رد: سؤال لخبراء اللانوووس .. صوت رنه تقريبا من الشكمان !! مش عارف :(
 

بص بقى حاقولك على حاجه ممكن تساعدك
حتجيب عصاية مقشة
وتحطها داخل فتحة الجكمان من ورا - تحت الاكصدام
وتشدها ناحية اليمين سنه صغيرة بحث ان الجكمان لو اتهز حتى ما يخبطش في الاكصدام وطلع العصاية ودور واطلع وقوللي ايه اللي حصل لان انا عملت كده بسبب اني كنت بارجع وكانت ورايا طوبة رصيف ماشوفتهاش خبطت في الجكمان وظهر صوت الخبط والرنه مه التزويد على التاني والتالت وستر ربنا اني كنت بارجع براحة فجرب وقول رأيك

رد: سؤال لخبراء اللانوووس .. صوت رنه تقريبا من الشكمان !! مش عارف :(
 

غريبة فعلا
بعد ده كله و لسا الصوت ماراحش؟؟؟
متابع
:140109~347::140109~347:: 140109~347:

رد: سؤال لخبراء اللانوووس .. صوت رنه تقريبا من الشكمان !! مش عارف :(
 

باشا المشكلة عندك في علبة الشكمان الوسطى او العلبة الاخيرة وفي الغالب حتكون الوسطى روح غيرها و ان شاء الله حتلاقي المشكلة اتحلت ..... وعلى فكرة انا كان عندي نفس مشكلتك دي و دوخت السبع دوخات عند الميكانيكية و بتوع الشكمانات لدرجة ان واحد بتاع شكمانات قالي والنبي لو عرفت السبب ايه ابقة قولي عليه , روحت التوكيل اول ما المهندس سمع الصوت قالي ده صوت علبه من العلب بتاعه الشمكان و طلعت العلبة الوسطى .

رد: سؤال لخبراء اللانوووس .. صوت رنه تقريبا من الشكمان !! مش عارف :(
 

ممكن يكون داخل العلبه فى التقفيل يكون مسمار وقع داخل العلبه او بنطت لحم موقعت فى العلبه من جوه انت ارفع السياره وه ديؤه فى المحطه واسمع منين الصوت

رد: سؤال لخبراء اللانوووس .. صوت رنه تقريبا من الشكمان !! مش عارف :(
 

السلام عليكم .
انا كان عندى نفس المشكلة عربيتى بردو 2012 ووحت التوكيل قالى هى كده ...
فى الاخر المشكلة طلعت فى السوستة بتاعت الشكمان غيرتها و الصوت راح الحمد لله .
بعد ما كشفت عليها عند Speed Service Center
م/ هانى ميخائيل

رد: سؤال لخبراء اللانوووس .. صوت رنه تقريبا من الشكمان !! مش عارف :(
 

ممكن يكون من علبه البيئه الفحم اتكسر وبيعمل صوت انا شفت صاحبى بتاع شكمان وورانى الفحم وقالى بيعمل ايه لما بينكشر داخل العلبه