|
رد: حادثة لوجان في اسكندرية
ألف ألف حمدا لله على سلامتكم
سبحان الله اللطيف الذي بلطفه انجاكم لابد ان تسجدوا لله شكرا وان تتوجهوا اليه وتلزموا بابه ما بقي من حياتكم لو ذكرت لنا سببا للحادث لكان خيرا واكثر فائدة للاعضاء لكي يأخذوا بالاسباب ويتجنبوا سبب الحادث |
رد: حادثة لوجان في اسكندرية
انا راىى انك تبيع على كده لان انا واخويا واهلى اتقلبنا بفليشيا وكانت اقل من كده واتصرف عليها حوالى 15 الف ومارجعتش زى الاول نهائى واتنصب على اخويا من كل الصنايعيه كانه واحد بيلاقى الفلوس فى الشارع او سارقها ولما اتعرض عليه سعر كان اقل من سعرها ب10 الاف جنيه يعنى انا رايي خسارة قريبه احسن من مكسب ممكن مايجيش والف حمدا لله على سلامتك وتغور الفلوس الحمد لله انها مجتش فيك او فى اصدقائك
بس انا ليه استفسار بعد اذنك لانى باذن الله ناوى اجيب اللوجان قريبا هوة حضرتك كنت ماشى على سرعه كام وايه سبب الحادثه ؟ |
رد: حادثة لوجان في اسكندرية
اولا انا بشكر كل واحد نصحني وربنا يكفيكم شر الحوادث
الحادثة حصلت واحنا عند ميناء الدخيلة وكنا ماشيين على سرعة 80 كم تقريبا اللي حصل ان ميكروباص رمى علينا فجأة وكنا قريبين من الرصيف المهم راح صاحبي حدف شمال وكان فيه رملة بجانب الرصيف فالعربية اتزحلقت يمين في شمال وطلعت فوق الرصيف واتقلبت ودخلت في عامود نور وكسرته والحمد لله عمود النور هو اللي وقفها ومخلهاش تعدي الطريق المعاكس فيما بعد كذا حد قاللي ان الطريق عند مينا الدخيلة بيزحلق جامد عشان الارض فيها ملح وقدر الله ما شاء فعل.المهم دلوقتي كلهم بأحسن حال. |
رد: حادثة لوجان في اسكندرية
قدر الله و شاء فعل |
رد: حادثة لوجان في اسكندرية
انا ساكن في الدخيله وفعلا الطريق ده بيبقي مزحلق ساعة الفجر كده
بس المشكله الاكبر التراب اللي في طريق وبرادة الحديد اللي فيه لان جمب فيه المينا وجمب فيه حديد عز فالطريق مش حلو نهائي الحمد لله علي سلامتكوا اتكتبلكوا عمر جديد:GROWIN~12: |
رد: حادثة لوجان في اسكندرية
ألف حمدأً لله على السلامة - الحمد لله إن كل من كان في العربية خرج منها بإصابات فقط الحادثة من الناحية الشمال جامدة فعلاً و لكن العربية دي فعلاً محترمة على الرغم من عدم وجود إير باجز و أعتقد إنها عملت اللي عليها و لا تطلب منها أكثر من كده و أنصحك بالبيع طبعاً كما أفاد باقي الزملاء إنت الحمد لله أخدت من العربية ثمنها و أكثر في هذه الحادثة وقدر الله و ما شاء فعل
|
رد: حادثة لوجان في اسكندرية
الف حمد لله علي سلامتك انت واصحابك
وزي ما كل الناس قالت بيعها بحالتها بص لو اتقالك انها هتتكلف 20 الف اعرف انها مش هتقل عن 30ل 35 الف غير وقت وبهدلة صنايعية وحرقة دم ومش هتتباع باكتر من 35 ل40 الف يبقي بيع يا ريس وربنا يعوض عليك باحسن منها |
| الساعة الآن 03:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017