مصر موتورز مجتمع السيارات - عرض خاص من اليجانس لفرش السيارات

مصر موتورز مجتمع السيارات (https://www.masrmotors.com/vb/index.php)

- عروض وتخفيضات (https://www.masrmotors.com/vb/forumdisplay.php?f=60)

- - عرض خاص من اليجانس لفرش السيارات (https://www.masrmotors.com/vb/showthread.php?t=79953)

رد: عرض خاص من اليجانس لفرش السيارات

معالي الباشا معايا ليفان 620 مو 2011
فرش الفابريقة جلد ولأرضية شمواه المهم لما جيت اعمل كسوة الراجل قلى هى جلد فملوش لزمة وعملت الأرضية فقط وبعدين من كام يوم كدة لقيت قطع صغير فى الكنبة الخلفية مش عارف من اية المهم قلت هشوف حد واعمل الفرش وبعدين شوفت الموضوع الجميل بتاع معاليك فلو سمحت ممكن تقولى تتكلف اد اية خامات تكون كويس تعيش ومتعرقش

( لو مش واخد بالك منها هى صالونها ذى الكرولا 2006 )

رد: عرض خاص من اليجانس لفرش السيارات

لو سمحت الجين تو فرش وارضية يتكلفوا كام ولو كسوه جلد للطاره؟!

وهل الفرش الاصلي بيتبهدل بعد كده لو بعد فتره حبيت اشيل الفرش؟؟
وتصميم كراسي الجين تو بيتعمل نفس الشكل بتاعها ؟:CONGRA~238:

رد: عرض خاص من اليجانس لفرش السيارات

اقتباس:

المشاركة الأصلية كتبت بواسطة elalfy1000 (المشاركة 629928)

نورت الموضوع ياباشا ,

1 - فرش جلد المانى او امريكانى بضمان عامين وبالخياطة المزدوجة ( عملى جدا - شيك جدا - لكن بيسخن لو ركنت فترة طويلة فالشمس ودى التكييف حلها , وبيعرق بس بدرجة بسيطة وبرضه التكييف بيحد منها ) .

2 - فرش جلد المانى او امريكانى * قماش امريكانى ( الاجناب جلد - الجزء اللى فى منتصف الكرسى قماش ) نفس فترة الضمان والخياطة المزدوجة ( الجزء القماش مبيعرقش - مبيسخنش - شيك جدا - لكن الجزء القماش هيكون اصعب فى التنظيف من الجلد ) .

وتكلفة الفرش 800ج قبل الخصم - 680ج بعد الخصم ( ودة فى اى مكان هتلاقى سعره يتراوح من 1000ج الى 1600ج لو بنفس التقفيل او شغل اى كلام )

01061203070 ودة رقمى لو فى اى استفسار انا تحت امرك ويارب اكون قدرت اوصلك مميزات وعيوب انواع الفرش , فى التوقيع هتلاقى صفحتنا على فيسبوك هتلاقى البوم كرولا اتفرج عليه وقولنا رأيك , وفى انتظار ردك او تشرفنا بزيارة .

رد: عرض خاص من اليجانس لفرش السيارات

اقتباس:

المشاركة الأصلية كتبت بواسطة screamseko (المشاركة 629964)

شرفت الموضوع بمرورك ياباشا , جين تو فرش جلد المانى او امريكانى بضمان عامين لون او اكتر بخياطة مزدوجة بنفس التصميم الاصلى او بتصميم اخر بما لا يضر بالفبريقة - لما تحب تشيل الفرش هتلاقى الاصلى بنفس حالته , وتكلفته بالارضية 1300ج قبل الخصم - 1105ج بعد الخصم وهاعمل معاك واجب كمان وهشيل الخمسة جنيه :danceW7:, 01061203070 دة رقمى وتحت امرك فى اى استفسار , وفى انتظارك تشرفنا بزيارة .

رد: عرض خاص من اليجانس لفرش السيارات

سلام عليكم
من الواضح يا باشا انك انسان محترم وذوق وان شاء الله يكون فى تعامل ما بينا فا كنت عايز اعرف لو عايز اعمل فرش جلد فى قماش والارضيه جلد وكسوة جلد للطارة عشان بتقشر تتكالف كام العربية لوجان
ملحوظه فى فرش راكب على الفبريكه بس تعبان مله :pty:

رد: عرض خاص من اليجانس لفرش السيارات

والله انت تمام التمام ونفسي اجي اعمل كسوه لعربيتي عندك بس المشكله انا من اسكندريه ممكن اجي واخلص في نفس اليوم ؟؟؟؟؟

رد: عرض خاص من اليجانس لفرش السيارات

اقتباس:

المشاركة الأصلية كتبت بواسطة Moh.Osama (المشاركة 633748)

ياباشا والله عاجز عن الشكر وكلام حضرتك دليل على ان اعضاء مصر موتورز كلهم محترمين وذوق , وانا يشرفنى انى اتعامل مع حضرتك او حتى تشرفنا بزيارة نتعرف عليك , هنتكلم عن اللوجان - فرش جلد فى قماش ( خامات مستوردة بضمان عامين + خياطة مزدوجة ) 800ج قبل الخصم - الارضية 400ج قبل الخصم - الطارة جلد طبيعى 350ج قبل الخصم
الاجمالى 1550ج - وبعد الخصم (15%) 1318ج يعنى 1300ج بس كدة مش هاقدر اعزمك على حاجة لما تشرفنا عشان 18ج كانوا ثمن المشاريب , علما بانى محترم وذوق وبخيل شوية بس شوية كتير , شرفت الموضوع ياباشا وياريت لو تشرف صفحتنا على فيسبوك ( الرابط فى التوقيع ) وتدينى رايك فى شغلنا وفى انتظار شرف زيارتك للمعرض .