مصر موتورز مجتمع السيارات - هل BYD F3 اوتوماتيك تتحمل شغل التاكسى ؟؟؟؟

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - هل BYD F3 اوتوماتيك تتحمل شغل التاكسى ؟؟؟؟ (https://www.masrmotors.com/vb/showthread.php?t=91597)

رد: هل BYD F3 اوتوماتيك تتحمل شغل التاكسى ؟؟؟؟

اقتباس:

المشاركة الأصلية كتبت بواسطة ziabassem (المشاركة 717103)

الفتيس الأتوماتيك في الأف ثري ياباني الصنع "مش صيني" .. وهو نفس الفتيس اللي راكب في النيسان صني .

أي فتيس أتوماتيك روحه في الزيت وأي إهمال في تغيير الزيت (بعد عدد معين من الكيلو متر) يسبب مشاكل لا حصر لها يصعب إصلاحها .

استهلاك الطنابير والتيل والبنزين في الأتوماتيك أكتر من المانيوال في مقابل الراحة في الزحام بالطبع .. فمن رأي من الناحية الأقتصادية مش حيكون عملي كتاكسي .

مع احترامى الشديد لمعلومات حضرتك بس الفتيس الاتوماتيك صينى مش يابانى والمعلومه انه نفس فتيس النيسان صنى دى غلط وليس لها اى اساس من الصحه - وكذلك الموتور هو فعلا بتكنولوجيا ميتسوبيشى بس برضو صينى - ولكن ده لا يقلل من قيمة العربيه لانى معايا الاتوماتيك وعامل بيها حوالى 20 الف كيلو والحمد لله لم اشتكى من اى شىء

رد: هل BYD F3 اوتوماتيك تتحمل شغل التاكسى ؟؟؟؟

انا رأيي انك لو جبت اتوماتيك (في اي عربية) ومشيت على جدول الصيانة بتاعها اللي العربية قايلة عليه عمرك ما هتواجهك مشكلة
وبلنسبة للمشي كتير،
عربيتي ساعات لما بنسافر ونبدل عليها ممكن تعد اكتر 24 ساعة شغالة وبتجري، بس ده طبعا سفر غير جوة المدن
بالنسبة لجوة المدن، شوف العربيات الايجار، اهي دي دي عربيات مبترتاحش، والناس بيبهدلوها ويحرقو غيارات عليها ويطلعو عين امها، وعمري ماسمعت انهم بيغيرو فتيس على الاقل في اول سنتين تلاتة من عمرها عشان هما بيبعوها بعد كده (ده طبعا لانهم ملتزمين بجدول الصيانة)

وبعدين انتا لو هاتشتري عربية جديدة مش هاتاخد ضمان معاها؟ اتوماتيك ولا مانيوال يوم ما هايبوظ وضمانك شغال غصب عنهم يركبولك واحد جديد

وبالنسبة للفرامل، هو اكيد في فرق بس معتقدش انو كبير اوي
وكلو في الاخر بيرجع لاستخدامك انتا، لو واحد معاه مانيوال بس بيحب السرعة والسواقة بعنف فرامله هاتتاكل اسرع بكتير من واحد معاه اتوماتيك وهادي وراسي في السواقة
على العموم انا اعرف ان متوسط الفرامل في معظم العربيات الاتوماتيك من 40 الى 50 الف، انا غيرت عند 60، واعرف ناس وصلو 90 الف من غير تغير للفرامل

في الاخر احب اقولك استخير وان شاء الله ربنا يختارلك اللي فيه الخير

رد: هل BYD F3 اوتوماتيك تتحمل شغل التاكسى ؟؟؟؟

اقتباس:

المشاركة الأصلية كتبت بواسطة hanyshokry2000 (المشاركة 732624)

مع احترامى الشديد لكلام حضرتك لكنه غلط وغير صحيح
جير الاوتوماتيك تصنيع شركة جاتكو اليابانية وهى اللى بتصنع جير النيسان والمازدا كمان
وبالمناسبة الموديلات الجديدة من بى واى دى هتكون محرك تيربو مع الجير الجديد 6 غيار بتقنية تسمى dct (dual cluch transmission) تصنيع شركة فولكس فاجن الالمانية
بالنسبة للمحرك ده تصنيع لمصنع كبير فى الصين بشراكة من ميتسوبيشى تمتلك فيه اكثر من 30 % من الاسهم وتقوم بتصنيع المحركات لكثير من السيارات فى شرق اسيا وليس لشركة بى واى دى ومن السيارات التى تستخدم محرك كود رقم 4G18 غير بى واى دى
Mitsubishi Colt Plus (Taiwan)
Mitsubishi Kuda
Mitsubishi Lancer
Mitsubishi Space Star
2010-2011 Foton Midi
Hafei Saima
Proton Waja
2008 Haima Family 73.5 kW
Zotye nOMAD, 2007
اتعب نفسك شوية على الويكيبيديا قبل ما تقول اى معلومات
تقبل تحياتى

رد: هل BYD F3 اوتوماتيك تتحمل شغل التاكسى ؟؟؟؟

معلومات قيمة جدا والف شكر للدكتور وواضح ان حضرتك مركز قوى فى موضوع العربيات الى انا باعشقها تقبل تحياتى وكل عام وانتم بخير:Wkiss5:

رد: هل BYD F3 اوتوماتيك تتحمل شغل التاكسى ؟؟؟؟

اخى الكريم ممكن بس اعرف لماذا اخترت byd تاكس