رد: يا جماعة الحقوووا قريت عن مشكلة في اللوجان وكله مجمع عليها ومحدش هنا جاب عنها سيره
 

امال لو شفت ماركه تانيه (بدون ذكر اسماء) فتره التغير 3 شهور مش 3 اسابيع وفى الاخر يقولك ارخص عربيه اوتو فى مصر ما هى ارخص فعلا لكن الوكيل معندوش قطع غيار باستمرار رغم انها نازله بعيوب معروفه مساعدين على وجه التحديد وشرهه جدا فى استهلاك البنزين رغم انها 1300 سى سى
يا ترى عرفتوها ولا لأ

رد: يا جماعة الحقوووا قريت عن مشكلة في اللوجان وكله مجمع عليها ومحدش هنا جاب عنها سيره
 

اه عرفتها هيا منافسة شديدة للوجان
حتى بالامارة هيا ماليزي

رد: يا جماعة الحقوووا قريت عن مشكلة في اللوجان وكله مجمع عليها ومحدش هنا جاب عنها سيره
 

العربيه اللوجان فعلا بدات احتار معاها
لان فى ناس بتدافع عنها بشراسه
وناس تانيه بتشن عليها حرب شعواء

رد: يا جماعة الحقوووا قريت عن مشكلة في اللوجان وكله مجمع عليها ومحدش هنا جاب عنها سيره
 

كل اللي بيدافع عنها جربها وكل اللي بيهاجم ميعرفش عنها حاجه وبيعتمد علي السمع
انا يوم مفكرت اجيب عربيه روحت للميكانيكي قولتله ايه رايك في اللوجان
قعد يكرهني فيها بطريقه مبالغ فيها ويقولي دي المسمار فيها بشي وشويات وبتعوم وبتقلب وحسسني اني حشتري مراجيح مولد النبي
يجدعان مش بالاوفر ده
مهي حاجه من الاتنين ياما هو مبيفهمش فيهم وعشان كده عايز يضمن زبونه بعربيه يكون فاهم فيها عشان يوم ميحصل حاجه اجيله
ياما برضه معتمد علي سمع زي اغلب الناس
ورغم كده نزلت واشتريتها لان مالقتش العربيه دي مع حد وبيكرهها او بيعيب فيها .. الهم واحد او اتنين عشان عيوب صناعه وبتتحل في التوكيل
لكن بجد العربيه معايا اسبوع وعامل دلوقتي 200 كيلو اينعم ميعتبروش حاجه بس اهو الواحد بياخد خبره في العربيه
والنهارده كنت بجرب ثبات العربيه عالكورنيش وخدتلي بتاع 4 او 5 غرز كده علي 110 والله محسيت باي حاجه ولا عامت ولا راكب مرجيحه ولا الكلام الفاضي ده العربيه ماسكه في الارض ومكلبشه
وربنا يديمها نعمه
ونصيحه اسال مجرب ولا تسال طبيب:1281F1~121:

رد: يا جماعة الحقوووا قريت عن مشكلة في اللوجان وكله مجمع عليها ومحدش هنا جاب عنها سيره
 

مع كامل احترامى وتقديرى لحضرتك
لسه بدرى اوى للحكم على العربيه
انا سامع والله ان البوابات بتبوظ على ال60 الف لانها مش الومنيوم
ثانيا الكلام ده انا شوفته فى منتديات تانيه كتير ومش هنا بس
فالعربيه ديه فعلا محيره
وانا معاك طبعا اسال مجرب ولا تسال طبيب