مصر موتورز مجتمع السيارات - دبرياج اسبرنزا 113

مصر موتورز مجتمع السيارات (https://www.masrmotors.com/vb/index.php)

- A 113 (https://www.masrmotors.com/vb/forumdisplay.php?f=188)

- - دبرياج اسبرنزا 113 (https://www.masrmotors.com/vb/showthread.php?t=95255)

رد: دبرياج اسبرنزا 113

اقتباس:

المشاركة الأصلية كتبت بواسطة ِAbo Youssef (المشاركة 764740)

السلام عليكم
بالنسبة للدبرياج المشكلة دة كنت بعانى منها من اول ما اشتريت العربية ( موديل 2011 ) و فى الاخر خالص طلعت المشكلة ان نوع سلك الدبرياج سئ جدا و تعالجة و شهر و ترجع نفس المشكلة و التقل و نفس الاصوات ، احسن حاجة غير سلك الدبرياج بواحد جديد و يكون نضيف تشترية من حد ثقة ، انا اشتريتة تقريبا كان ب 70 جنية

بالنسبة لتيل الفرامل الامامى سعرة من 60 جم الى 75 جم بص نصيحة كل الانواع الى بتتباع فى السوق بتعمل صفارة مع الضغط على الفرامل ( نصيحة عن تجربة 2 تيل فى 3 شهور ) و المشكلة دة انا تغلبت عليها و عملت تيل عمولة كلفى 35 جم

فعلا ممكن يكون من السلك برضوا - انا معايا موافقة من الضمان بتغير السلك بقالة اكتر من 3 شهور و كنت لسة امبارح السبت فى ابو رواش و سالت على السلك قالوا لسة غير متوفر هههههه - هوة فعلا ب 70ج فى التوفيقية

رد: دبرياج اسبرنزا 113

انا شاكر لكم اهتمامكم واسف اني اتخأرت في الرد
وفعلا انا رشيت wd من اسفل العربية علي الدبرياج من الداخل ومن الخارج
وللاسف الشديد المشكلة لم تحل بشكل نهائي يعني الصوت يختفي كام يوم وبعد كده يرجع تاني بس الكويس انه لم يعد مثل الاول (غير واضح) و كمان بيختفي لوحده ويعد كام يوم يرجع بس معظم الوقت مش بحس بيه
اما بالنسبة للتيل فانا لسة ما غيرتوش لاني كنت باعمل الصيانة الاسبوع اللي فات وسالتهم قالوا لي سيبة للصيانة القادمة (مع العلم انه لم يتم تغيرة من ساعت ما جبت العربية وهي الان 27 الف )
وانا ان شاء الله هسال علي سلك الدبرياج ده وابقي اجرب
ومره تانية بكرر شكري لكل اللي تجاوب وجزاكم الله خيرا

رد: دبرياج اسبرنزا 113

اخى العزيز كما قال لك أبو يوسف تماما
أنا كنت بعانى من نفس المشكلة الى إنت بتقول عليها ونفس الحلول بتاعت التزييت وال WD40 وفى أخر مرة وأنا فى التوكيل قاللوا لازم نغير سلك الدبرياج وساعتها قاللولى إنو مش موجود وأقعدت وراهم لغاية لما جه وركبهولى وبالنسبة للأخ العزيز اللى بيقول إنوا معاه موافقة من 3 شهور و الكابل مش موجود نصيحتى لك إنك تتابع معاهم بإستمرار حتى لو تتطلب الأمر الدخول لمدير المرك شخصيا لأنى بالصدفة و أنا بركب السلك الجديد لقيت الصنايعية ومهندسى الورشة يتهربوا من التركيب وفضلت العربية قاعده من 9 صباحا حتى 2 ظهرا ومكنتش هاخلص من غير لما أطلع لمدير المركز وعرفت السبب بعدين إن تركيب السلك غلس وبياخد منهم وقت حتى إنك لو غيرتوا بره الضمان هتلاقى مصنعية تركيبه 165 جنيه من غير تمنه اللى هو 65 جنيه .
وأسف على الإطالة وأتمنى أكون أفدتك
تحياتى

رد: دبرياج اسبرنزا 113

اقتباس:

المشاركة الأصلية كتبت بواسطة shoshovet (المشاركة 769180)

الرش ب DW40 بيجيب نتيجة وقتية لان للاسف من اسفل العربية مفيش اى حماية من الاتربة و بيروح تاثيرة بسرعة - شوف انا عملت الاتى تجيب سبراى من التوفيقية شحم- اة سبراى بيبقى شحم و بتركب انبوبة زى ال DW40 بالظبط - ترش من تحت الاول ب DW تنزل اى وساخة من الفبرة و بعدين ترش الشحم و انا حطيت بطريقة عجيبة حتة من شنبر داخلى حوالين الاكس و الشحم و ربطة بسلك يعنى كنوع من الحماية من الاتربة و الى حد ما بقى احسن و بيفضل وقت طويل لغاية متحس تانى بصوت

اقتباس:

المشاركة الأصلية كتبت بواسطة Subzero (المشاركة 776143)

انا فعلا لاحظت انة تهرب من تركيب السلك لانى شفت السلك راكب ازاى و فعلا رخم جدا فى تغيرة بس الموضوع فى الاصل مش السلك من الاكس السفلى اللى داخل على الفرش دا سبب المشكلة مش السلك و انا حليتة الى حد ما زى مقلت ف الرد اللى فات

رد: دبرياج اسبرنزا 113

انا شاكر جدا ليكم (Subzero و karimfahmy99) وكل من حاول مساعدتي
وان ان شاء الله هروح الصيانة كملن شهر تقريبا وهأحاول اشوف موضوع تغيير السلك هناك.