ده قبل كده ....وعملت ايه ......؟؟ (https://www.masrmotors.com/vb/showthread.php?t=109401)

tefa_memo

27-02-2013 07:41 PM

رد: هل اتعرضت لموقف زي ده قبل كده ....وعملت ايه ......؟؟

اقتباس:

المشاركة الأصلية كتبت بواسطة waelelgazawey (المشاركة 853048)

حصلت لي مرتين الصراحة مرة كنت راكن في باركينج من اللي جمب سيتي ستارز اللي في مدينة نصر وكنت انا ومراتي وكان ابني لسه مولود بيتشال يعني وكنا داخلين سبينس المهم طلعنا من باب تاني وطبعا معانا الشنط ونلف وندور على الباركينج لفينا حولين سيتي ستارز مرتين من بره وطبعا الناس عارفه مساحته اد ايه
المرة التانية كنت في مشوار في الزمالك وركنت العربية جمب سفارة اهوة معلم الشارع اهوة ووقفت هزرت مع عسكري الحراسة اللي واقف وزي الفل اهوة انا ركنت امتي العصرية حلو الكلام عقبال ما خلصت مشواري كان بقى بليل متأخر والمحلات قفلت والمعالم اتغيرت ودور بقى يا معلم على سفارة في الزمالك يالهوي ساعتين بدور على العربية وكان معايا واحد قابلته في المشوار قولتله هوصلك يقولي خلاص سيب العربية وناخد تاكس ايه الاقتراح اللي يودي في داهية دة ههههههههههههههه
بس الصراحة حركة بتوقع القلب

مهما نعمل ونعلم مكان العربية هننسي بردوا وده من الحاجات اللي بتكون شغلانه وصعب نغيرها .....كان الله في عونا والله

tefa_memo

27-02-2013 07:43 PM

رد: هل اتعرضت لموقف زي ده قبل كده ....وعملت ايه ......؟؟

اقتباس:

المشاركة الأصلية كتبت بواسطة zing0 (المشاركة 853061)

و أنا ياااااما حصلت معايا
يبدو إن حالة الزهايمر دى حاله عامه

فى مرة ركنت عربيتى و قضيت المصلحة بتاعتى و راجع بالليل متأخر و تعبااااااااان و بأحلم باللحظة إللى هأدور فيها العربية و أروح.
و الحمد لله متاهتش لأن المشوار متكرر و أنا بأحب أركنها فى نفس المكان كل مرة
الغريب أنها مدارتش, يمكن البطارية ضعيفة. أخبط بحجر .. أبداً.
طيب أيديكوا معانا يا رجاله زقه و نرملها......... هههههههههه
طلعو يجروا عالكورنيش زق للعربية و أنا أحاول أرمى و دى أبداً, الناس نفسها أتقطع :joy23:
طيب متشكرين يا رجاله و أنا آسف.أدور على ميكانيكية أو كهربائية, ألاقى البشوات فاعدين عالقهوه و كل واحد ماسك لىّ الشيشه و عمال يمصمص و يشد و مكسل يقوم يشوفها, (أصله قفل المحل و العده جوه)
و قررت أركنها و أقفلها و ربنا الحافظ. و أقضيها مواصلات.
قفلتها.و بصيت عليها بنظرة الوداع. و مشيت .....
خطوتين و أفتكرت إن فى زرار فصل, قولت أشده بالمرة زيادة تأكيد.
بأشدة لاقيته مشدود أصلاً :09C207~188:
و أنا و لا فاكر إنى شديتة خالص قبل ما أركنها.
طبعاً دورت و طلعت أجرى زى المجنون عالكورنيش:fun_36_1_39[1]:

كويس انك افتكرت بسرعة والا كان زمانك مروح في تاكس واحمد ربنا ان الميكانيكا كان قفل كان عملك فيلم وخد منك فلوس ع الفاضي

tefa_memo

27-02-2013 07:47 PM

رد: هل اتعرضت لموقف زي ده قبل كده ....وعملت ايه ......؟؟

اقتباس:

المشاركة الأصلية كتبت بواسطة tamerfathy82 (المشاركة 853070)

