|
رد: حكايتى مع القرصان أحمدكار وباقى القراصنه !
سلمنا على الشباب و باى باى هاى مع السلامه شيرى ! و أحمد كار أصر يفرجنى على انجازاته فى الفيرنا !
هوه قلب عدادها ل بى ام ! أنوار حمرا و بيضاء و شغل لمبة الشنطه ! ( بفكر أستعين به فى الكورولا ) لآن نور التابلوه من أول يوم مخنفس كده و بتشوفه بالعافيه ! المهم قال لى ان سومو منتظرنا فى ميدان ابن سندر بس المشكله انه ما يعرفش فين ابن سندر ده ! ptmnlo123per1106 طبعآ لآنه ساكن فى مدينة نصر و ما يعرفش الآماكن البيئه دى ! ptmnlo123per144 فقلت له أنا طبعآ عارف ابن سندر و أم سندر و الواد سندر كومار كمان ! تعالى ورايا و طبعآ حاولت أزوغ منه بس لم يمكن ! و زوغت منه فعلا عند مصانع ايديال و طلبنى على الموبايل علشان أنتظره و انتظرته فعلا ( ان كنت انت قرصان أنا ألعبان ! ) و فى الطريق الساعه يمكن بقت 12 منتصف الليل ! و سألونى انت كويس ! فقلت لهم أنا مخطوووووف ! فصدقوا وانزعجوا جدآ فضحكت و قلت لهم ازاى أبقى مخطوف و القراصنه سايبين الموبايل معى ! ptmnlo123per154 المهم وصلنا عند اشارة روكسى/ جسر السويس ووجدتها زحمه جدآ و ممنوع الدوران لليسار ! قمت مكمل لميدان قصر الطاهره وواخد دوران عكسى غلط 100% يعنى مشيت فى اتجاه القادم لكى أخلص ! و طبعآ أحمدكار ورايا بدون تردد ! و دى فيها غرامه 1000ج و 3 شهور حبس ! بس ربنا سلم ! و بعد دقيقتين كنا فى ابن سندر و قابلنا سومو بالترحاب و ركب سيارة أحمدكار و أنا ورائهم ليخطفنا الى الخن أو المعتقل ! آسف للتفاصيل الممله لكن ذاكرتى أحيانا بتكون تصويريه علشان تقرأ وانت بتشوف فيلم فى نفس الوقت ! يتبع !! Dr. Bolbolan ptmnlo123per1127 |
رد: حكايتى مع القرصان أحمدكار وباقى القراصنه !
اقتباس:
اقتباس:
اقتباس:
اقتباس:
لكن اى حد تانى كان هايكتبه قلبه و قومه فى السريع |
رد: حكايتى مع القرصان أحمدكار وباقى القراصنه !
هههههههه ،،،،، أتعلم يا بني انتا و هوا تغطية المقابلات بتتكتب ازاي انا مش هاعلق غير لما الدكتور يكمل عشان محرقشي الموضوع ده شكله عقبال ما يوصل لان احنا سلمنا علي بعض و مشينا هيكون وصل للصفحة التاسعة !!! |
رد: حكايتى مع القرصان أحمدكار وباقى القراصنه !
شكرآآآ ياحاج أنور ! و ممكن توصل للصفحه التسعين كمان لو كل واحد حضر المقابله كتبها من وجهة نظره !
