|
رد: المياة طعمها اتغير بعد تركيب فلتر مياة
اقتباس:
|
رد: المياة طعمها اتغير بعد تركيب فلتر مياة
اقتباس:
|
رد: المياة طعمها اتغير بعد تركيب فلتر مياة
اقتباس:
|
رد: المياة طعمها اتغير بعد تركيب فلتر مياة
السادة الاعضاءالمحترمين.. انا الحقيقة انا عندى مشاركة يمكن يكون فيها معلومات مش سارة للناس اللى مركبة فلاتر المياة اللى بتحتوى على ميمبرين
الحقيقة انا راجل بتاع تسويق واشتغلت فى اكثر من منتج خلال حياتى العملية اللى تقريبا بقالها دلوقتى 18 سنة المهم انى اشتغلت فى موضوع فلاتر المياة ده تقريبا كان الكلام سنة 2004 وكانت ساعتها الفلاتر دى حاجة تعتبر جديدة ولسة غالية وبصراحة مكسبها ظريف .. وكانت الفكرة من خلال صديق لى بيشتغل فى مجال الفلاتر دى بقاله سنتين ساعتها .. وبالفعل خدنا تدريب على طريقة الشرح وكيفية عمل تحليل لنسبة الاملاح باستخدام جهاز ال TDS وكمان الطريقة بتاعة الفصل الايونى لمركبات المياة واللى بيعملها الفنى قدامك باستخدام عينة مياة من الفلتر وعينة اخرى من مياة الحنفية واللى طبعا بتكون نتيجة المشاهدة ليها بتخللى العميل ياخد قرار وقتى بانه يشترى الفلتر لانه بيشوف فى عينة المياة اللى من الحنفية بيلاقى حاجات خضراء زى الطحالب اللى بتكون موجودة فى المياة الراكدة وكمان حاجات لونها بنى زى لون الصدأ اللى فى المواسير .. وبالفعل اشتغلنا فيها فترة الحمد لله مش كبيرة يعنى تقريبا شهر وركبنا لعدد مش كبير والحمد لله.. ولكنه كان عندنا متابعات على بيعات كتيرة جدا احنا اصلا ناس محترفة فى التسويق ..ولكنه من ستر ربنا علينا وعشان منشيلش ذنب حد .. اكتشفت الحقيقة بتاعة الموضوع بسرعة من خلال حديث ودى مع صديقى اللى كان عرفنى بالمنتجات دى وكانت المفاجأة الغير سارة .... الحقيقة انه اكتشفت اولا انه طريقة العرض لميزات الفلتر بها نوع من انواع الغش وهو ما يسمى بالتحليل الايونى اللى شرحته بالاعلى وذلك لانه اكتشفت انه الالوان الخضراء والبنى اللى هى المفروض بيتم تعريف العميل بيها على انها طحالب وصدأ دى هى الالوان الطبيعية للاملاح الموجودة فى المياة ولكن بعد تأينها باستخدام جهاز البريستيتور على ما اتذكر اسمه - الموضوع قديم - وده معناه انها مش حاجة وحشة فى المياة ولا حاجة.. والاهم من ذلك وهو فعلا الشىء اللى انا عملت المشاركة دى عشان احذر الناس منه وهو انه السر فى عدم ظهور تلك الاشياء فى عينة المياة المأخوذة من الفلتر هو انه انظمة الفلاتر اللى بتعمل على اساس ضخ المياة بموتور الفلتر من خلال المسام الضيقة جدا بالممبرين العملية دى بتتسبب فى نزع الاملاح سواء الضارة او المفيدة واللى بيحتاجها الجسم فعلا عشان ما يحصلش هشهشة عظام للانسان بمعنى انه بيضر ضرر اكثر من الفائدة اللى بيعملها وعليه بصراحة انا وقفت نشاطى فى هذا المجال من ساعتها ... ولو الناس فعلا عايزة تستخدم فلاتر واعوذ بالله من كلمة انا ... انصح بانه يمكن الاعتماد على الفلاتر ولكن التى لا تحتوى على الميمبرين وفى نظرى فلتر فيه 3 مراحل لتنقية الشوائب بالاضافة الى وحدة المعالجة واللى بتسمى بالالترا فيلوت او U V عشان على حد علمى هى بتنقى الشوائب وتعمل على قتل البكتريا او الفيروثات لو لا قدر الله كان فى حاجة زى كدة ( دى كانت نصيحة صديقى لى انا شخصيا ).... والله اعلم بس هى دى تجربتى مع الموضوع وعن نفسى رميت الفلتر اللى كنت ركبته عندى ساعتها وبشرب مياة عادية من الحنفية وبدون اى فلتر النصيحة لوجه الله ... ومتشكر جدا لوقتكم |
رد: المياة طعمها اتغير بعد تركيب فلتر مياة
اقتباس:
ونشكرك على التحذير لكن عند قياس الاملاح بعد مرحله الميمبرين هذه بتتراوح الاملاح المذابه فى المياه بين 120 : 170 وهى الاملاح المناسبه يعنى الميمبرين هذا لاينزع الاملاح نهائيا من المياه ياعزيزى الفاضل الاملاح فى مياه الشرب عندنا متفاوته من مكان لمكان ممكن تلاقى منطقه الاملاح بها 900 واخرى 1300 ومناطق اقل بكثير يعنى محتاج توضيح اكثر لان فعلا اغلب الكلام عن المواضيع دى تسويقى اكثر حضرتك انا الجهاز ده عندى من زمان وسمعت كثيرا ان من يبيعون المرحله الواحده فقط يشككوا فى الوحدات الخمس مراحل فيما فوق وللأسف هناك تخبط واضح بسبب سياسه التسويق وينحرق المستهلك فبرجاء الافاده نسبه الاملاح المذابه فى الماء بعد مرحله الميمبرين بتكون من 120 الى 170 هل هذه النسبه صحيه ام مضره وممكن حضرتك تقارن بينها وبين ماهو مكتوب على اى زجاجه مياه المسماه (بمياه معدنيه) ستجد النسبه متقاربه برجاء الرد حتى لاتحدث بلبله ووسوسه عند الناس التى تتعامل مع هذا النوع من وحدات تنقيه المياه |