حصل معايا نفس الحوار تقريبا من كام سنة كنت فى جراج كارفور وركنت العربية ودخلت بقى الف واشترى وكلت وكلو تمام طلعت بقى اخد العربية علشان اروح.... فين العربية مش موجودة يانهار اسود اروح هنا واجى هنا العربية اتسرقت سعتها تحس ان وشك احمر وشعر راسك قشعر اجيب الامن فين ياجدعان العربية اتسرقت و اشتم فيهم وحسبى اللى ونعم الوكيل المهم كان فى واحد فيهم من يتوع الامن كل شوية يقولى يابيه ان متاكد ان انت ركنتها هنا و انا اشتمه وقوله هو انا مجنون يا ابن ....... يا بيه اتاكد اصلها حصلت قبل كده كتير اقوله اما متاكد انى سبتها هنا يقولى طب براحة بس ممكن تكون فى صف تانى المهم ماشى معاهم بعدها بكام صف العربية اهيه واقفة مكانها كلهم بصولى حته دين بصه :shyy:

متفكرنيش بجراجات كارفور انا قعد نص ساعة ادور ع العربية ومش عارف اوصل لها مع اني كنت معلمها انها في رقم معين بس للاسف نسيت الرقم بتاع الباركنج

tefa_memo

27-02-2013 07:52 PM

رد: هل اتعرضت لموقف زي ده قبل كده ....وعملت ايه ......؟؟

اقتباس:

المشاركة الأصلية كتبت بواسطة Sameh Ragih (المشاركة 853095)

حصلتلي في جراج عمارتنا في إسكندرية (أنا أصلاً من القاهرة).. ركن العربية و نزلت بالليل أدور عليها و لفيت الجراج كله لمدة لم تقل عن 10 دقائق :dzy: وفي الأخر لقيتها أول عربية راكنة جنب باب الجراج :ROFL_C~118:

يااااااااااااه كتير الحاجة بتبقي ادام عنينا ومش بنشوفها ونفضل ندور عليها وف الاخر نلاقيها قدامنا والله حتي لو حد نسبة تركيزه عالية هينسي بردوا لان ده شيئ طبيعي عند البشر

hk1960k

28-02-2013 11:44 AM

رد: هل اتعرضت لموقف زي ده قبل كده ....وعملت ايه ......؟؟

السلام عليكم ورحمة الله وبركاته

انا بقى روحت مرة بالليل وكنت متعود اركن العربية فى مكان معين ولما روحت لقيت المكان مش فاضى وركنت فى مكان تانى وصحيت الصبح ادور على العربية فى المكان اللى انا متعود اركن فيه ومش لاقيها وقعدت حوالى نصف ساعة ادور على العربيه وبعدين استعوضت ربنا فيها وكنت رايح القسم اعمل محضر سرقة وانا فى الطريق للقسم لقيت العربية بتاعتى وافتكرت اللى حصل وانى ركنتها فى مكان تانى.لو كنت وصلت للقسم وعملت محضر كان حايبقى شكلى ايهPOLICEE

tefa_memo

01-03-2013 02:24 AM

رد: هل اتعرضت لموقف زي ده قبل كده ....وعملت ايه ......؟؟

اقتباس:

المشاركة الأصلية كتبت بواسطة hk1960k (المشاركة 853398)

:w6w2005041113562663 كويس ان ربنا سترها ولقتها قبل ما تروح تعمل بلاغ

ahmedraafat00

05-03-2013 02:22 PM

رد: هل اتعرضت لموقف زي ده قبل كده ....وعملت ايه ......؟؟

ياااااااااه الموقف صعب اوى وواضح انه حصل لناس كتييييييييييييييير
انا حصلى برده بس كان ابسط من كده
اول ما بدأت أسوق وانزل بالعربيه روحت انا وصحابى كارفور اسكندريه وطبعا الباركينج هناك كبيييييييير اوى وصلت وركنت العربيه ومبسوط بقى وعمال اقولهم والنبى ركنة معلم :lvly:
دخلنا بقى وقعدنا نلف وكلنا وخرجنا ندور على العربيه مش لاقينها نلف هنا وهناك مش لاقيها وفى تلك اللحظه ادركت المصيبه انى نسيت أعلم انا ركنت العربيه فين ؟ والانظار مكانش شغال كمان كنا تلاته كل واحد راح دور فى حته لحد ما الحمد لله لقينها وفهمت بقى ان كل مكان بركن فيه بيبقى ليه رقم وحرف معين عشان اعرف اوصله :)

الساعة الآن 10:16 PM.

صفحة 3 من 4

عرض 7 مشاركات من هذا الموضوع لكل صفحة