|
رد: ماهو الضغط المثالى لإطار السيارات ؟؟؟
الضغط المثالي لمعظم العربيات 30 .. وفى ناس بتقولي ف الشتا والمية وكدا نخليها 35 .. |
رد: ماهو الضغط المثالى لإطار السيارات ؟؟؟
اقتباس:
وان شاء الله باب النجار يتصلح :THE_PR~18: |
رد: ماهو الضغط المثالى لإطار السيارات ؟؟؟
اقتباس:
|
رد: ماهو الضغط المثالى لإطار السيارات ؟؟؟
أول حاجة لازم نعرفها إن الضغط بتاع الكاوتش لازم يتقاس عــلـــى البـــارد... يعني قبل ما العربية تتحرك بعد وقفة طويلة... مش أقل من 3 أو 4 ساعات http://ts4.mm.bing.net/th?id=I.49490...70771&pid=15.1 يعني 28 .. 30 ... 40 psi حتى... لازم قبل ما تتحرك، ولو اتحركت يبقى قبل ما تعدي 2 كيلومتر لازم تكون مظبط الضغط ببساطة لو ظبط الضغط بعد ما العربية تمشي يبقى الكاوتش مش منفوخ كفاية، وده هيعملك حاجتين: بص على الصور دي: http://erindodge.com/images/other/tireinflation.png http://www.driveoffroad.com/media/st...pressure/1.png لما الكاوتش يبقى ناقص هوا الكاوتش شكله هيتغير والمنطقة الوسطى من المداس مش هتلمس الأرض كفاية... وكده الكاوتش هيتاكل من الأجناب أكتر من الوسط ولما الكاوتش يكون منفوخ زيادة الأجناب مش هتلمس كويس، والكاوتش هيتاكل من الوسط أكتر من الأجناب http://www.inmygarage.com/wordpress/...on-258x300.jpg بس إشمعنى على البارد؟؟؟ كل كتالوجات العربيات والمكتوب على قوائمها محددة الضغط على البارد، والمفروض تظبط الكاوتش قبل ما تتحرك علشان ما تقفش في السكة (على فرض إن عندك جراج مثلا)، بمعنى إن الضغط الفعلي للتشغيل مش هو المكتوب في الكتالوج، إنما بيبقى أعلى منه بشوية. بس كده الموضوع هيبقى صعب قوي... مش كل الناس جنبها بنزينة ولا بتاع كاوتش!!! نعمل إيه؟؟؟ المعروف إن ضغط الهوا في الكاوتش بيزيد بحوالي 10% لما يسخن يبقى الحل إننا نزود الضغط شوية في حدود الـ10% اللي هي تقريبا 3-4 psi (أو 0.2 بار) مثلا: لو الكاوتش عندك بيتملا على 30 psi .. يبقى لما تروح عند البنزينة (بعد مشوار) تقول لبتاع الكاوتش ينفخ على 33 http://mrsdlovesscience.com/airpressure/8airtemp.gif على فكرة... ضغط الكاوتش مالوش علاقة بكون الجو صيف أو شتا.... الرقم ده ثابت في جميع الأحوال. بس إحنا لازم نراجع ضغط الهوا في الكاوتش كل شهر مرة على الأقل، وبكده مش هتحس بفرق الضغط بين الفصول حاجة تانية مهمة لما العربية تكون محملة ناس وشنط وانت مسافر... يفضل تزود الضغط في العجل الخلفي (بالذات في العربيات السيدان والاستيشن).. عشان الكاوتش شكله هيبقى زي ما يكون مهوي... وهيحصله نفس أعراض الكاوتش المهوي بردو والزيادة بتكون حوالي 10% كمان آخر حاجة... ما تقلقش من زيادة الضغط مادام ما عداش الضغط الأقصى المكتوب على الكاوتش ... والضغط الأقصى ده بردو على البارد ... |
رد: ماهو الضغط المثالى لإطار السيارات ؟؟؟
اقتباس:
|
رد: ماهو الضغط المثالى لإطار السيارات ؟؟؟
اقتباس:
كلام سليم ما شاء الله ربنا يفتح عليك اضافة لكلام حضرتك بيكون داخل المدينه حيث المطبات والنقر بيبقى فى فرق شاسع بين ال 28 و 30 من حيث راحة عفشة العربيه دا فى عربيتى يعنى 30 بحس المطب بيبقى ناشف جدا 28 او 27 بحس العربيه مرتاحه جدا وناعمه |
رد: ماهو الضغط المثالى لإطار السيارات ؟؟؟
اقتباس:
معلومات قيمة جدا جزاك الله كل خير بس يمكن صعب شوية موضوع البارد ده - ولا المفروض كل واحد يبقى عنده جهاز ويزود هو بنفسه بقى ( ومعرفش كفاءته ايه ) وكان ليا سؤال هلا لعربية الجديدة برده لازم نشيك عليها ولا دى بتبقى كويسة ولو بنشيك يبقى بعد قد ايه ؟ وهل نخليها بقى 33 على طول ولا 30 قدام وورا 33 لو فيه حمولة معلش وضحلنا علشان كلنا نستفاد وشكرا ليك |
| الساعة الآن 01:43 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017