مصر موتورز مجتمع السيارات - أرجو المساعدة "نوع البوجيهات" "مشكلة تبطيل العربية"

معلش يا أ.هشام يبقى كان قصدي على سير الكومبريسور لأني دي أول عربية ألماني أركبها وماكنتش أعرف إني فيه سيرين في بعض العربيات والله غير من دي أنا الي كنت اعرفه هوا سير واحد بيلم كل حاجة وخلاص.:shyy:

اقتباس:

المشاركة الأصلية كتبت بواسطة Hisham.Elgazzar (المشاركة 737485)

حساس الهواء صعب جدا انه يبوظ إلا فى حالة تغيير فلتر الهواء بنوع رديى او قلة الصيانة

لكن رأيى انه ألمانى وصعب انه يكون عاوز يتغير

ماهو علشان كدة يا أستاذ هشام أنا أصريت غني أوضح اني العربية مستعملة وإنها معايا من فترة قريبة قوي وماعنديش تاريخها القديم فا ماتستبعدشي أي إحتمال.

ممكن يكون محتاج تنظيف وصيانة مجموعة دخول الهواء للموتور وتنظيف الرشاشات

يعنى صيانة زى اللى بتتعمل فى التوكيل

معلش وضحلي إيه هيا الصيانة المطلوبة بالخطوات وإيه هيا مجموعة دخول الهوا دي (معلش هتقل عليك بس فعلا أنا مش عارف والله)
بالنسبة لتنظيف الرشاشات هل منظف الرشاشات السائل دا الي بيستخدم مع البنزين يكفي ولا فيه حاجة تانية وأنا إستخدمته في التفويلة الي فاتت وفعلا حسيت بفرق بسيط بس لسة مستني التفويلة الي بعديها علشان أعرف هل الفرق لحظي ولا مستمر.
وهل يوجد ضرر من إستعمال منظف الرشاشات دا كتير ولا المفروض أستعمله كل قد إيه ولا ما أستعملوش خالص؟

اقتباس:

المشاركة الأصلية كتبت بواسطة Hisham.Elgazzar (المشاركة 737486)

إختبار كمان ممكن تعمله علشان تتأكد ان الحساس مهيس ولا لأ

ونتا ماشى بالعربية هتدوس بنزين نفس الدوسه وتثبت رجلك

لو مهيس هتلاقى العربية بتسرح معاك كأنك بتزود الدوسة

وطبعا لما تزود الدوسة برجلك فعلا هتلاقى سحب العربية ماأختلفش كتير وبعدين تبتدى تسحب بغباء ، لو سهيت هتلاقى الأر بى ام وصل للآخر والعربية هتفصل منك ع الغيار

أولا يا أ.هشام أنا بس عايز أوضح لحضرتك إني أصلا مش عارف هل هوا بايظ ولا لأ وعلشان كدة أنا سألت هل يوجد اعراض أخرى غيره لمشكلتي مع التبطيل والسحب ولا لأ.
خلينا نتفق مبدئيا إنه هوا السبب فا دا سبب إلكتروني مش ميكانيكي وعلشان كدة هوا مش منتظم الظهور ياعني مش على طول بايظ ولا على طول شغال.
يبقى مثلا الي حضرتك بتوصفهولي دا كفاية إنه يحصل معايا مرة واحدة علشان اتأكد من العطل ولا لازم يحصل أكتر من مرة؟
أنا محتاج زيادة توضيح شوية للإختبار ده ولاحظ إنه إختبار بيعتمد على الإحساس وخفية رجلك على البنزين وأكيد هيختلف من شخص لشخص ياعني وضحلي اكتر أكون ماشي على سرعة كام مثلا ولما أزود بنزين هل سنة صغيرة ولا كتير والمفروض إني تأخر إستجابة العربية لي يبقى ثواني ولا دقايق ولا أكتر من كدة والعربية ماتحسش أصلا إني زودت الضغط على دواسة البنزين, وهل لما أزودت تاني بنزين لو العربية إتأخرت في الإستجابة هكون كل دا مادخلتش في رينج الكيك داون؟
عايز أقول لحضرتك على حاجة أنا ملاحظ تأخر إستجابة العربية لدواسة البنزين وخاصتا على السرعات البطيئة يعني من 40 لحد 80 مثلا لو أنا ماشي على سرعة في الرينج دا وحبيت ازود سرعة العربية بتنفضلي ولازم أزود لحد الكيك داون علشان تفوق من النومة الي جتلها.
بالنسبة للكيك داون بيسحب حلو جدا "الحمد لله" وماعنديش عليه أي ملاحظات "من 0 إلى 100 كم/س في اقل من 10 ثواني"
العربية الحمد لله فيها مثبت سرعة ومرة واحدة بس وما إتكررتشي تاني جيت أستخدمه على سرعة مابين 110 إلى 120 لقيت بمجرد الضغط عليه الآر بي إم ما وقفشي ولا ثبت ولا حاجة لا دا فضل يزيد ويحرق مع نفسه وطبعا طفيته في ساعتها وشغلته تاني بعديها بثواني وإشتغل عادي جدا بدون اي مشاكل.

