مصر موتورز مجتمع السيارات - تاخير فى نقلات الفتيس الاوتوماتيك

انا راجعت مواضيعك لقيت انك مغير فتيس
و هل انا فاهم صح ؟ ان الفتيس الاصلى كان برضه نفس العيب ؟
لو كده يبقى على رايك ممكن يكون العيب مش من الفتيس
طيب ايه حكاية العربية من الاول ؟ هل شاريها مستعملة ؟ و لا معاك من الاول ؟
يعنى لو عرفنا برضه امتى ظهرت المشكلة و هل تقدر تربطها بحاجة اتعملت فى العربية زيى اصلاحات مثلا او حادثة لا قدر الله
انا شاكك فى ضفيرة الكهرباء الخاصة بكنترول الفتيس

برضه جرب تمشى ستيبترونيك و شوف بيستجيب لاوامر ايدك للنقل و لا لأ

اقتباس:

المشاركة الأصلية كتبت بواسطة elekiaby (المشاركة 749525)

هو فى حاجة جت ف بالى دلوقتى ومكنتش مديها اهتمام لانى مكنتش فاهم هى ايه اصلا
لما ببقى ماشى مثلا عالغيار الاول وتيجى تنقل للتانى مقلا اسمع صوت كهربا كدة من قدام زززززززززز بالظبط كدة
ولما تنقل عالتالت اسمع نفس الصوت
وبردة لما اكون عالباركنج واجيب ريفيرس اسمع نفس الصوت ززززززززززز
مش عارف ايه دة وهل له علاقه باللى انا فيه دلوقتى او حد سمع الصوت دة قبل كدة

بجد والله ياأستاذ احمد الله يباركلك ويكرمك انت راجل محترم فعلا وكفايه شغفك على مساعدة الناس ربنا يجازيك ويجازى كل رجاله المنتدى خير

وارد طبعا لان الطبيعى متسمعش كده
و الله يكرمك يا باشا على كلامك الطيب

و بالنسبة لسوئال الاستاذ حسام
العربية مازدا 3 2007