رد: عايز أغير لون سيارتى إلى هذا اللون
 

يا باشا الفكره كلها فى المنظر انت ممكن ترش العربيه من بره بس باللون اللى انت عاوزه و كده تبقى مش رشه دواخل و مجتش عند البويا جوه و ده لو نقص من تمنها بيبقى مش كتير الف ولا اتنين بالكتير عشان اللى هيشتريها هيقولك هرجعها للونها الاصلى انما المشكله هتبقى منظر العربيه من جوا يعنى و هى واقفه من بره تمام جدا و اللون جامد تيجى تفتح الباب بتاع العربيه هتلاقى لون الحلق جوه و لون الباب من جوه اللون الاصلى و ممكن يخلى شكلها وحش و لو رشيت الباب من جوه و الحلوق و كده ده بقى يبقى اسمو رش دواخل و هيقتل تمن العربيه لما تفكر تبيعها
اوصفلك موقف حصل معايا عشان تفهم قصدى كويس انا قبل كده كنت بشترى عربيه و كانت نوبيرا و كان لونها اسود و كانت لسه راشه قريب و كان منظرها من بره جامد جدا مجرد مفتحت الباب لقيت الحلوق و الباب من جوه ابيض و ده كان لونها الاصلى و بجد حسيت انو شكلها وحش جدا و مستريجتلهاش بسبب الاختلاف الجامد فى اللون
اتمنى تكون فهمت قصدى يا باشا

رد: عايز أغير لون سيارتى إلى هذا اللون
 

طيب ياخوانا لو حبيت أديها لون من بتوع الشاهين بس بدرجة مختلفة شوية فيها مشاكل؟

رد: عايز أغير لون سيارتى إلى هذا اللون
 

يا جماعه العربيه اللي بتغير لونها لازم تغير لون دواخلها كماااان ومش هترخص غير لون الدواخل كمان هو نفس اللون الخارجي وده طبعا هيقتل تمن العربيه واللي بيقولك هيقلل تمن العربيه الف ولا الفين جنيه ده مش حقيقي خاااالص لان الفرق بين الفبريكه واللي رشه دواخل لا يقل عن 10 الاف جنيه خصوصا دي هتبقي راشه كل دوااااخلها يعني مستحيل تعرف اساسيات العربيه دي سليمه ولا لا
وباكرر لازم ترش الدواخل عشان ترخص والدواخل لازم تكون بلون العربيه الا ازا كانت دواخلها الفبريكه بلون تاني ساعتها عادي لكن اللي بيغير لون العربيه بتبقي العين عليه قوووووووووووووووووووووي ف المرور والفحص

تغيير اللون مش مشكله ف العربيات القديمه اللي لا بقي فيها دواخل ولا خوارج زي موديلات التمانينات وما قبلها كمان

رد: عايز أغير لون سيارتى إلى هذا اللون
 

اولا انا شايف عربيات كتير مغيره لون من بره بس و لون جوا مختلف و مترخصه عادى و محدش بيكلمها فى المرور فاظن موضوع المرور مش هيرخص الا لو رشه دواخل ده غلط
يا ريت تقرى كلامى كويس لانى لما بقوله هتقل الف و لا اتنين بالكتير قصدى لو غير لون بره بس مدخلش جوه نهائى ساعتها فعلا هتنقص الف و لا اتنين انما لو رش دواخل يبقى تمن العربيه هينزل جامد و ده بردو انا قلته

رد: عايز أغير لون سيارتى إلى هذا اللون
 

مين قالك ان الدواخل مش بتترش لو حبيت تغير لون عربيتك العربيات اللي بيكون لون دواخلها مختلف عن لونها هي اصلا بتكون نازله كده فبريكه فغصب عن عين المرور لازم يرخصها زي موضوع الفاميه يا جماعه نازله فبريكه فيها فاميه قشطه حطيت لها الفاميه البس بقي

رد: عايز أغير لون سيارتى إلى هذا اللون
 

بص يمكن بتختلف من مرور للتانى بس اللى انا متاكد منو انو المرور عندنا بيرخص عادى على لون بره بس و دى انا شفتها كتييربتبقى العرببه بره متغير اللون و من جوه بالكامل لونها الاصلى حتى الباب من جوه مش بيترش و مشفتش قبل كده عربيه لونين بره غير جوه فبريكه دى

رد: عايز أغير لون سيارتى إلى هذا اللون
 

اللون ده شوفته فى عربية شاهين وكان جميل جدا وكان مركب فرش جلد اسود في الون ده وكان شكلها حلو:w6w200504111340266d