مصر موتورز مجتمع السيارات - عملت عمره وعاوز النصيحه

اقتباس:

المشاركة الأصلية كتبت بواسطة sayed2077 (المشاركة 699432)

بص يا استاذ فاروق

اللى هتعملة كالاتى بالظبط لانى لسه خارج من عمرة زيك

طبعا العربيه قبل العمرة هتكون ماليها بنزين والتانك على الاخر

اول ما الماتور هيركب فلتر الزيت الجديد اللى انت هتجيبه وهتجيب زيت التعاون الاحمر او البرتقالى من بنزينة التعاون (خلى بالك مهم جدااااا ) لازم تجيبه من البنزينه حتى لو البنزينه بعيده ومتجيبش اى نوع تانى يبقى ايه تجيب زيت التعاون الاحمر او البرتقالى الاحمر ب 55 و البرتقالى ب 60 و طبعا احنا ماليين التانك بتاع البنزين على الاخر
الميكانيكى هيدور كام مره كده بالمرش من غير ما يدور الاول لان ديه اصعب حته فى العمره
بعد كدا هيوصل كل حاجه ردايتير و كل حاجه ويدور المكنه سلانسيه لاغية ما مؤشر البنزين يبقى على قبل ما البنزين يخلص بشوية كده يبقى احنا خلصنا اول تليين على الواقف وده اهم حاجه تانى حاجه بقى يفضل تعمل الاتى ده من وجهة نظرى

تطلع على طريق سفر او مثالا اطلع على الدائرى وخد الدائرى من اول النهار لاخرة جرى بالعربيه على سرعه 60 او 80 بالكتير اوووى على الرابع واوعى تقرص على الغيارات خالص ادى الغيارات قبل سرعته المناسبه يعنى مثالا الاول حرك بيه العربيه بس وبعدين التانى وعند سرعه 20 هات التالت وعند سرعه 40 هات الرابع والرابع اخره لغاية سرعه 80 معاك اوعى تزود عن كده بعدين تطلع زى ما بقولك من اول النهارد وطبع وانت مفول العربيه بنزين على الاخر ومعاك كام ازازة مايه مش ازازة ولا ازاتين اقل حاجه 5 ازايز كل واحده 2 ليتر

وتطلع بقى على الدائرى تاخده جرى من اول النهار لغاية ما هتلاقى الدنيا هتضلم او خلاص الدنيا هتبداء تضلم لان بليل بيبقى كله شغال جرى جامد عليه المهم حاول تعمل الكلام اللى بقول لحضرتك عليه ده فى يوم جمعه او سبت وبلاش بقيت ايام الاسبوع علشان بيبقى فيها زحمة والعربيه ممكن تسخن منك وطبعا لازم تخلى عينك على مؤشر الحرارة والبنزين ولو لقيت البنزين قرب يخلص تروح تفول من اى بنزينه على الدائرى وكمل جريك المهم تعمل الكلام اللى بقولك عليه ده لغاية ما تجيب 1000 كيلو بالعربيه مشى بعد ما تجيب ال 1000 كيلو دول

تروح بقى تشترى الزيت اللى انت تحبه وفلتر زيت جديد وفلتر بنزين وسير كاتينه بقى وتدلع العربيه وابلاتين وكوندنسر بقى وسلوك بوجيهات وبوجيهات وفلتر هوا بقى وكل الحاجات ديه وتركبهم ومبروك عليك العمرة واى استفسار انا فى الخدمه:12EA7A~153:

سيد باشا ربنا يكرمك ان شاء الله هعمل الموضوع ده بس حاجه اخيره انت قولتها اني اغير سيير كاتينه وابلاتين وكوندونسر وانا اصلا كنت مغير طقم كهربه وسيور من اقل من شهر هل اغيرهم برضه عشان ملحقتش اصلا استخدمهم وبعد 1000 كيلو ده امشي بالعربيه عادي براحتي ولا ايه