رد: علاء الأسواني يطالب بمنع الأميين من التصويت
 

الحمد لله يا ا.ادهم باتعامل مع الجاهل قبل المتعلم يوميا و ربنا شايف .,. انما ان حضرتك تقلبها حقوق انسان و تكبر و الغناوي ديت .,. فانا لما كتبت الرد ده و هو مقتبس بس عجبني لان من خلال تعاملاتي الناس مش فاهمه ( نسبه الاميه و الجهل كبيرررررررررره في مصر ) و الضحك عليهم باسم الدين .,. هيجيب نتيجه بس حرااااااااااااااااااااااا ام .,. لان ده تجاره بالدين ستودي لفتنه و هدخل البلد في بلاوي .,. فانوه بلاش الاسلوب ده لا معايا و لا مع غيري ...

رد: علاء الأسواني يطالب بمنع الأميين من التصويت
 

يا ابو جنى كامل احترامى لذكرى جد حضرتك وتقديرى الشخصى للجيل الجميل والحكيم ده علشان انا جدودى الاتنين كانو زى ما حضرتك بتحكى اكتسبو خبرة الحياة والاحداث الجسام اللى مرو بيها فى تاريخهم بالاضافة لما تيسر من العلم فى وقتهم

بس احنا مش بنتكلم اصلاً على جدودنا احنا بنتكلم عن فئه تتجاوز الملايين من ذوى الاعاقات الذهنية والاداركية اللى شوفتهم بعينى فى الانتخابات اللى فاتت كلها بحكم مشاركتى فى تنظيمها ودول مش بيصوتو لفهم او ادراك دول بيشخو اللجنة معاهم زويهم وهما اللى بيختارولهم

الست من دول تخش تقول ده ابنى وتحط صوتها وصوت ابنها وهما الاتنين ميفهموش يعنى ايه استفتاء ولا ايه موضوعة اصلاً

والشاهد ان محترفى الانتخابات سواء من الحزب الوطنى قديماً او الاخوان محتكرين الطائفة ديه من الناس بالمساعدات الخيرية فى ظاهرها فقط لتوجيه اصواتهم

للاسف فى تعمد للمتاجره بجهل الشعب

اولا يعلنو ان الاستفتاء فيه غرامة 500 جنية للى مش هيروح يقوم كل الناس تروح مش علشان تشارك بصوتها لكن خوفاً من الغرامة

ثانياً وثالثاً يتم ترهيب الناس تارة وترغيبهم تارة اخرى بالغرامة وبالدين وبالتضليل والكذب وموقعة الصناديق ليست ببعيدة

يا راجل يا مؤمن ده انت متقدرش تطلع رخصة سواقة لواحد مبيعرفش يقراء ويكتب عايز تدى للأميين حق توجيه بلد بحالها

وسبحان الله نفس الدستور بيرعى استمرار الجهل بدون تحديد ميزانية واضحة للتعليم او نسبة فى الدخل العام او استقلال كامل للجامعات والنكته الاخيرة بتاعة تعريب العلوم

يا ناس ربنا اول ما اوحى (أقراء)
ولما ربنا سبحانة خلق سيدنا أدم قبل ما يسجد ليه الملائكة وقبل ما يدخلة الجنة علمة

اقروا القرأن يا ادعياء الدين

بسم الله الرحمن الرحيم
وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لَا تَعْلَمُونَ (30) وَعَلَّمَ آَدَمَ الْأَسْمَاءَ كُلَّهَا ثُمَّ عَرَضَهُمْ عَلَى الْمَلَائِكَةِ فَقَالَ أَنْبِئُونِي بِأَسْمَاءِ هَؤُلَاءِ إِنْ كُنْتُمْ صَادِقِينَ (31) قَالُوا سُبْحَانَكَ لَا عِلْمَ لَنَا إِلَّا مَا عَلَّمْتَنَا إِنَّكَ أَنْتَ الْعَلِيمُ الْحَكِيمُ (32) قَالَ يَا آَدَمُ أَنْبِئْهُمْ بِأَسْمَائِهِمْ فَلَمَّا أَنْبَأَهُمْ بِأَسْمَائِهِمْ قَالَ أَلَمْ أَقُلْ لَكُمْ إِنِّي أَعْلَمُ غَيْبَ السَّمَوَاتِ وَالْأَرْضِ وَأَعْلَمُ مَا تُبْدُونَ وَمَا كُنْتُمْ تَكْتُمُونَ (33) وَإِذْ قُلْنَا لِلْمَلَائِكَةِ اسْجُدُوا لِآَدَمَ فَسَجَدُوا إِلَّا إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ (34) وَقُلْنَا يَا آَدَمُ اسْكُنْ أَنْتَ وَزَوْجُكَ الْجَنَّةَ وَكُلَا مِنْهَا رَغَدًا حَيْثُ شِئْتُمَا وَلَا تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ (35)