رد: المياة طعمها اتغير بعد تركيب فلتر مياة
بص يا باشا احنا مركبين عندنا الفلتر الامريكى تقفيل بلاده 7 مراحل اول ما ركبناه كانت الميه طعمها غريب جدا والسبب لان الميه الملوثه اللى احنا بنسربها طوال السنين الماضيه بقت بالنسبالنا عاديه و اخدنا عليها لكن لما جينا نشرب ميه نضيفة مره واحده كان طعمها كانه مر شويه بس لما هتاخد عليها هتتعود و هيبقى العكس بقى ان طعم مية الحنفية هو اللى غريب عليك ومتقلقش طعم الميه ده غير مضر المهم تحافظ على صيانة الجهاز كل شهر لو مشترك تبع شركة بيجيلك مندوب يعملك صيانه شهريه وبيبقى كل مده معينه بيغيرلك فلتر مرحله منهم على حسب ما هو بيكشف تحياتى |
رد: المياة طعمها اتغير بعد تركيب فلتر مياة
اقتباس:
بس طبعا احب اوضح انه انا مش كيميائى او دكتور تحاليل وكل المعلومات السابقة اللى انا ذكرتها من قبل مصدرها صديقى اللى حكيت ليكم عنه فى المشاركة السابقة وبالنسبة ليه هو فعلا حد متخصص فى المجال ده وبالتحديد هو مهندس زراعى مهتم كثيرا بالكيمياء وتحاليل المياة ... باختصار كانت مهنته يمكن حتى الان والله اعلم لانه فعلا مقابلتوش منذ اكثر من 3 سنوات بالنسبة لنسبة الاملاح بعد الميمبرين اكيد فعلا هتتوقف على درجة الاملاح اللى فى المياة قبل الفلتر واللى فاكره عن المناطق بتاعة القاهرة والجيزة المدن يعنى زى وسط البلد والهرم والمعادى والمناطق دى يعنى كانت بتكون فى حدود ال 300 اقل او اكثر مش متذكر فعلا ودى بعد الفلتر كانت بتوصل من 20 الى 70 على حسب قوة وجودة الفلتر بالتحديد شمعة الميمبرين المهم ده معناه انه لو انا بعمل الكلام ده فى منطقة من اللى هى بتكون نسبة الاملاح فيها عالية زى ال 900 وكدة ممكن تنزل فعلا للنسب اللى حضرتك اتكلمت عنها اللى هى 120: 170 بس هنا طبعا عمر الميمبرين هيكون اقصر بكثير بمعنى اصح هيتغير مرات اكثر من المناطق الاخرى بالنسبة للتضارب ما بين البائعين سواء للفلاتر المرحلة الواحدة والفلاتر المراحل المتعددة ده انا محضرتوش لانه وقتها كان الفلتر المراحل ده هو التوب وكانت المنافسة لا تذكر ( والله وحياة اولادى كان مكسب الجهاز من 750 : 1500 ج على حسب النوع وعدد المراحل . بص ياباشا بالنسبة لنسبة الاملاح فى المياة المعدنية اكيد هى صحية والا مش هتنزل السوق طبعا ... بس انا عايز اقولك حاجة لما اشتغلنا فى الموضوع ده كان بيقابلنا عميل بيقول انا بشرب مياة معدنيه ومع ذلك كان التجربة عليها بجهاز الفصل بردوا بتدى نفس شكل النتائج من حيث اللون الاخضر والبنى ولكن بدرجة اقل بكتير عن المياة العادية وطبعا بالنسبة له كدة الفلتر احسن واوفر كمان عن سعر المياة ... وده يأكد لحضرتك انه فعلا الميمبرين بيشيل الاملاح كلها . عشان كدة المياة بتاعة الفلتر مش بتطلع اى اخضر او بنى اللى هى والله اعلم نسب الحديد والنحاس اللى فى المياة على فكرة وانا بكتب الرد جربت اتصل بصديقى القديم عشان اتأكد من المعلومة بتاعة انه الالوان دى بالنسبة للحديد والنحاس لكن تليفونه غير متاح دايما يمكن غيره اتمنى اكون قدرت افيد حضرتك ... وربنا طبعا يعلم انى كتبت هذا لوجه الله ولم اقصد ابدا اثارة اى نوع من انواع الوسوسة او البلبلة بين الناس فلست صاحب مصلحة من اى نوع وكمان عايز اوضح حاجة مهمة وهى انه السبب المباشر فى توقفى عن هذا العمل هو طريقة الغش فى عرض المنتج وكانت هى السبب المباشر لذلك و بعدها تأكدت كمان من صديقى من الاضرار الصحية التى ذكرتها و ولكن الله اعلم يمكن متكونش بحجم الضرر اللى ذكرته لكم .. ولكن الاهم انه طريقة البيع ( الفصل الايونى ) مبنية على الغش و انها استغلال لجهل العميل بمعلومات الطبيعى انه يكون ميعرفهاش الا اذا كان كيميائى يمكن لو حد هنا من الاعضاء متخصص فى الكيمياء يفيد فى هذا الموضوع والسلام عليكم ورحمة الله وبركاته |
| الساعة الآن 07:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017