|
رد: كل واحد يدخل يقولى لو معاه 90 ألف تشترى بيهم ايه - واذكر السبب
اقتباس:
مفيش اى تدويخ و الله وانا تحت امر الجميع باذن الله السعر كمان يجيب حاجات مستعمله كويسه بس المشكله ان المستعمل حاليا مش مضمون و يفضل الزيرو بالنسبه للجيلى ايمجراند7 و حكاية انها صينى انا قريت عن العربيه كلام كتير وكل اللى اشتراها بيشكر فيها اللى مخلى الناس ضامنه العربيه كمنا انها تبع شركة غبور اوتو (اللى هو ماسك هيونداى ) وبالتالى هى شركة معروفه فى مصر و مراكز صيانتها منتشره غير ان ضمانها 5 سنين وده حاجه كويسه مش موجوده حتى فى السيارات اللى فوق ال 100 الف جنيه ده غير ان فيها عوامل امان كتير و منها الايرباج تحياتى |
رد: كل واحد يدخل يقولى لو معاه 90 ألف تشترى بيهم ايه - واذكر السبب
اقتباس:
بس عارف كان واحد قالى مرة متفرحيش قوى بالايرباج اللى فى الصينى لانه ممكن يكون منظر فقط ومش شغال اساسا وممكن يكون حجمه قليل يعنى ولا امان ولا شئ واكدلى قوى على العربيات الصينى بالذات فقلت ابعد عن الصينى وغنيله :fun_36_1_26[1]: انا عارفة ان الزيرو احسن بس لو كده يبقى السانديرو وخلاص مع انى خايفة مبقاش راضية عنها بعد اما اشتريها طيب اخبار الالنترا ايه ؟؟؟ |
رد: كل واحد يدخل يقولى لو معاه 90 ألف تشترى بيهم ايه - واذكر السبب
لا مش نار ولاحاجه
هى شبه عربيات جديده كتير زى السرايو مثلا وبعدين قطع غيارها معمره جدا بجد زمان كنت فى حيرتك كده واقف قدام عربيات كتير ومش مقتنع انى ادفع فيها فلوس اصلا وفى يوم مسافر مع صديقى بالاوكتافيا بتاعته وهو قال لى سوق انت لانى مرهق اقتنعت جدا جدا جدا بالعربيه وبعدها ماشوفت غير الاوكتافيا وبعد اقتناءها زاد اقتناعى اكثر واكثر وبعت الاوكتافيا واشتريت فانتازيا ولعلمك انا من عشاق الاوروبى وكان معايا بولو زمان عربيه صغيره ولها تعظيم سلام والاوكتافيا بنت عم فولكس ولازم بردوا تعظيم سلام فكر فيها ولو اقتنعت هتدعيلى ان شاء الله |
رد: كل واحد يدخل يقولى لو معاه 90 ألف تشترى بيهم ايه - واذكر السبب
اقتباس:
بس خايفة اجيبها ومعرفش اصرف عليهااااااااا:w6w20050411 22053268 |
رد: كل واحد يدخل يقولى لو معاه 90 ألف تشترى بيهم ايه - واذكر السبب
اقتباس:
بالنسبه للايرباج فى الجيلى ايمجراند السياره حصلت على 4 نجوم فى اختبارات السلامه الاوروبيه ومفيش عربيه صينيه حصلت على 4 نجوم فى اختبارات السلامه ( الاوروبيه ) ده غير ان فى اختبارات السلامه الصينيه حصلت على 5 نجوم بالنسبه للسانديرو عربيه حلوه بس المشكله ان المانوال بالموتور ال 8 صباب بيبقى صوته عالى نسبيه هو مش زى اللادا يعنى بس مقارنه بالسيارات الكورى والصينى عالى شويه بالنسبه للاوتوماتيك منها ميزته ان الموتور 16 صباب و 110 حصان اداء افضل عيبه النتشه بتاعت الفتيس الاوتوماتيك الالنترا سياره ممتازه يعيبها فقط انها واطيه شوية على الارض لكن كاداء و اعتماديه و كقوة ممتازه تحياتى |
رد: كل واحد يدخل يقولى لو معاه 90 ألف تشترى بيهم ايه - واذكر السبب
اقتباس:
بس تفتكر مين هيكون اوفر فى المصاريف الالنترا ولا السانديرو وهل عيب الفتيس فى السانديرو حاجة صعبة قوى وبتأثر على حاجة ولا عادى جدا ؟ |
رد: كل واحد يدخل يقولى لو معاه 90 ألف تشترى بيهم ايه - واذكر السبب
اقتباس:
بالنسبه لمصاري السانديرو و الالنترا مش عارف الصراحه بالنسبه لعيب الفتيس فى السانديرو هو مش عيب يعنى هى نتشه بسيطه فى الغيارات بتضايق فى الاول بس بتبقى عادى مع التعود فى القياده يعنى مش حاجه تخلى الواحد يصرف نظر عن العربيه عيوب الفتيس اللى بجد زى الفتيس ال dsg المستخدم فى سيارات فولك فاجن زى الباسات و الجولف و الجيتا تحياتى |
| الساعة الآن 11:14 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017