رد: ستيب واى اه ولا لا ؟
 

بس بونتو ايفو 77 حصان و1300 سى سى كتير عليها بصراحة 112 الف غير ان ناس كتير بتشتكى منها بس هى من جو تحفة فعلا

رد: ستيب واى اه ولا لا ؟
 

والله انا كنت فكرت فى الايفو بس للاسف توكيل فيات الى عرفته انه فى مشاكل و التوكيل اتاخد من اوماترا و لسه مش عارفين مين الى حيعمله يعنى حتاخد العربيه تعمل لها الصيانه عند اى ميكانيكى زى اى عربيه مستعمله

رد: ستيب واى اه ولا لا ؟
 

77 حصان على كام ار بى ام ؟ حتلاقيه عند 4000 مثلا شوف بقى الهيونداى مثلا حتلاقى بيقلوك 125 حصان بس على 5800 اربى ام؛ ناس معاها العربيه بتقول سحبها كويس

رد: ستيب واى اه ولا لا ؟
 

بعد البحث فى المستعمل كتير لقيت تمن العربيه الى اشتريها هو مقدم العربيه الجديده ففضلت اشترى عربيه جديده احسن و لا حد ركبها قبلى ولا حد قعد على كراسيها و عرق عليها ولا بقالها 15 سنه ماشيه فى شوارع المحروسه
بصراحه بعد مفاضله طويله بين ستيب واى و لوجان اوتو قررت اخد الاستيب واى ليه بقى :_

الوجان حلوه مفيش كلام بس شكلها تقليدى و مش لطيف قوى
اللوجان بقى فى منها تاكسى و ده ميزه و عيب فى نفس الوقت كون انها بقت تاكسى ده دليل ان العربيه كويسه و اثبت جداره و العيب انها اتعمل منها تاكسى يعنى مبقتش عربيه مميزه كملاكى خلاص

الاستيب واى احلى حاجه فيها شكلها بصراحه و باجماع الناس كلها شكلها تحفه
فيها اى بى اس و ده شئ مهم و كمان فيها ايرباج و ده يخليها مقبولها بنسبه جيده فى الامان
جنوط 15 اسبور اصلى
طيب من ناحيه السعر اللوجان اوتو تكسب بس من ناحيه الامان + الشكل + ارتفاع عن الارض الاستيب واى تكسب
موضوع الاتو و المانيول ده بقى الاوتو فى الوجان بيقولو فيها ناتشه كمان ده حيغلى استهلاك البنزين و مصاريف الصيانه
ا
لناس الى بتقول ان الزياده فى الشكل بس فى الاستبي واى احب اقول لهم ان عند حساب ثمن الجنوط و الاى بي ايس و الروك روف و التغير فى الشكل ده يساوى اكتر من 10000

فى النهايه اتمنى للجميع التوفيق فى اختيار السياره المناسبه ليهم و ادعو لي بالتيسير
تحياتى للجمبع

رد: ستيب واى اه ولا لا ؟
 

رد: ستيب واى اه ولا لا ؟
 

ا كريم فى استفسار بعد اذنك كنت عايز اعرف هل الدريكسيون متحرك ولا لا يعنى ممكن تطلعه فوق و تحت و لا لا و موضوع صوت الماتور و الحراره الى فى الطابلوه ايه اخباره
عموما حابب اعرف العربيه عمله ايه معاك
تحياتى:01FDAB~189:

رد: ستيب واى اه ولا لا ؟
 

انا الحمد لله لسة مستلماها امبارح الدريكسيون لا مش متحرك بس مش متعب بصراحة فى السواقة مكانو كويس والمتور صوتو وانت برة العربية عالى سنا بس وانت جوة ملوش صوت وانا سمعت ان بعد صيانة الخمس الاف بيوطا وبلنسة ان فى سخونة فى دوسات العربية فدا مش صحيح خالصصص وكمان لو مشغل التكييف حتلاقى رجلاك سقعت اصلاا:0 بص هى عالية اوى فعلااا لدرجة انى حسة انى بسوق من فوق تربيزا وثابتة اوى بصراحة بردو ومن برة شكلها ملوش حل والكاسيت رغم انو سمعتين لاكن صوتوا جاااامد جدااا وعملين مكان لسمعتين ورا كمان بس فى حاجتيين هما الى مديقنى اوى بصراحة مكان الكلاكس وزراير الازاز وحاجة تانية مسببالى ازمة المريات اولا مش كهربا يعنى المراية اليمين دى مش عرفة بجد اتحكم فيها خالص والشمال المراية نفسها صغيرة يعنى لو شفت بيها الى جنبى مشفوش الى جى بعدية ولو بعدتها مشوفش الى جنبى تماما مش عارفة اية حالها:0