|
رد: انا مش فاهمه ايه التهريج ده !! هيونداي ايه الي جرلها !! ؟؟
الوكيل هامش ربحة عالى ومفترى
والدوله اسوء بمليون مرة ضرائب ورسوم جمركية خيالية كاننا فى بلد غنى جدا وفى فائض مش مخلية الناس تشم نفسها واللى عايز يركب عربية لازم يدفع التمن بدل الواحد ما يركب عربية متوسطة ويتمتع باللى فاضل بالفلوس او يوفرها لازم يتعاقب ولسة اللى جاى عايزين يشيلو الدعم عن البنزين اللى راكب عربية زى الناس علشان الناس تحرم تركب عربيات والمستهلك المصرى اللى كل ما الاسعار بتزيد نسبة المبيعات سوق السيارات فى انتعاش سوق غريب وحسبى الله ونعم الوكيل انا لقيت الجيتا الجديدة فى السعودية كانت 70 الف ريال يعنى حوالى 110 الف جينة |
رد: انا مش فاهمه ايه التهريج ده !! هيونداي ايه الي جرلها !! ؟؟
والله حزنت لما لقيت بتمن عربيتى هنا أشترى أفخم عربية فى الدنيا فى السعودية ---------- لأ و44 لتر بنزين 91 ب 20 ريال يعنى 36 جنيه -------------- لأ والأجمل كل ماسأل حد عن السى سى بتاع موتور العربيه يستغرب ........ ماحدش يعرف حاجة عن المواتير ولا الضريبة على السى سى ---------------- :sd: صباح الخير يا مصر |
رد: انا مش فاهمه ايه التهريج ده !! هيونداي ايه الي جرلها !! ؟؟
كان فترة منيله فى مصر فى الثمانينات اللى يسافر بعربيتة بره يتأكدوا نوع المسجل ايه وفيها اساسا ولاه لا وكم صاموله فى العجل مش فاهم ايه الذكاء والنباهة دى ويا ويله اللى مركب حاجة تانية فى عربيتة وهوراجع ضرائب وجمارك ....الخ يعنى لو داخل معاك مخدرات مش حيكون بالشكل دة نظام البلد كله عايز نسف
|
رد: انا مش فاهمه ايه التهريج ده !! هيونداي ايه الي جرلها !! ؟؟
هى مشكلة نظام سابق كان بينظر للسيارة على انها قمة الترف لدى المواطن وان الدولة لازم تمص دم المواطن القادر على شراء سيارة بحجة ان ده حق الدولة
زمان مرة سألوا الرئيس المخلوع مبارك لماذا لا ترفع جمارك السيارت او تخفضها فرد عليهم : الا العربيات مش هرفع عنها الجمارك النقطة الاخرى وهى انعدام مراقبة الوكيل من جهة المؤسسات الحكومية وهل فى سياسية تسعيرية واضحة ولا كل وكيل يحط السعر اللى يعجبه على العربية |
رد: انا مش فاهمه ايه التهريج ده !! هيونداي ايه الي جرلها !! ؟؟
حضرتك انا العربية ديه والالنترا اختها الكبيرة نت براقب نزول الموديل بتاعهم مصر... معقولة الالنترا 2010 الجديد منها ينزلوه ل 85 الف جنيه... والالنترا 2012 تنزل بحوالى 135 الف بنفس المواصفات ؟؟؟ "مبتكلمش عن ال high line طبعا!!!" محتاجين ناس محترمة فى السلطة عشان قوانين حماية المستهلك بدلا من سياسات المقربين واستعباط الناس كقطعان الغنم
بجد والله احنا اللى راضيين بكدة الناس ستتشد لشكل العربية والسلام "هما طبعا حلوين" لكن اختيار اى من العربيتين دول غلط علط .. ده كورى يا جدعان الكورى متقدم "شوية" على الصينى!!!!! صاج زبالة اداء مواتير اقل من العادى مفيهاش اى مميزات العربية ديه الااااا سعرهم المنافس.... يارب الناس تفوق..... والله العربيتين دول ما يستاهلوا التمن ده ولا حتى لو شلنا 10% انا متخيل قرفك بس صدقينى هى فعلا فى الاساس سياسات التوكيل والعصابات اللى حكمانا.... اقفل الجمارك ومسك التوكليات لعصابات .. بحجة تشجيع الصناعة المصرية ويبقى فيه تجميع هنا... انا مهندس انتاج وبقولك العربيات ديه بسعرها ده تعر شركة هيونداى لو حتتسوق برة مصر... الصنىىى بقى بصى.. تضربها بالف جزمة .. مع انى مبحبهاش بس انا ادعو الناس تشتريها عشان تضرب المتخلفين دول بالجزمة. عربية سيدان كبيرةةةةةةةةةةة الصنى 2013 اقل 45 الف من الالنترا واقل كمان من السيدان الصغيرة "الاكسنت RB " |
| الساعة الآن 08:09 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017