رد: ناوى اشترى نوبيرا اوتوماتيك.افيدونى بالراى
 

يا جماعة لو الاستخدام كويس ويراعى فية الاصول وزى الاخوان كدة ما قالوا فى الاشارات الطويله بلاش ضغط على الفرامل مع وضع الجر فى وضعية D
تكون تمام اى نعم استجابة النوابيرا بطيئة فى الاتوماتيك وعلى فكرة معظم السيارات اللى اقل من 2000 سى سى تحس بالفرق مع الاتوماتيك انة بيأخد جزء لا يتهان بة من عزم السيارة وبالتالى يؤثر بشكل ملحوظ على التسارع انا شخصيا كنت فى نوابيرا 2002 مع اوبل فيكترا 99 فى طريق السال الشمالى ورغم ثقل الاوبل مع محرك 1.6 الا انى وجدت نفسى كانى واقف مكانى اثناء التسارع والقومة وكمان كانت اليكروباصات التويوتا الهايس بتجبنى بسهوله لكن مع المانيوال السيارة فعلا سحبها ممتاز وسلس وتحس انك بمحرك 1.8 لتر مش 1.6 لتى وتماسك جيدا جدا لكن الموضوع دة كان اوضح مع النيسان صنى 1.3 لتر كانت فضيحة فى التسارع العادى كانى رابط مقطورة ورا السيارة بعكس الكورولا 1.3 التوماتيك اداء جيد ومعقول ولكم منى فائق الشكر والاحترام

رد: ناوى اشترى نوبيرا اوتوماتيك.افيدونى بالراى
 

انا عندى نوبيرا اتوماتيك

بقالها شهر

موديل 2003

و الله ممتازة
و الجماعة اللى ردوا و قالو لأ

اعتقد مافيش حد ركبها قبل كدة

انا سمعت كتير قبل مااخدها

و بدأت اسال الناس اللى ركباها
لو لقيت حد راكن او حد فى اشارة اسألة و ماحدش قاللى وحشة

رد: ناوى اشترى نوبيرا اوتوماتيك.افيدونى بالراى
 

انا معايا بقالها 6 سنين وماجتش جنب الفتيس خالص
وحتى لو الفتيس حصل فيه مشكله الفتيس كله استيراد 1400 جنيه يعنى تمن الدسك والاسطوانه والبليه فى الفتيس المانبوال وانت الكسبان راحه السواقه لان بلدنا ما ينفعش فيها مانيوال ptmnlo123per154

رد: ناوى اشترى نوبيرا اوتوماتيك.افيدونى بالراى
 

الكلام دة مش مضبوط

اتا معايا 2003 اتوماتيك

و التسارع بتاعها جميل

و فيها ميزة انك لو اخدتها على الهادى بتتسارع كويس

و لو مضبوطة كويس زى الميكانيكى عندى ما ضبطها

هايبقى فيها الكبسة اللى بتديها دفعة و تخليها تطير

رد: ناوى اشترى نوبيرا اوتوماتيك.افيدونى بالراى
 

توكل على الله يا باشا العربية دي ممتازة ومافيهاش أي مشاكل في الفتيس انا معايا واحدة 2001 معجونة شغل و عاملة 250,000 كم و مافيش اي مشاكل و التسارع ممتاز اي حد بيشتكي ان العربية دي سحبها معاه ضعيف ينسى الفتيس لانه مش هو المشكلة اطلاقا بس يغير الرشاشات برشاشات اصلية مايوفقلهاش رشاشات يحط الاصلية و يغير بوجهات و يهتم بفلتر البنزين و يمون من بنزينات نظيفة و يشوف العربية هتكون عاملة ايه معاه
و مع احترامي لرأي الجميع اللانسر الكرستالة متجيش جنب النوبيرا حاجة انا ركبت الاتنين زيرو و مستعملين النوبيرا طبعا اقوى و اداء اعلى بفرق كبير جدا جدا
توكل على الله و عمومان مشاكل الاوتوماتيك بتكون نتيجة الوقوف بالعربية لفترة بدون وضع الفتيس على وضع N او p و مش كل الفتيس بيكون باظ مجرد بس جزىء في الفتيس هو اللي بيعطل و هو الخريطة عشان كلها valves مع ترك السيارة على الوضع D والضغط على الفرامل لفترات طويلة مثل الوقوف في الاشارات و الزحام بيعمل تحميل على الvalves دي فبتبوظ يعني في اي عربية اوتوماتيك لو تعاملت معاها باسلوبها المظبوط لن تجد اي مشاكل خاصة ان الفتيس الاوتوماتيك مصمم لتسهيل نقل وضع الفتيس من D الى N و العكس بدون الحاجة الى الضغط على زر نقل وضع الفتيس فبمجرد وقوف السيارة سهل تحرك الفتيس بمجرد زقة و كدة تقدر تحافظ على الفتيس بدون مشاكل ولا على 200,000 ولا 500,000 كم

رد: ناوى اشترى نوبيرا اوتوماتيك.افيدونى بالراى
 

:waving:مين بس قال ان الكورى وحش فى الأتوماتيك . أنا راكب نوبيرا أتوماتيك ومش وحشة ولا حاجة . لاكن إلى عايز يستمتع فالكورى مش إستمتاع أوى . هو معقول . لاكن مع شخص حساس مع الأصوات أفضل إنة يبعد عن الكورى