مصر موتورز مجتمع السيارات - •• سؤال مهم عن ثرموستات الحرارة والمراوح Speranza A620 ••

مصر موتورز مجتمع السيارات (https://www.masrmotors.com/vb/index.php)

- A620 (https://www.masrmotors.com/vb/forumdisplay.php?f=200)

رد: •• سؤال مهم عن ثرموستات الحرارة والمراوح Speranza A620 ••

اقتباس:

المشاركة الأصلية كتبت بواسطة borio1704 (المشاركة 725540)

حضرتك خلطت ما بين "الثرموستات" و"كوعة الثرموستات"

الثرموستات:
عبارة عن حساس للحرارة، بيدي إشارة كهربية للمراوح وعداد الحرارة في التابلوه

كوعة الثرموستات:
عبارة عن "محبس"، مهمته إنه يتحكم في وصول المياه للرادياتير، يعني لما العربية تبقى باردة يمنع وصول المياه للرادياتير عشان الموتور يسخن بسرعة وياخد وضع التشغيل بأسرع وقت، ولما المياه تسخن يبدأ يفتح السكة للرادياتير عشان يبردها، وبكده يحافظ على درجة حرارة ثابتة للتشغيل

ده شكل ثرموستات الكوعة
http://1.2.3.4/bmi/www.agcoauto.com/...Thermostat.jpg http://1.1.1.2/bmi/static.ddmcdn.com...thermostat.gif

وده مكانه في الموتور قبل الخرطوم العلوي للرادياتير
http://1.1.1.4/bmi/www.automotive-st...em-diagram.jpg http://1.1.1.1/bmi/www.firestonecomp...or-service.jpg

فإذا كانت المشكلة في الثرموستات..ما ينفعش ألغيه و أحط كوعة لأن الغرض منهم مش واحد

الله ينور يا باشا على الشرح بس سؤال ينفع الغى الثرموثتات الموجود فى الكوعة :)

رد: •• سؤال مهم عن ثرموستات الحرارة والمراوح Speranza A620 ••

اقتباس:

المشاركة الأصلية كتبت بواسطة marwan abbas (المشاركة 729838)

الله ينور يا باشا على الشرح بس سؤال ينفع الغى الثرموثتات الموجود فى الكوعة :)

إلغاء الثرموستات ده اختراع من الميكانيكيين المصريين عشان يريحو دماغهم من مشاكل سخونية العربيات، يمكن يبقى له أسبابه لما قطع الغيار ما تبقاش موجودة.

لو عرفت الفايدة من ثرموستات الكوعة هتعرف ينفع نشيله ولا لأ

ثرموستات الكوعة هو الوسيلة الوحيدة للوصول والمحافظة على درجة حرارة الموتور ثابتة أثناء التشغيل من غير ما تتأثر بحرارة الجو الخارجي أو سرعة العربية

طيب ليه درجة حرارة التشغيل لازم تبقى ثابتة؟؟

الموتور عبارة عن أجزاء معدنية، والمعادن بتتمدد بالحرارة... وتنكمش بالبرودة

لما الموتور بيبقى بارد.. الأجزاء الداخلية بتبقى منكمشة بطريقة ممكن ما تبقاش محسوبة .. وده بيعمل تآكل ما بين الشمايز والبساتم وعمود الكرنك ده غير إن الزيت ما بيكونش وصل للزوجة الصحيحة للتزييت.

من الآخر... الموتور البارد موتور بيفوت بسرعة.

ده غير إنك في الشتا لو سقت على طريق سريع ... الموتور هيبرد، وده هيزود استهلاك البنزين لإن كفاءة الحرق ما بتكونش مثالية، وممكن تخلي العربية تهبب من الشكمان.

يعني... لما تشيل الثرموستات.. هتفوت موتورك وتصرف فلوس زيادة على البنزين وكمان مش هـتتمتع بأداء العربية

فكر في الموضوع من ناحية تانية

ينفع جسم الإنسان يشتغل وهو سخن أو بارد؟؟؟؟؟ ربنا خلقنا ودرجة حرارة جسمنا 37 عشان جسمنا يشتغل بأعلى كفاءة... لو درجة حرارة جسمنا نزلت أو طلعت يبقى فيه خلل.

...