|
رد: كمبروسر الهواء المحمول... إستفسار عن تجارب؟؟؟؟؟
و حضرتك اشتريت ولا لسه
|
رد: كمبروسر الهواء المحمول... إستفسار عن تجارب؟؟؟؟؟
شكرا ليك يا صاحب الموضوع واحنا مستنيين معلومات اكتر لان كلنا بنعانى من نفس المشكلة دة تقريبا طول الوقت حتى اللى موش بينام عجلة لغاية الاخر بفو بيبقى محتاج يتزود كل يومين او 3 مثلا او كل اسبوع
تصدق انا كنت على وشك انى اجيب اليدوى لانى موش بحتاج الا لتزويد الهوا شوى صغيرة كل اسبوع مثلا واتنمى من الله ان يصلح حالنا وحالك |
رد: كمبروسر الهواء المحمول... إستفسار عن تجارب؟؟؟؟؟
موقف لسه مقابلنى طازة - ربنا ما يكتبه على حد
واحد محترم جاى من آخر الشارع و عربيتة ماشيه الجنوط بياكل فى الأرض. عمال بيلف على واحد بتاع كاوتش يكون فاتح النهارده, برضه يوم الأحد (تقريباً الكاوتشات كلها متفقه تبوظ اليوم ده) المهم و أنا ماشى بيسألنى مفيش حد هنا بتاع كاوتش؟ قولتلوا النهارده الأحد, ممعاكش أستبن؟ قاللى لأ. طيب الكاوتش بتاعك تيوبلس؟ قللى لأ. ساعتها أتأكدت أن حتى لو معاه منفاخ مش هيعمل حاجه. الشئ اللى يزعل أنه كان معاه والدته تقريباً (ست كبيرة فى السن) و كان الحل الأمثل: يركن العربية و يأخد تاكسى. بصراحه: كاوتش تيوبلس + كمبروسر= أمان من المواقف الصعبه بإذن الله. |
رد: كمبروسر الهواء المحمول... إستفسار عن تجارب؟؟؟؟؟
موضوع رائع ومشكورين علي الافادة
:Wkiss5: :Wkiss5: :Wkiss5: |
رد: كمبروسر الهواء المحمول... إستفسار عن تجارب؟؟؟؟؟
بصراحه: كاوتش تيوبلس + كمبروسر= أمان من المواقف الصعبه بإذن الله.
|
رد: كمبروسر الهواء المحمول... إستفسار عن تجارب؟؟؟؟؟
ياريت لو فيه صور يبقي خير وبركه
:THUMBS~220: :THUMBS~220: :THUMBS~220: |
رد: كمبروسر الهواء المحمول... إستفسار عن تجارب؟؟؟؟؟
فيه إعلان عن المنفاخ الواحد بستم (أنا شايف إنه مقنع جداً للعربيات الملاكى), و فيه صورة ليه.
فعلاً بينفخ الكاوتش من الأرض فى دقيقه و يمكن أقل, يعنى ممكن على ما تسخن العربية يكون نفخ الكاوتش, و الموقف ده حصل معايا بالفعل. الحمد لله ربنا أعانى و نزلت جبت الواحد بستم بـ 145 جنية من محل (مش من إللى فارشين فى الشارع), و طبعاً صينى (كله صينى, ده بقى فى بنى آدمين صينى فى مصر كمان). و طبعاً الضامن هو الله, و معاك ضمان إستبدال لحد باب المحل فقط. المهم كنت نازل الشغل الصبح و كعادة زوبه و مفاجأتها الرخمة ألاقى الكاوتش نايم عالأرض, خرم عالصبح كده :cry2W9: طبعاً كالعادة نازل متأخر, رحت فاتح الشنطة و مطلع المنفاخ و قولت أجرب, لو فيه نتيجه ماشى, مفيش ألحق أشوف أى مواصله. كنت عامله سلكين بمشبك كروكودايل (مشبك تمساح من عند بتوع قطع غيار الإلكترونيات) و ركبتهم فى قطاشات البطاريه, و سميت الله و دورت العربية (علشان أسخن عادى), و رحت مركب الخرطوم فى الكاوتش, و بسم الله , و شغلت. الله أكبر, بجد أداء لم أكن أتوقعه, فى أقل من دقيقه كان الكاوتش على 35 و بالنسبة للمؤشر بتاعه,مش بيختلف أوى عن الديجيتال. لأنى رحت لبتاع كاوتش عنده مؤشر ديجيتال و لاقاه على 36. دلوقتى هسيب رابط الإعلان بتاعه و ليه فيديوهات عاليوتيوب لنفس الشركه بس ده طبعاً للإيضاح مش للإعلان, و كفايه أنك تعرف ثمنه فى الشركه (الوااااااد بستم بـ 250 ج و مبيرضوش يقولوا غير لما تتصل + مصاريف الشحن 20 جنيه) فى التوفيقيه بـ 145 أو حتى 150 (السعر الشائع بدون فصال) - طبعاً فرق سعر شاسع. الشركه مسمياه هرقل (براحتهم حتى لو هيسموه عنترة بن شداد_ صنع فى قبيلة عبس), فى التوفيقية ما لوش أسم غير 1 بستم. http://dvd4arab.maktoob.com/f499/3488867.html |
| الساعة الآن 11:34 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017