المشاركة الأصلية كتبت بواسطة Speranzawy (المشاركة 711160)

فعلا الموتور مش بيبطل ولا بيرعش ولا بيعلى ويوطى ... الفرامل بس خفت و في صوت تنفيس تسمعة واضح و عالي من داخل المقصورة , لكن من الخارج لما تفتح الكبوت تسمعة ضعيف

انا اتصلت بالورشة دلوقتي ... سالني العربية موديل كام قلت له 2009 قالي اشوفلك ليها سيرفو اصل السيرفو مش بيتصلح (طب هو عرف منين ان السيرفو بايظ وعايز يتغير) ده انا كل الحكاية قلت له العربية نوعها كذا وموديل كذا وبسمع صوت تنفيس لما بدوس علي بدال الفرامل .. امممممم.. انا عارف ان الراجل ده شاطر .. بس انا مش بحب الاشتغالات ... هو قالي تعالى يوم الاثنين علشان النهاردة عنده زحمة

ايه رأيك يا زعيم اكمل واروح

ثانيا: انا فهمت من الرسم ان ده سيل "Seal" بتاع هواء صح مش زيت لان السيرفو مفهيوش زيت خالص ولا انا فهمت غلط؟
وفعلا اعتقد ان تشخيصك سليم لان العربية مش بتتبرجل لما بدوس فرامل .. هي الفرامل شغالة والـABS شغال بس الفرامل ضعفت لان الهوا بيتسرب من السيرفو عن طريق السيل ده وبالتالي ضغط الهوا جوة السيرفو قل وبقى مش بيضغط علي الماستر بكل قوته..
بس السؤال .. انا معنديش اي تقل في دواسة الفرامل مع ان الهوا جوة السيرفو المفروض انه قل نتيجة التسريب وبالتالي الماستر هيبقى محتاج قوة ضغط اكتر من السائق علي دولاسة الفرامل علشان يعوض نقص قدرة السيرفو؟ مش كلامي معقول برضة ولا عندك تفسير

المشاركة الأصلية كتبت بواسطة Speranzawy (المشاركة 712101)

حبيبنا cars admire
عندي سؤال وان شاء الله الاقي الجواب عندك وخصوصا انك ماشاء الله واضح انك فاهم في العربية كويس
النهاردة لاقيت علي البلاط في الجراج تحت العربية شوية زيت لونه فاتح (نقط بسيطة).. رحت بصيت علي العربية من تحت لاقيتها معرقة زيت من عند علبة الجير بوكس (الفتيس) تحديدا من عند المسامير اللي بتربط الفتيس بالموتور
بس زي ما قلت لك ان الزيت لونه فاتح انا اعتقد انه زيت الفتيس مش زيت الموتور
تفتكر ده اولسية الفلام والزيت ده زيت موتور ؟ ولا ممكن يكون المسامير دي عايز يتقرط عليها والفتيس بيسرب زيت.. انا في ميكانيكي في مركز خدمة فرست كار كان قالي ان كل الاسبيرانزا 516 هتلاقي فيتسها عرقان زيت وان ده عادي
بس اعتقد مش لدرجة انه ينقط زيت
هل الموضوع ده عدى عليك قبل كده؟

كمان سؤال
هي طلمبة المية بتاعت العربية دي بتتغير عند كام كيلو متر؟ ولا هي مش بتحتاج تتغير؟

شكرا واسف للاطاله