مصر موتورز مجتمع السيارات - اسباب قطع الكهرباء والمياه فى مصر هذه الايام

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - اسباب قطع الكهرباء والمياه فى مصر هذه الايام (https://www.masrmotors.com/vb/showthread.php?t=92929)

رد: اسباب قطع الكهرباء والمياه فى مصر هذه الايام

طيب لو سمحتم عاوز اسئلكم سؤال هو بكام مولد كهرباء يتحمل جهاز تكيف وجهاز تلفزيون و ثلاجه ومصباح

ياترى هتكون قدرته قد ايه وسعره حوالى كام لانى بفكر اجيبه جداااا

ايه رائيكم فى الفكرة ديه؟؟؟

رد: اسباب قطع الكهرباء والمياه فى مصر هذه الايام

اقتباس:

المشاركة الأصلية كتبت بواسطة desiel (المشاركة 723042)

انا مهندس في محطة توليد كهرباء وممكن اشرح اسباب كده وهو مش سبب واحد
الاول ان معظم المحطات الجديدة في مصر هي محطة مركبة وهي رغم ارتفاع كفائتها انما المشكلة ان ارتفاع درجة حرارة الجو بتؤدي لانخفاض الطاقة المتولدة منها وطبعا ارتفاع الاستهلاك في الصيف مع التكييفات

التاني هو مشكلة الوقود خصوصا الغاز لان انخفاض ضغط الغاز بيجبر المحطات على خفض احمالها والا حتخرج الوحدات من الخدمة

السبب الثالث هي المشاريع اللي اتعملت في خلال 10 سنوات الاخيرة وكان الاستشاري الحصري ليها هي شركة بجسكو واللي مهنندسيها اللي تعيينهم بيتم عن طريق الوساطة واغلبهم هم ابناء قيادات وزارة الكهرباء لان مرتباتها عالية وفي نفس الوقت هي شركة وزارة الكهرباء شريك ليها واحنا في الشغل كتير بنقابل مشاكل في المحطات بسبب اخطاء العاملين على المشروع من مقاولين او استشاري او من شركتنا لان القيادات "بتغض الطرف" عن اخطاء بجسكو

السبب الرابع هي عدم الاهتمام بالصيانة الدورية للمعدات وانما بيسيبوها شغالة مادام شغالة وطبعا ممكن الحاجة تكون كويسة في الشتاء ويرفضوا توقيفها للصيانة والكشف وتيجي في الصيف تظهر اثار كده وطبعا مش حتوقف حاجة لانك في حاجة لكل طاقة خارجة من المحطة في الصيف

طبعا مع كامل احترامى لحضرتك فى حاجتين عايز أضيفهم:
1- ضغط الغاز حاليا كويس و مش بيأثر على الوحدات
2-إستلام الوحدات الجديدة أقسم بالله فى بلاوى و مصايب كانت بتحصل قدامنا و كان استلام الوحدات كان بيتم بالأمر المباشر بغض النظر عن المشاكل اللى مطلعة عنينا كمهندسين الأن و ده مخلينا تحت ضغط رهيب و مسؤولية إنك لازم تشتغل على الوحدات دى و محدش بيقول إن دى وحدات عايزة الحرق
بالعربى كده عايزنا نعمل من الفسيخ شربات
أخر حاجة إن الوزير كداب جدا و كمان رئيس الشركة القابضة زيه و إحنا يا ريقنا نشف من التحذير من المصيبة الكبيرة اللى ممكن تحصل وهى الإظلام التام

رد: اسباب قطع الكهرباء والمياه فى مصر هذه الايام

اقتباس:

المشاركة الأصلية كتبت بواسطة kashtoot (المشاركة 723473)

انا اعرف محطات كاملة مخفضة أحمالها بسبب ضغط الغاز وده مش مجرد كلام من مكتب فلان او علان ده من مكالمات تليفونية مع زملائي في المحطات

رد: اسباب قطع الكهرباء والمياه فى مصر هذه الايام

اقتباس:

المشاركة الأصلية كتبت بواسطة sayed2077 (المشاركة 723465)

الفكرة عجبانى جدا و ان شاء الله انا ناوى اشترى مولد صغير ....
معلوماتى البسيطة عن المولدات ( يا ريت لو فى حد عنده معلومات اكتر يفيدنا )

..... المولدات بتتقاس بالكيلو وات ...
الوات = الفولت x امبير ..... على سبيل المثال ..... التكييف الى عند حضرتك 220 فولت و بيحتاج 5 امبير مثلا فى بداية العمل ... يبقى بيستهلك 1100 وات .... يعنى حضرتك عاوز تقريبا مولد 2 كيلو وات للتكييف بس ....
و فى الغالب المكيفات اكبر حمل كهربى فى البيت

بلنسبة للأسعار ... المولد الـ 50 كيلو وات .... بـ 50 الف جنيه
ز الـ 100 كيلو وات بــ 100 الف جنيه ..... دى اسعار المولدات الجديدة !!!!!!

انا بدور على مولد ميكونش جديد ... يكون مستعمل و حالته نظيفة

رد: اسباب قطع الكهرباء والمياه فى مصر هذه الايام

اقتباس:

المشاركة الأصلية كتبت بواسطة kashtoot (المشاركة 723473)

طيب و يحصل ايه لو حصل الاظلام التام ؟؟ امتى يمكن التيار يرجع تانى ؟ و ايه احتمالات ان ده يحصل ؟؟؟؟