رد: علاء الأسواني يطالب بمنع الأميين من التصويت
 

أنا من أشد الناس أيضا التى تطالب بهذا و هذه هى أول نقطة أتوافق فيها مع اللى اسمه علاء الأسوانى
و أنا أرى أنه لا داعى أن تدخل حضرتك حقوق الانسان و الرفق بالغلابة فى الموضوع لأننا كلامنا واضح و لا نقصد منه التفريق العنصرى ولكن مقصدنا هو اشراك فقط من يفهم فى الدستور و يعرف سواء كان هذا الدستور سيكون فى مصلحة البلد أم فى مصلحة الاخوان،و الموضوع ده هيقف ضده الاخوان طبعا هيقولوا فين المساواة والديمقراطية و المشمشية و المهلبية و الى اخره.............لأنهم لا يساوا تعريفة من غير الجهلا وميكملوش 100 ألف على بعضها و حضرتك عارف طبعا كمية الناس اللى تحت خط الفقر فى مصر .
يسقط يسقط حكم المرشد

رد: علاء الأسواني يطالب بمنع الأميين من التصويت
 

رد: علاء الأسواني يطالب بمنع الأميين من التصويت
 

رد: علاء الأسواني يطالب بمنع الأميين من التصويت
 

رد: علاء الأسواني يطالب بمنع الأميين من التصويت
 

والله يا ابو جنى بالرغم من معاناتى الشخصية من المشاركة فى المنتدى الا ان مكسبى بيبقى دائماً انى اتحاور مع انسان محترم زى حضرتك اياً كان رأية


ان شاء الله مفيش خلاف واختلافنا يكون تكامل ووفاق مش تنابذ واستقطاب

نبداء من حيث اتفقنا ... واصيغ من كلام حضرتك قانون ( من لا يستطيع التمييز بين الصواب الخطاء لا يجب ان يشارك فى اتخاذ القرار )

واحنا مش عايزين ننسى اننا بنتكلم على دولة واليات دولة ... يبقى ازاى نحدد كدولة المواطن الاهل للقرار والغير اهل بشكل عملى بقدر الامكان غير معيار التعليم الاساسى او القرأه والكتابة على الاقل ؟؟

واحنا عارفين ان نظام الرقم القومى مفيهوش تصنيف للحالة العقلية ولا الصحية عموماً لكل مواطن لكن فيه تصنيف للشهادات الدراسية فاقدر فى دقائق اعمل استعلام فرز واطلع المواطنين بس اللى معاهم ابسط مؤهل دراسى ويبقو دول بعد استبعاد فاقدى الحقوق السياسية لاسباب قانونية يبقو قوائم الانتخابات

ومش بس كده القوائم ديه تبقى متاحة للاطراف السياسية ومنظمات المجتمع المدنى لتاكيد الشفافية

انا بتكلم عن واقع انا شوفته بعينى وبالاخص فى انتخابات الرئاسة الاخيرة قسمو اللجان للجان شبابية ولجان لكبار السن وديه اللى فيها كل النماذج اللى كلنا نتفق فى عدم اهليتها
علشان كده انا مستغربتش اوى من نتيجة مرشح الفلول

واحنا بنتكلم دلوقتى انا متأكد ان المبادىء ديه وفى الظروف اللى احنا فيها ديه مش هتتفهم يمكن الا لما نقضى على الامية نفسها بس مفيش فى ايدينا غير اننا نقول ونشرح بالعقل والمنطق اللى محليتناش غيرهم

ايوه محليتناش غيرهم انا اقدر واحترم دعوتك لينا بالتوعية والتثقيف بس صدقنى امكانيات النخبة ديه كلها زى ما بيسموها اقل بكتييييييييييييييييير من ربع تمن ميزانية دعاية حزب الحرية والعدالة فى انتخابات الرئاسة فقط كمثال

صدعونا سنه وزيادة بالتمويل الاجنبى وحتى الان احزاب الثورة بعضه معندوش مقرات او مقراته بالعافيه فيها كراسى وبدفعو الايجار وكلنا شوفنا ميزانية دعاية الاحزاب الثورية وغيرها من التيار الاسلامى

احنا فى بلد فيها احزاب اسلامية بتوزع زيت وسكر وبتعمل معارض ملابس وغذاء خيرية
ودعاة عندهم مساجد بطول البلاد وعرضها
وفى نفس الوقت امية وجهل بالدين والدنيا
يبقى مين يلام ؟؟؟

الاحزاب والجماعات مجهولة التمويل اللى ليها منابر ومقرات
ولا الاحزاب النخبوية الوليدة

علاء الاسوانى كنخبة مدنية هو اللى هيعمل مشاريع تعليم وتنمية للقرى المهمشة والمواطن الامى المطحون ولا خيرت الشاطر والسويركى ؟؟؟

هى النخبة هى اللى مش عايزة تحدد حصة من الدخل القومى للتعليم ؟؟

جهل الناس وكتمان الحق ربنا هيحاسب عليه اللى بيحكم مش النخبة صدقنى ولا حتى الاسوانى ولا خيرت والسويركى ROSE4U