رد: عربية تكون كويسة با 40 الف جنية
 

لولا اختلاف الاذواق لبارت السلع
يعنى من الصعب توحيد الراى فكل عضو بيتكلم من واقع تجاربه وخبرته وحضرتك اللى تقرر
وعامة انا رايى لو انت بتقارن بين كريستالة وشوما يبقى كريستالة
الشكل (اذواق) لكن فى رايى كريستالة احلى وقطع غيارها متوفرة ورخيصة يعنى لو لا قدر الله عندك مشكلة كبيرة شوية فى الفتيس ممكن تغيره كله بسعر مناسب ده غير ان الكريستالة ليها سوق وماسكة سعر عن الشوما واليابانى وعن تجربة افضل كتييير من الكورى
انا عندى لانوس 2006 وهى بصراحة عربية جميلة واقتصادية وعملية وعندى برده كريستالة اوتوماتيك وهى بصراحة مريحة جدا لكن تحس ان اليابانى افضل شوية من الكورى
ارجو انى اكون افدتك
ومتابع معاك

رد: عربية تكون كويسة با 40 الف جنية
 

كيا سيفيا افضل حاجة بالسعر دا

رد: عربية تكون كويسة با 40 الف جنية
 

شكرآ ليكم
الاراء دلوقتى كلها فى الشوما والسيفيا لأن مش هقدر ازود المبلغ دلوقتى
بس المشكلة بقى ان الاتنين شكلهم مش عاجبنى
حاسس ان النوبيرا شكلها اشيك من الشوما والسيفيا
اتفرجت على نوبيرا امبارح 2001 اوتو حالتها ممتازة والراجل بيتلكم فى 41 يعنى ممكن ينزل ل 40
اية رئيكم؟

رد: عربية تكون كويسة با 40 الف جنية
 

الشوما شكلها شيك جدااا وشبابي وتتسم بالطابع الرياضي ...
بس انا شاكك في النوبيرا الاوتو الي ب 40 الف دي

رد: عربية تكون كويسة با 40 الف جنية
 

بس حضرتك لازم تكون عامل حسابك قبل ما تشتري النوبيرا انك هتغيرها فتيس كل كم معين من الكيلو مترات مش فاكره بصراحه بس يعني ممكن لو انت استخدامك كويس هتعمل حسابك انك ممكن تغير فتيس كل سنتين مثلا او تلاته وطبعا اهم من ده كله انك تشتري العربيه اللي تريحك فلو عجباك النوبيرا اشتريها هي كويسه جدا بالسعر ده لو حالتها حلوه بس لازم تكون حاطط في حسابك تغيير الفتيس ده غير طبعا الصيانات التانيه اللي هتحتاجها العربيه زي اي عربيه في موديلها