اقتباس:

المشاركة الأصلية كتبت بواسطة yahiaashraf (المشاركة 737487)

بوشات السياره باختصار هي ممتص الصدمات للهيئه الأماميه

فهو مفيد وشي اساسي فى السياره وبعد مرور كم سنه او حسب الاستعمال يبدأ ينهري ويتشقق

وتصبح السياره غير متزنه من الامام بشي بسيط وتسمع اصوات خفيفه على المطبات وهذا ناتج التشقق وتصلب البوشات
http://www.toyota4arab.com/upload/i/...3tfo0rpv73.jpg
:Wkiss5::Wkiss5::Wkiss5:: Wkiss5::Wkiss5:

شكرا جدا جدا على ردك وفعلا هوا (الميكانيكي) كان بيشاورلي على نفس المنطقة بالظبط.

اقتباس:

المشاركة الأصلية كتبت بواسطة Hisham.Elgazzar (المشاركة 737488)

البوشات يباشا موجودة فى كل العربيات حتى السيات موديل 70

البوشات اللى هى الجلب :Wkiss5:

جلب وقواعد الفتيس

جلب المقصات ، والذى منه :shyy:
هيا بس المشكلة في إختلاف اللغة أو المصطلحات إلى جانب جزء مش بسيط من قلة خبرتي بالموضوعات دي فا بيؤدي إلى جزء كبير من سوؤ الفهم بيني وبين الميكانيكي.

اقتباس:

المشاركة الأصلية كتبت بواسطة GPS TRACKER (المشاركة 737543)

حساس الهواء الموجود عند الفلتر ملوش علاقة نهائي هو فقط بيعطي أشارة لو الفلتر أتوسخ و أتسد لكن لو تقصد حساس العادم و ده بيقيس نسبه البنزين الغير محترق بالعادم و ده غالبا بيبوظ لو متور العربية أتغسل و هو ساخن
و هو ده الحساس المسؤل عن تنظيم عمل الرشاشات و ده لو بايظ بخلي الأر بي أم بتاع العربيه ميكنش مظبوط في السرعة الخاملة و العربيه تطفي و كمان بيتسبب في تقطيع أثناء القيادة و زياده ملحوظة في أستهلاك الوقود
و جميع الحساسات ممكن أختبارها بسهولة دور العربيه و شيا فيشه الحساس لو محصلش تغير في حالة المتور يكون العيب من الحساس لكن لو بعد ما شيلت الفيشه المتور لخبط أو توقف بيكون الحساس سليم لكن أيضا يجب التأكد أن الفيش و التوصيلات الخاصة بالحساسات تكوم محكمة و لا تهتز لأن ده غالبا ممكن يكون المشكله عندك لأن العيب بيظهر و يختفي :Wkiss5:

بس أنا متأكد إنه قصده على حساس الهوا لأنه شاورلي على مكانه وكان في زور علبة فلتر الهوا.
بص أنا مش هقول إني مختلف معاك في أي حاجة من وظائف حساس العادم أو أسباب بواظانه أو نتائج بوظانه لاكن حساس الهوا دا لو مش هوا الي بينظم دخول الهوا للماتور (بعد مايسخن ياعني خلاص حساس الآيديل وظيفته إنتهت) مين الي بيقوم بالوظيفة دي؟ أكيد كمية الهوا الي داخلة لخليط الإحتراق لازم تكون متغيرة حسب ظروف التشغيل ودا مش ممكن آخده أبدا إلى عن طريق الداخل في نواتج الإحتراق مش الخارج منها (عادم):Wkiss5:

بالنسبة لموضوع الفيش دا أنا هأكد عليهم بكرة وأرد عليك ولاوني بخاف قوي من الموضوع دا لايعملي أي برجلة إنتا عارف العربيات دي اليومين دول بقت بتتلكك والله.

طبعا أنا بشكر كل واحد رد عليا وحاول يساعدني ومعلش هتعبكم معايا شوية بس لحد ما نوصل لحل ربنا يهديها ياراب وبركة دعاكوا معانا بقى:Wkiss5::Wkiss5:.
عموما العربية عند الميكانيكي من النهاردة الصبح وهبص عليه بكرة الصبح والمفروض إنه يكون وصل لحل أو قرار هل هوا فعلا حساس الهوا الي مسبب البرجلة دي؟

أرجو إنكم ماتبخلوش عليا بمجهودكم,