مصر موتورز مجتمع السيارات - جيت اكحلها عميتها

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - جيت اكحلها عميتها (https://www.masrmotors.com/vb/showthread.php?t=94651)

رد: جيت اكحلها عميتها

الطريقة دى افضل طريقة للظبط

ولو مانفعتش كلمنى أقابلك وأشرحلك الموضوع من طقطق لسلامو عليكم

http://masrmotors.com/vb/showthread.php?t=53203

رد: جيت اكحلها عميتها

اقتباس:

المشاركة الأصلية كتبت بواسطة Vanditta (المشاركة 736732)

مش عارف اقولك اية والله :Wkiss5:
جزاك الله كل خير

بالنسبة لنقطة الاسبراتير انا اللى فهمتة انى حظبطة على النص واجرب امبلية لو لاقيتها بتسقف اأخر كهرباء واشوف لو ظبطت اقعد اقدم كهرباء لحد قبل ما تسقف مباشرة عشان الكهرباء ماتبقاش واطية ولا عالية صح ؟!!!

وبالنسبة لمسمار الهواء والبنزين انا فعلا عندى ار بى ام وهو حاليا مظبوط على حوالى 800-900 ومع تقديم الكهرباء على الاخر بيوصل 1000
فهل كدة برضة هحتاج اظبطة ولا هو كدة تمام ؟!!

الله ينور عليك... بالظبط كده

إن شاء الله لما تظبط الكهربا صح هتلاقي الـRPM بيعلى قوي مع الأمبليه وتحس إن الموتور بقى فيه عزم جامد، وإن شاء الله مش هتحتاج تظبط السلانسيه إلا لو لقيت إن الـRPM مش مظبوط بعد ما تظبط الكهرباء.

عموما... بعد ما تخلص ظبط .. اطلع وسوق العربية وشوف الاستجابة بتاعتها، وابقى ادعيلي :)

ملحوظة مهمة:

زي ما قال أخونا screamseko... لما تيجي تشغل العربية وتلاقيها المارش بيعتل (بالذات وهي باردة)... كده هتبقى محتاج تأخر الكهرباء شوية

...

رد: جيت اكحلها عميتها

انا سمعت انى لازم افصل الفاكيوم من الاسبراتير وانا بظبط الكهرباء
هل الكلام دة صح ولا غلط ؟

رد: جيت اكحلها عميتها

اقتباس:

المشاركة الأصلية كتبت بواسطة borio1704 (المشاركة 736077)

بص يا باشا

الموضوع سهل بس عايز شوية تركيز

أول حاجة: العربية لازم تتظبط وهي دايرة

تاني حاجة: الظبط لازم يبقى والعربية سخنة... يفضل بعد مشوار متوسط (8 - 15 كم)

تالت حاجة: هدفك من الضبط 3 حاجات
1- العربية تديك أعلى سحب
2- العربية ما تسقفش
3- لو عندك RPM حاول دايما السلانسيه يبقى عند 800 - 900 RPM ... يعني يدوب أقل من الـ1

رابع حاجة: اعرف مكان مسامير ضبط الهواء والبنزين في الكربيراتير عشان احتمال كبير تحتاجهم

نيجي لكيفية الظبط

1- لما تفك مسمار الربط حركه الوش لحد نص مشواره ما بين أقل نقطة وأعلى نقطة

2- اربط ربطة خفيفة وبعدين دوس "امبليه" يعني دوسة بنزين جامدة وسريعة (ممكن تعملها من كبل الاكسيراتير اللي في الكربيراتير مباشرة... مش من دواسة البنزين)

3- لوسمعت تسقيف حرك الوش في اتجاه تقليل الكهرباء... يعني الاتجاه اللي يخلي صوت الموتور يوطى، ودوس أمبليه

4- لو ما سمعتش تسقيف حرك الوش في الاتجاه التاني، ودوس أمبليه

5- هتفضل كده لحد ما توصل للنقطة اللي قبل التسقيف مباشرة، واربط على كده

لو حسيت إن العربية صوتها واطي أو عالي (الـRPM مش على 800 أو 900)... لازم تظبط الخليط عشان تظبط استهلاك البنزين

هدفك من الضبط إنك توصل لـRPM ما بين 800-900 والموتور مش بيرجرج

وطريقة الظبط هي:

1- روح لمسمار البنزين وزوده أو قلله لحد ما يوصل للـRPM اللي احنا عايزينه

2- روح لمسمار الهواء وحركه لحد ما توصل لأحسن وضع تلاقي الموتور مش بيرجرج

3- يمكن تلاقي نفسك عايز تظبط البنزين تاني

4- يمكن تلاقي نفسك عايز تظبط الكهرباء تاني كمان

يا رب أكون فدتك

وطمنا عملت إيه

========================= =
هضيف معلومة بسيطة
......................... .....
الحركة الى انت بتعملها بتبقى بسيطه جدا وبهدوء
ولو العربية بطلت منك وانت بتظبط على ضط البنزين من الكربراتير وابقى ظبطوا تانى بعد ما تخلص

رد: جيت اكحلها عميتها

اقتباس:

المشاركة الأصلية كتبت بواسطة Vanditta (المشاركة 738275)

انا سمعت انى لازم افصل الفاكيوم من الاسبراتير وانا بظبط الكهرباء
هل الكلام دة صح ولا غلط ؟

غلط طبعا

لأن الفاكيوم مهمته إنه يقدم الكهرباء لما تيجي تشد بالعربية... لو فصلته واحتجت العربية في موقف محتاج شوية شد... هتلاقي العربية بتسقف

...