المهم وصلنا سريعا الى مكان ركن السيارات و كان أحمدكار أمامى أول لما لقى مكان فاضى كان ح ينط عليه و لكنى لاحظت أن سومو تقريبآ يعنى( بقراءة الشفايف ) قال له معلش سيبه للدكتور دا ضيفنا و أنا ح أظبطك ! و فعلا ركنت فى هذا المكان ولقيت الآخ سومو هاجم على و أخذنى تحت باطه بحب كده ! ومشينا الى الكافيتريا و سبنا أحمدكار يقلوظ نفسه ! فأنا قلت أستغل الموقف رغم انى أول مره أشوف سومو و لما قال لى الكافيتريا قريبه ! قلت له بس أنا بصراحه جعان ! ( اتغديت الساعه 2 ظهرا و دلوقت داخلين على 1 صباحا ) ! ptmnlo123per1106 بصراحه الراجل طلع ابن بلد و طمأن قلبى و قالى ح تاكل و تشرب و كل حاجه ! ما فهمتش يعنى ايه كل حاجه ! بس موش مهم ! ذهبنا على الكافيتريا المحندقه و الجميله بناسها و جلسنا و بعد قليل وصل أحمد كار ! و نده سومو على الجارسون ندهت واحد صاحب مكان ! و طلبنا طلبات بقلب جامد و المفاجأه قالوا ان أبو نورا جاى و أحمد أنور فى طريق القاهرة السويس و يمكن ييجى لو وصل بدرى ! و جلسنا نتعارف و كانت قعده جميله واكتشفت ان سومو ابن بلد أصيل رغم انى كنت فاكره يعنى من الآخر كده حاجه تانيه ! و أحمد كار برده اكتشفت فيه الطيبه المتناهيه و حقيقى صاحب صاحبه ! هوب لقينا شاب حليوه كده كاجوال و معاه شاب برده أنيق بس متحفظ شويه و بيسلموا على سومو و أحمدكار ! و قالو لى ده أبو نورا ؟ و لم أصدق نفسى ! لآنه و الله أكبر أحلى كثيرآ من الصوره اللى فى المنتدى ! يعنى الصوره أعطته أكثر من سنه كثيرا و جعلته شبه المغنى و الممثل ( محمد فوزى ) فى أيامه الآخيره ! و جبعدين طلع زى حالاتى أول لما جلس و بعد السلام عليكم قال أنا جعان ! و فى الحال المعلم سومو نده على الجرسون وخلاه ينده على بتاع السندوتشات و قلبناها فول و طعميه و بطاطس و بابا غنوج ! و تكلمنا فى كل شىء عن المنتدى و السيارات و السؤال عن بعض الآعضاء التى لم تحضر ! و أخص بالذكر انى تمنيت لو كان سام رام موجودآ لآن تعليقاته تدل على شخصيه ممتازه ! و كنت ح أسأل على الآستاذ سيف ! بس كنت ح أتجنن عاوز أعرف مين الآخ الآنيق و المحترم أوى اللى قاعد على شمالى ده و اللى كلامه بحساب و فى الجون ! فسألته هوه مين حضرتك بالضبط و هل تقرأ فى مصر موتورز ! و قبل أن يجيب لقيت الشله كلها ح تاكلنى و قالو لى دا الآستاذ سيف ! سبحان الله ! لم أتركه بقى و هريته أسئله عن السيارات و الجمارك ! و الراجل بصراحه عنده طولة بال جامده ! شويه و قبل ما ننام هوب جاء المعلم أحمد أنور ! و بصراحه برده غير الصوره اللى فى المنتدى ! فهو رغم الطيبه الظاهره و الباديه على وجهه بس له هيبه يا جدع ! يعنى صريح و واضح و الكلام يخرج من فمه كالقنابل ! و أعتقد لو غضب على القعده ح يكسرها باللى فيها ! طبعآ الساعه دخلت على 2 و ربع و كلنا أو أنا تحديدآ خلاص كنت بأودع ! و رغم ان القعده كانت جنان و الجو حلو نسبيآ بس خلاص ! و كمان الآخ سومو كان مسافر يصطاد سمك فى العين السخنه ! و أعتقد انه من طيبة قلبه لم يصطاد شىء ! هوه بس كان رايح يأكل السمك و راجع ! سلمنا على بعض و بالاحضان و رجعت البيت وأنا فى حالة سعاده و الله العظيم ! و أحسست انى كنت جالس مع اخوتى الذين أعرفهم جيدآ بس بقالى زمان لم أراهم ! وان شاء الله تتكر مرة أخرى و مرات ! و ما حدش يزعل منى على الآوصاف اللى وصفتها لهم و ربنا يستر ! و أدينى يا حاج أنور خلصت قبل الصفحه التاسعه ! وشكرآ ptmnlo123per154 Dr. Bolbolan ptmnlo123per1127 |
رد: حكايتى مع القرصان أحمدكار وباقى القراصنه !
أسلوبك يادكتور شيق جدا , أنا يمكن لحد دلوقتي ماقبلتش الأعضاء المحترمين ولكن في القريب جدا نتقابل وحفضي نفسي بأي شكل وياريت تكون المقابله قبل ماتسافر عشان نتقابل كلنا على خير ptmnlo123per1141
|
رد: حكايتى مع القرصان أحمدكار وباقى القراصنه !
مقابلة جميلة واسلوب رائع وشيق جدا فى الوصف الله عليك يا دكتور ptmnlo123per112
|
رد: حكايتى مع القرصان أحمدكار وباقى القراصنه !
اقتباس:
ووسام على صدري من شخص بخبره و حكمه وتواضع حضرتك لكن الجايات اكتر من الرايحات ان شاء الله ... ملحوقه يعني ... لأن فعلا نفسي جدا اقابل حضرتك عموما ... انا غلبان اوي على الحقيقه .. لحسن تتصدم مني اول ما تشوفني و لا حاجه ptmnlo123per1127 بس ابقوا قولو من قبلها يا جماعه ... انتو عارفين اني من الاقاليم و بركب 3 محافظات ptmnlo123per1106 |
| الساعة الآن 11:50 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017