مصر موتورز مجتمع السيارات - أشـيـاء تـجـنـبـهـا عـنـد قـيـادة سـيـارتـك

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - أشـيـاء تـجـنـبـهـا عـنـد قـيـادة سـيـارتـك (https://www.masrmotors.com/vb/showthread.php?t=103336)

رد: أشـيـاء تـجـنـبـهـا عـنـد قـيـادة سـيـارتـك

أهم حاجة الناس الى بتشرب سجاير و هى سايقه و فجأة السجارة تقع هووب بيسييب كل حاجة لو ماشى على سرعة عشان يلحق السجارة و ممكن تولع فى حاجة لقدر الله الموضوع دة خطر جدا و فى ناس بتستهون بيه و ممكن تتسبب فى حوادث فظيعه:01AD96~139::01AD96~ 139: ربنا يحفظنا غير انها مش بتخليه عارف يلف بتركيز او مش متحكم بشكل صحيح بالعربيه

رد: أشـيـاء تـجـنـبـهـا عـنـد قـيـادة سـيـارتـك

:010104~171::010104~171:: 010104~171::010104~171::0 10104~171:

رد: أشـيـاء تـجـنـبـهـا عـنـد قـيـادة سـيـارتـك

السلام عليكم
لابد عند القياده في المحروسه انك تتسم بالبرود وعدم النرفزه قدر المستطاع:fun_36_3_11[1]:
صعب مش كده:dzy:
والله المستعان

رد: أشـيـاء تـجـنـبـهـا عـنـد قـيـادة سـيـارتـك

الله ينور والله يا شباب
وبرضوا عايز اقول انك دايما تسوق من خلال زجاج اللي قدامك يعني تشوف هو قدامه ايه عشان تلحق تلم نفسك
و الاهم وانا ديه مقتنع بيها تمااااما لانها ربنا يحفظني لبيتي و بنتي و يحفظكم طبعا كلكم نجتني كتيييير وهي انكوا وانتوا سايقين تعملوا سناريوهات لكل اللي ممكن يحصل وانت ماشي يعني مثلا لو قدامك عربيه و حياخد غرزه اعمل حسابك ممكن يحدث و تتورط معاه فانت اعمل حسابك وهكذا فاهمين؟

رد: أشـيـاء تـجـنـبـهـا عـنـد قـيـادة سـيـارتـك

اقتباس:

المشاركة الأصلية كتبت بواسطة amir elgamal (المشاركة 803562)

مش عارف والله هى بالانجليزيه كلامك صحيح
بس انا سمعت المصطلح ده كده ديف زون
حتى المصطلح ده بيتقال ايضا على المنطقه الى مابيوصلش فيها الوايرليس (الانترنت)
بس ياريت نسال فى الموضوع ده برضو او لو فى عضو يعرف اللقب الصحيح ليه يقولنا للافاده
وشكرا على تعليقك الجميل :fun_36_3_11[1]::fun_36_3_11[1]:

أحيانا بيتقال عليها الديد زون Dead Zone بنفس المعني و يمكن ده اللي حضرتك تقصده لأنها قريبه من ديف زون.

رد: أشـيـاء تـجـنـبـهـا عـنـد قـيـادة سـيـارتـك

اقتباس:

المشاركة الأصلية كتبت بواسطة momen_bondok (المشاركة 803582)

- الإشارات ثم الإشارات ثم الإشارات
لا تتعامل مع قائدى المركبات بالنية أو إنهم يخمنون بأنك ستنحرف يمين او يسار
إستخدام الإشارات أمان لك ولغيرك

أحياناً و الله مبتنفعش, ساعات أبقى مدّى إشارة شمال علشان يو تيرن مثلاً و ألاقى واحد مصرّ يشد معايا و يمشى على شمالى, أطلع ذراعى و ده أبداً , ناقص أطلع له رجلى من الشباك و يمكن برضه ميفهمش. معرفش ده تأثير البلاوى إللى بيتعاطوها و لا هما كده بالفطرة.

عالعموم أحنا بنعمل إللى علينا و لو لا قدر الله فى خطأ بعد كده أكيد هيبقى منه.

رد: أشـيـاء تـجـنـبـهـا عـنـد قـيـادة سـيـارتـك

هوا الأعضاء الكرام الحمد لله أنا حاسس إ،هم أوفوا وأشملوا معظم نقاط الحذر. وترتيبها من الاهمية إلى الأقل بالنسبة لي هو كالآتي:
1-الحزام.
2- المرايات والنقاط العمياء.
3- مسافة الأمان.
4- التركيز والتيقظ والإنتباه (يندرج تحتيه الموبايل والسجاير والأكل والمشروبات).
5- التوقع ومحاولة محاكاة سيناريوهات قبل حصولها.

أخيرا بقى والي لاحظته بنفسي الكاسيت ثم الكاسيت ثم الكاسيت وجود بعض العادات السيئة بإني صوت الكاسيت يكون عااااالي جدا بشكل يعزلك تماما عن أي إشارة تنبيه أو كلاكس خارج زجاج سيارتك دا أكبر غلط.
أنا شوفت بنفسي واحد بيدوس على رجل بنيآدم وكانت الدنيا زحمة والراجل عمال يخبطله على العربية وهوا واقف فوق رجله لاسامع ولا حاسس ولا شايف وقاموا الناس جريوا على الشباك بتاع السواق يخبطوله عليه ولما فتح الشباك ياااااه على الديسكوا الي كان جوا.
بصراحة أنا كنت عايز أركن وأسأله إنتا مركب ساوند سيستم إيه ومنين وبكام :shyy:.