|
رد: جمال الستيب واى
اقتباس:
وبالنسبة للأستفسارات: 1-نور الصالون ينفع يتنور من الاداخل وأنت قافل الأبواب وعند التحكم بالريموت عند فتح الأبواب هوبينور تلقائى لغايت أما تفتح الباب و تدور العربية وبعدين بيطفى دة بيكون على حسب أختيارك من الزرار بتع النور والأبواب الأمامية هى بس إلى بتنور عند فتحها. 2-لا يوجد بيها كمبيوتر رحلات. 3-يعنى أما أستلمتها كلمت الأول التوكيل كان لية بعض الأستفسارات هو قال لى أنى معديش ال80 لغايت ال 1500 كيلو الأولين والأفضل أنى مشغالش التكيف إلا بعد ال 500 وبيجى مع العربية مانيوال الأستخدام حاول تقرأة كويس عشان بيساعدك أنك تتعرف عليها أكثر. 4-بصراحها أنا نفسى أفيمه باردك بس أنا فعلا وش عارف أذا كان بيطلعها من الضمان ولا لا. 5-ولاهى هو الكاسيت الحمد الله وش متشفر وهو شغال من غير أى حاجة وحتى أذا كان متشفر ممكن تتصل بخدمة عملاء رينو وهو هيئولهولك على طول وأنا بصراحة محستش بأى حرارة من عند الدواسة خالص وبالنسبة لبوابه الهواء في الماتور فوش عارف حاجة عنها للأسف. ولو كان عندك أى سؤال كلمنى على الموبيل:01065884443. |
رد: جمال الستيب واى
عندى شوية استفسارات يا استاذ كريم بعد اذن حضرتك عشان انا نويت ان شاء الله بس فاضل تكة كده :)
1- عفشة العربية ناعمة ولا ناشفة و اللى قاعد ورا بيحس انه مش مستريح فى بالمطبات ولا ايه ؟ 2- ثبات العربية على الطريق ولو كنت سافرت بيها عاملة ايه على الطريق برضه ؟ 3- ينفع اركب مرايات كهربا و زجاج كهربا حتى لو فى التوكيل ولا لأ عشان الحاجتين دول مضيقينى جدا ؟ 4- دراعات العربية و زراير العربية انا سمعت انهم من بلاستيك ردئ ايه صحة الكلام ده برضه ؟ جزاكم الله خيرا واسف على كتر الاسئلة |
رد: جمال الستيب واى
بركولي اي جماعه انا استلمت العربيه امبارح الحمد لله. العربيه ماشاء الله اسطوره انا بحمد ربنا انه وفقني لأختيار الستيب واي بدل اللوجان. أ/احمد انا كنت متردد اوي في الأول لحد ما رحت اتفرجت علي العربيات اللي انا كنت محتار فيهم مع بعض (اللوجان,الفيرنا,بي واي دي,جيلي الجديده,اسبرنزا,اللانوس,ا لستيب واي)بالترتيب وحسيت اني مشدود للستيب واي اكتر و صليت استخاره ونصحني ا/كريم بيها وكان عندي استفسارات ردي عليها اقتنعت بيها جدا و توكلت علي الله و اشتريتها. و اكيد ا/كريم اكثر خبره مني بس انا هقولك علي اللي انا حسيته
1-بسم الله ما شاء الله العفشه ناعمه جدا 2-مش عارف لأني ما عدتش ال 100 3- للأسف برده مش عارف 4- انا كان معايا اوبل كورسا سيدان كانت خامات الدراعات احسن كتييير بس دي شغاله عموما يا اخي انزل اتفرج عليهم علشان تحس بالحاجات دي انا قبل ما اشتري كان الناس مخوفاني جدا من الرينو عموما و قطع الغيار و المصنعيات و مشاكل الكهرباء و حاجات تانيه كتيييير :shyy: بس لولا تعدد الأزواق لبارت السلع كل عربيه فيها ميزه و فيها عيب بس واحد صاحب معرض قالي انت متردد ليه كده كده العربيات الزيرو ما تظهرش عليها مشاكل قبل 5 او 6 سنين علي الأقل. باشا ربنا يوفقك و تجيب عربيه تعجبك ان شاء الله و لو انت حابب الستيب واي توكل علي الله و اتفرج في اي معرض وان شاء الله هتعجبك:120105~352: |
رد: جمال الستيب واى
مكتوب فى البروشور بتاع العربيه انها زجاج مظلل عازل للحراره فلو ده بينزل فى الافراج بتاعها يبقى ممكن تعمل فاميه و تثبته على الرخصه ده بس عشان موضوع المرور انما الفاميه او حتى السمركه او رش العربيه كلها لا يخرجها من الضمان الاشياء التى تخرج السياره من الضمان هو عدم متابعه الصيانه فى التوكيل؛ تغير اشياء ميكانيكيا او كهربيا او العبث فيها خارج التوكيل
|
رد: جمال الستيب واى
الف مبروك يا ريس و ربنا يبارك لك فيها و يكفيك شرها ان شاء الله
ابقى قلنا بقى العربيه عمله ايه معاك و انطباعاتك عنها اول باول ان شاء الله انا المفروض اسلتم خلال اسبوع كده ولا حاجه |
رد: جمال الستيب واى
انا شوفت الالشكل الجديد فى اللنك ده جميله جداhttp://www.youtube.com/watch?v=2FnGyCXPuas
|
رد: جمال الستيب واى
حلو طبعا بس مش حينزل عندنا دلوقتى مش اقل من سنه ولا اتنين
|
| الساعة الآن 08:46 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017