رد: محتارة بين البيكانتو واللوجان
 

قبل ما تقتنعى بعربية بتدخل مصر انصاص ويتم تجميع كل نص للتانى (( لوجان ))
شوفى الفيديوهات دى :
واتمنى انها تكون حالة فردية ومش كل العربيات اللوجان فيها الاتى :
1 - العربية ملحومة ويظهر ذلك عند فتح الباب الخلفى
2 - دواسة البنزين تتحرك فى اربع اتجاهات زى دراع البلاى ستيشن
3 - صوت الموتور عالى جدا بدون اى عزل
4 - يظهر صوت رجة البنزين داخل التانك لعد وجود طبقتين عزل داخل الشنطة
5 - مسمار ربط الاستبن بلاستيك من النوع الردىء ( ممكن تسمعى ليل نهار صوت شخللة ومراجيح )
6 - احتكاك الدركسيون بركبة السائق
7 - عكس وضعية مفتاح الكونتاكت

وشوفى الفيديوهات وقررى بس فكرى كويس من فضلك

http://www.youtube.com/watch?v=eum73jzFgts

http://www.youtube.com/watch?v=HTZcXL-_2uo

http://www.youtube.com/watch?v=ZoFrXWe9Lmw

http://www.youtube.com/watch?v=gCw_L5MTi_U

رد: محتارة بين البيكانتو واللوجان
 

اللوجان مش بتستهلك بنزين خالص والبيكانتو توكتوك بأربع عجلات

وفيه سيدات كتير زمايلنا معاهم لوجان وزى الفل ماشاء الله

رد: محتارة بين البيكانتو واللوجان
 

قبل ما تقتنعى بعربية بتدخل مصر انصاص ويتم تجميع كل نص للتانى (( لوجان ))
شوفى الفيديوهات دى :
واتمنى انها تكون حالة فردية ومش كل العربيات اللوجان فيها الاتى :
1 - العربية ملحومة ويظهر ذلك عند فتح الباب الخلفى

العربية مش نصين ولا حاجة اللي ملحوم دا العتبة بتاعة الباب لكن لو بصيت علي باقي الارضية حتلاقيها حتة واحده (يعني العربية مكنتش نصين واتلحموا

2 - دواسة البنزين تتحرك فى اربع اتجاهات زى دراع البلاى ستيشن

؟؟؟؟؟؟؟؟ مشفتهاش دي في اي لوجان - انت بتجيب الكلام دا منين

3 - صوت الموتور عالى جدا بدون اى عزل

صوت الماتور عالي فعلا بس دا مش عشان مفيش عزل بالعكيس عزل العربية ممتاز ويكفي انك لو قاعد بالداخل وقفلت الازاز مش حتسمع اي حاجة بره العربية

4 - يظهر صوت رجة البنزين داخل التانك لعد وجود طبقتين عزل داخل الشنطة

فعلا فيه ناس اشتكت من الموضوع دا بس انا عن نفسي عمري ما سمعت الصوت دا لا في اللوجان ولا السانديروا

5 - مسمار ربط الاستبن بلاستيك من النوع الردىء ( ممكن تسمعى ليل نهار صوت شخللة
ومراجيح )

؟؟؟؟؟؟؟؟؟؟؟ هو انت معاك العربية ولا جربت الموضوع دا ايه دليلك علي اللي انت بتقولة دا ؟؟؟؟؟

6 - احتكاك الدركسيون بركبة السائق

يا راجل حرام عليك انت شكلك عمرك ما شفت العربية دي قبل كده (علي فكرة بنتكلم علي اللوجان) لا تكون مانتش واخد بالك ولا حاجة

7 - عكس وضعية مفتاح الكونتاكت

مش فاهم دي يعني ايه مفتاحها شمال يعني ولا ايه

وشوفى الفيديوهات وقررى بس فكرى كويس من فضلك


يا راجل قبل ما ترد علي اي موضوع يا ريت يبقي عن تجربة او حتي تكون شفت العربية قبل كده مش بس مجرد قريت عنها شوية

والله انا ما كنت هرد علي الموضوع لولا اني فضلت اني ارد فقط لافاده السائلة وعشان متخسرش حاجة كويسة لمجرد ان حد دخل رمي كلمتين احنا اصلا قرفنا من كتر ما الناس بتدخل تفتي بدون علم

انا معايا اللوجان من سنتين واكتر والسانديرو بقالها اقل من سنة

والعربيتين ماشاء الله ممتازين ومصاريفهم قليله جدا واعتماديتهم عاليه جدا

واذا كنت بتتسائلي هو ليه سعر اللوجان اقل من البيكانتو السبب بسيط لان اللوجان داخلة مصر باتفاقية اغادير اللي بتنص علي التبادل التجاري بدون جمارك بينا وبين المغرب طبعا العربية مش داخلة بدون جمارك خاص بس بتدفعي جزء بسيط كمصروفات وقبل كده حسبناها لاقينا ان اللوجان لو داخلة بجمارك طبيعية حتزيد حولي 20000 ج يعني العربية حتوصل سعرها للتسعين

توكلي علي الله ووانا تحت امرك في اي استفسار

رد: محتارة بين البيكانتو واللوجان
 

اوك كلامى كله غلط ومش على هواك :)

الاخت الى بتسال على اللوجان اتفرجى على الفيديوهات بتاعت اللوجان الاول وبعد كدا قررى

رد: محتارة بين البيكانتو واللوجان
 

الراجل اللي ظالم اللوجان ده
حرام عليك يا راجل
العربية بقالها حوالي شهر
ومشوفتش ولا حاجة من اللي انت بتقول عليها
وعلى فكرة انا طولي 190 سم والدركسيون بيعلى ويوطى يعني عمره ما هيضايق اي حد
وأذكرك بقول رسول الله صلى الله عليه وسلم
((كفى بالمرء كذبًا أن يحدث بكل ما سمع))
صدق رسول الله صلى الله عليه وسلم