رد: اوبل فكترا 95 عايزه رأيكم فيها
 

انا عندى صبر انى اشتغل عليها لحد ماصلح كل حاجه فيها او على الاقل العفشه والسمكره والباقى شكليات تيجى بعدين انما انا بسأل لو العربيه موتور وفتيس كويس وهاتودينى وتجيبنى مش دى حاجه كويسه ولا من رايكم مش فارقه مع العلم ان حتى العربات اليوسد اللى بتكلمونى عنها بتبقى كلها مشاكل ومتبهدله

رد: اوبل فكترا 95 عايزه رأيكم فيها
 

وعايزه اسأل ا جماعه هى العفشه دى ايه بالظبط وبكام لو حبيت اغيرها كلها ولو قادم بس كده يعنى

رد: اوبل فكترا 95 عايزه رأيكم فيها
 

ارجو مساعدتى من قبل الجميع

رد: اوبل فكترا 95 عايزه رأيكم فيها
 

حضرتك الفيكترا قطع غيارها غالية و سعر العربية الى انتى عايزة تجبيها قليل يعنى العربية عايزة مصاريف جامدة.....عفشة و تكييف بس مش اقل من 4000-5000 جنيه و اكيد فى حاجات تانية كتير....و حضرتك عايزة عربية اوتوماتيك و اهم حاجة تكون قطع غيارها رخيصة و عربية بدون اعطال....هكتب لحضرتك افضل عربيات من 30000الى 35000 و عربيات ممتازة..
1.هيونداى اكسنت 98-99 اوتوماتيك..دى موتورها 1500
2.هيونداى اكسيل...اوتوماتيك..الموتو ر 1500
3.سوزوكى سويفت اوتوماتيك
4.كيا برايد اوتوماتيك....

رد: اوبل فكترا 95 عايزه رأيكم فيها
 

مهو السعر قليل اوى اوى فيبقى لازم سمكرى يبص عليها كويس جدا لانو السعر ده وارد جدا العربيه يبقى فيها كارثه فى الاساسات بتاعه العربيه
و عيب الاوبل مش اى ميكانيكى يشتغل فيها والا هيخربها و اللى بيفهمو فى الاوبل مش كتير و مصنعيه شغلهم غاليه
قطع غيارها موجوده و مش قليله بس عند ناس معينه مش عند كل الناس
و اخيرا لو مقتنعه اوى بالعربيه كده يبقى اتكلى على الله بس لازم تكشفى عليها كويس جدا جدا جدا و خصوصا السمكرى و يبقى شاطر