مصر موتورز مجتمع السيارات - مثبت السرعه قد يتسبب فى كارثة

اقتباس:

المشاركة الأصلية كتبت بواسطة نبيل عبدالرحمن (المشاركة 752200)

تدخلت العناية الإلهية فى منع وقوع كارثة محققة بإمارة عجمان وتحديدا فى شارع الإمارات بإتجاه إمارة رأس الخيمة منذ أكثر من إسبوعين عندما فقط الشاب الإماراتى "عبد الله الملا" السيطرة على مركبته من طراز "لاند كروزر" طراز عام 2009 بسبب تعطل مثبت السرعة الخاص بسيارته على سرعة 120 كم/س.

تفاصيل الحادث كما يرويها الشاب "عبد الله" بدأت عندما كان متجها من مدينة "دبى" بإتجاه "رأس الخيمة" مستخدما شارع الإمارات بسرعة تقدر بـ 140 كم/س، وعندما وصل إلى "إمارة عجلان" قام بخفض السرعة إلى 120 كم/س و تشغيل "مثبت السرعة"، ليتفاجأ بعدها بتعطل مثبت السرعة و فشل كل محاولات إعادة تشغيله سواء بالضغط على دواسة الوقود كما فشلت دواسة المكابح فى التقليل من سرعة السيارة أيضا.

ولم يكن أمام "عبد الله" إلا أن يلزم أقصى اليسار و يضىء مصابيح التنبيه فى المركبة لتحذير السائقين، ثم قام بالإتصال بأجهزة الأمن فى المنطقة التى دخلت بطريقة بطولية عن طريق النقيب "طارق الشرهان" مدير فرع الإنقاذ الذى قام بسباق مع الزمن ليلحق بمركبة الشاب "عبد الله" ويتمكن من تهدئة سرعتها و إيقافها تدريجيا قبل نهاية الطريق بأقل من كيلومترين فقط.

وأثارت تلك الحادثة حالة من الجدل الواسع داخل أوساط الإمارات العربية المتحدة وسط خوف مالكى نفس الطراز "لاند كروزر" 2009 من مواجهة نفس المشكلة، مما إستدعى طلب وزارة الداخلية الإماراتية للسيارة لإجراء فحص شامل على نظام تثبيت السرعة بها، مع تأكيد وكالة الفطيم للسيارات على إستعدادها لتقديم كل ما يلزم من أجل تحديد السبب الحقيقى لتلك الواقعة، وأنها لا تستطيع التصريح بأى تعليق آخر قبل وصول النتائج الكاملة للتحقيق من قبل الجهات المختصة.

أشكرك اخى الكريم على الموضوع
أولا مثبت السرعه ده انا مبحبوش او أحبوش (أيا يكن )
ثانيا عاوز استخلص شوى حاجات مهمه جدا جدا أتمنى الجميع يستفاد منها

1- العربيه موديل 2009 يعنى عربيه فى عرف السيارات تقدر تقول زيروو مش زى التمانينات عندنا والتسعينات ..أيه اللى انا بقوله ده . انا قصدى السبعينات
الرجاء انه كل واحد متغروش العربيه اللى هوا راكبها وكل واحد يخلى باله من نفسه والحامى هو الله ، ممكن يحصل كارثه فى العربيه بسبب مسمار او شى ميه على الارض

2- لو لا قدر الله لو حصل موقف زى ده او مشابه تحاول انك تمسك أعصابك ومتوترش نفسك عشان تقدر تفكر فى ثانيه انت هاتعمل ايه وهاتتصرف ازاى ؟
انا من حوالى 5 سنين كنت ماشى على دايرى الاسماعيليه وكان معايا سيات وعيل صغير قطع عليا الشارع من غير مايبص وجيت ادوس فرامل لقيت الفرمله مش هاتجيبنى ومش هلحق اقف بالعربيه
وفى جزء من الثانيه دخلت نفسى فى الرصيف لان كنت ماشى ع اللمين وملحقتش ابص على شمالى
والموقف التانى اللى حصل معايا كان من حوالى 3 سنين وكان معايا اكسنت 2000 والكواتش اللى قدام شمال فرقع منى وكنت ماشى على طريق اسمه عز الدين فى اسماعيليه والطريق ده 5 حارات او 4 مش فاكر
ساعتها العربيه لقيتها هتاخد شمالها بالعرض يعنى هاتمشى فى اتجاه الشمال ولحقت نفسى طبعا ومسكت الدركسيون جامد جدا ورفعت رجلى من ع الفرامل لان اول ما الكواتش فرقع انا رجلى لمست دواسه الفرامل بطريقه لا اراديه .
وده هو اللى حصل مع الشاب الاماراتى انه مسك شمال الطريق وشغل النور العالى واكيد الاشارات عشان يلفت نظر اللى حواليه وعلى الاقل يبعدوا عنه

المقصود انك تحاول تكون مستعد ومتخليش الامور تفلت منك وربنا هو اللى بيسترها

3- الشرطه الامارتيه استقبلت الاتصال واتعاملت معاه فى خلال 5 دقايق كانت عنده
انا الاسبوع اللى فات قعدت اتصل بالنجده حوالى 5 او 6 مرات وردوا عليا فى المره ال6 وبقولوهم فى خبطه يافندم فى المكان الفلانى وبيقولى اسمك ايه وده رقم تليفونك ولا لا
انا بقوله انجز سياده الامين لان الناس هاتمسك المطاوى لبعض ولا انتو عاوزنها تقلب خناقه
الصراحه جم بعديها ب5 دقايق بالظبط
ولكن ده فى عرف المشاكل او الحوادث ممكن تكون الدنيا خربت

4- الحاجه اللى اانا شايفها مهمه برضوا فى اخر الخبر ان وزاره الداخليه الزمت وكيل السياره انه يكشف ع الموضوع ده وان يتعامل مع الموضوع بمنتهى الجديه

مش زى عندنا هنا فى مصر غبوور قحرط العربيه الفيرنا والكل عارف ان فراملها ضعيفه وممكن تسبب كوارث ده غير انه سارق العربيه الفيرنا وخلاها عربيه فقيره زى 27 او 28 ومحدش بيحاول يقاضيه ولا اى حاجه والموضوع التانى اللى اسمع عنه ان باور دركسيبون النيو اكسنت احيانا بيفصل وطبعا لو حصل ده ع طريق او وانت بتاخد ملف او غرزه او بتتخطى سياره هايسبب كارثه محققه
وربنا يسترها على الجميع
ولكى الله يامصر يامن كنتى حبيبـــــــــــــه الى قلبى
وديه مقاله كنت كاتبها فى 2008 بعنوان لنحرق هذا الوطن

اسف ان طولت عليكوووو