مصر موتورز مجتمع السيارات - هو ينفع حد يجدد الرخصة من غير ما يدفع مخالفات ؟؟

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - هو ينفع حد يجدد الرخصة من غير ما يدفع مخالفات ؟؟ (https://www.masrmotors.com/vb/showthread.php?t=98520)

رد: هو ينفع حد يجدد الرخصة من غير ما يدفع مخالفات ؟؟

اقتباس:

المشاركة الأصلية كتبت بواسطة ramyhekal (المشاركة 766213)

المخالفات بتروح نيابة المرور بعد فتره من فعل المخالفه ممكن توصل 6 شهور على الاكثر والكلام ده الحكومه مش بتعترف بيه هم ليه بيخلوا المخالفات مع التجديد مش فى وقت مثلا او كدا ما هو علشان تروحلهم برجليك وتدفع غصب عنك وماتقولش انا مالى هو انا اللى عاملها الحل الوحيد ان صاحب العربيه القديم يطلع محترم ويدفع المخالفات اللى هو عملها وانا اشك طبعا انه يوافق او تعمل طلب تخفيض وممكن المبلغ يبقى قليل بعد الطلب

للأسف سألت ظباط مرور معايا فى الشغل واكدولى ان مافيش مفر هادفع يعنى هادفع
لأ واية كمان مخالفة السير عكس وتعطيل حركة المرور متعمد مابتتخفضش
ودول لوحدهم ب 1500 جنية YAKHBR
وسبب ان مالك العربية القديم جدد الرخصة وطلع شهادة مخالفات بدون مايكون علية اى مخالفات
ان ايام الثورة الدنيا كانت خربانة والمخالفات مابقتش تتسجل الا بعدها بفترة كبيرررررة بتوصل احيانا ل 6-7 شهور
وعلى حظ اهلى النحس المخالفات دى ماتسجلتش على العربية الا بعد ما المالك القديم جدد ورخص :fun_36_6_2[1]:

بس على العموم الحمد لله قدر الله وماشاء فعل
والواحد مابيتعلمش ببلاش
انا واخد 3 مخالفات فامية مع انى مش مفيم ايه ياترى
وواخد مخالفة سير عكس مع انى عمرى فى حياتى ماعملتها :12422A~17:
وواخد مخالفة تعطيل متعمد لحركة المرور مع انى عمرى ماعطلت حركة المرور ANAA7TG
والمخالفة الوحيدة اللى عملتها هى انتظار فى الممنوع ب 20 جنية

وكل دة بسبب تأخير تسجيل المخالفات فى المرور (يعنى التقصير من جهة المرور)
ولا منى ولا من صاحب العربية

ف نصيحة لوجة الله لو هاتشترى عربية اشترى بعقد مسجل وش عشان ماتحصلش معاك اللقطة اللى حصلت معايا دى

رد: هو ينفع حد يجدد الرخصة من غير ما يدفع مخالفات ؟؟

عزيزى أنا عربيتى مجدد الرخصه 2-5-2012 وجايب شهاده مخالفات
لايوجد ودلوقتى ركبت موتور للعربيه وفحصت وطبعا طلبو شهاده مخالفات
ورحت النيابه وكلى ثقه ولكن كانت الصدمه وجدت مخالفه تعمد السير عكس الاتجاه
فى كورنيش المعادى وانا أصلا مابروحشى هناك وغير كده لا يمكن أن أخالف القانون
بالذات موضوع عكس الاتجاه المهم قيمه المخالفه 1005 جنيه روحت عملت تظلم
لم يتم التخفيض على اساس إن ده الحد الأدنى لها المهم روحت اليوم عملت معارضه
حددو لى جلسه 5-1-2013 وقالولى إن القاضى ممكن ينزلها أو تبقى زي ماهيه
أو توصل للحد الأقصى 3000 جنيه والعربيه شاريها زيرو من 26-1-2008
المشكله إنى ببيع العربيه وباثبت الموتورعلشان البيع دلوقتى لازم استنى 15 يوم
علشان يدولى جواب للمرور علشان أخذ تصريح لغايه موعد جلسه المعارضه
ودلوقتى لو لقيت مشترى يبقى لازم أدفع المخالفه علشان أخلص الرخصه
وكمان أعمل له شهاده مخالفات أخرى

رد: هو ينفع حد يجدد الرخصة من غير ما يدفع مخالفات ؟؟

اقتباس:

المشاركة الأصلية كتبت بواسطة tareksat5000 (المشاركة 768357)

عزيزى أنا عربيتى مجدد الرخصه 2-5-2012 وجايب شهاده مخالفات

لايوجد ودلوقتى ركبت موتور للعربيه وفحصت وطبعا طلبو شهاده مخالفات
ورحت النيابه وكلى ثقه ولكن كانت الصدمه وجدت مخالفه تعمد السير عكس الاتجاه
فى كورنيش المعادى وانا أصلا مابروحشى هناك وغير كده لا يمكن أن أخالف القانون
بالذات موضوع عكس الاتجاه المهم قيمه المخالفه 1005 جنيه روحت عملت تظلم
لم يتم التخفيض على اساس إن ده الحد الأدنى لها المهم روحت اليوم عملت معارضه
حددو لى جلسه 5-1-2013 وقالولى إن القاضى ممكن ينزلها أو تبقى زي ماهيه
أو توصل للحد الأقصى 3000 جنيه والعربيه شاريها زيرو من 26-1-2008
المشكله إنى ببيع العربيه وباثبت الموتورعلشان البيع دلوقتى لازم استنى 15 يوم
علشان يدولى جواب للمرور علشان أخذ تصريح لغايه موعد جلسه المعارضه
ودلوقتى لو لقيت مشترى يبقى لازم أدفع المخالفه علشان أخلص الرخصه
وكمان أعمل له شهاده مخالفات أخرى

هى اية حكاية المعادى
انا مخالفة السير عكس عندى مكتوب جنبها المعادى
وواحد صاحبى راح يجدد لقى عندة برضو مخالفة سير عكس فى المعادى
هى المعادى دى اية اتجاة واحد ولا اية ؟!
سكة اللى يروح مايرجعش