مصر موتورز مجتمع السيارات - كيف تفرق بين البومة 1600 و 1300

مصر موتورز مجتمع السيارات (https://www.masrmotors.com/vb/index.php)

- لانسر بومه (https://www.masrmotors.com/vb/forumdisplay.php?f=204)

- - كيف تفرق بين البومة 1600 و 1300 (https://www.masrmotors.com/vb/showthread.php?t=89986)

رد: كيف تفرق بين البومة 1600 و 1300

لو تسمحوا لي بالاستفسار عن اللانسر ال 1300
لان معروض عليا مكوه 1300 اوتوماتيك موديل 2003
و بومه 1300 مانيوال موديل 2004 و 2007

وقدامي اوبترا 1600 موديل 2008
فانسب اختيار ايه
اصحابي كلهم بيقولوا لي اللانسر بس انا قلقان من 1300

رد: كيف تفرق بين البومة 1600 و 1300

1300 CC
تكييف- باورستيرنج - سنترلوك - ريموت كنترول - زجاج كهرباء - اكصدامات عريضة - مرايات كهربائية - عفشة رياضية خدمة شاقة- مقابض نيكل- تجهيزات راديو كاسيت
1600 CC
فرامل ABS - ايرباج - تكييف - باورستيرنج - سنترلوك - ريموت كنترول - زجاج كهرباء - باكتات رياضية جانبية - اكصدامات عريضة - مرايات كهربائية - عفشة رياضية خدمة شاقة- مقابض نيكل- عصا فتيس جلد - اليكترونيك ايموبليزر - تجهيزات راديو كاسيت
1600 أوتوماتيك رياضية
فرامل ABS - ايرباج - تكييف - باورستيرنج - سنترلوك - ريموت كنترول - زجاج كهرباء - باكتات رياضية جانبية - اكصدامات عريضة - مرايات كهربائية - عفشة رياضية خدمة شاقة- مقابض نيكل- عصا فتيس جلد - اليكترونيك ايموبليزر
فتحة سقف - جنوط اسبور عريضة - سبويلر بستوب - فوانيس شبورة - ايرباج لمن بجوار السائق - اريال سقف - فوانيس امامية غامقة - فوانيس خلفية شفافة
كاسيت سي دي - فرش بيج - فرش رمادي
1600 أوتوماتيك رياضية سوبر أكشن موديل SAM
فرامل ABS - ايرباج - تكييف - باورستيرنج - سنترلوك - ريموت كنترول - زجاج كهرباء - باكتات رياضية جانبية - اكصدامات عريضة - مرايات كهربائية - عفشة رياضية خدمة شاقة- مقابض نيكل- عصا فتيس جلد - اليكترونيك ايموبليزر
فتحة سقف - جنوط اسبور عريضة - سبويلر بستوب - فوانيس شبورة - ايرباج لمن بجوار السائق - اريال سقف
كاسيت سي دي - فرش جلد

رد: كيف تفرق بين البومة 1600 و 1300

بص ياكبير عن تجربه انا دلوقتي معايا بومه 1300 سي سي لسه جايبها من 3 شهور
لو عاوز رأيي خليك في البومه ولو 2007 يبقي تمام اوووي طالما الموتور بتاعها تمام والفتيس كويس يعني من الاخر تكون العربيه مش محتاجه اي شغل ولا مصاريف
بالنسبه للعربيه واسعه ومريحه ومشيها تمام اووووي والعربيه بتشد وتجري بس اكيد مش زي ال1600 بس برضو مش وحشه ومع التكييف هتبقي متعبه شوية معاك في البدايه لحد ما تتعود ع العربيه هتبقي عادي انا بقيت ماشي 24 ساعه بالتكييف ومفيش اي مشكله
العربيه بجد محترمه جدا جدا وانا مشيت بيها ع طريق العين السخنه 180كم/س وكنت ماشي قبلها بيومين 170 ع الدائري عند وصلة المطار الطريق الجديد ده واخدت ملف 160 والعربيه ماشاء الله ع الارض ثابته جدا جدا ومفيش فيها اي مشكله
انسي الاوبترا جنب اللانسر وابقي ادعيلي الا لو عاوز تجري بزياده وتشد وتلعب وكده يبقي ال1600 بس مش هتلاقي ثبات وقوة اللانسر مع حد

رد: كيف تفرق بين البومة 1600 و 1300

فى اختلافات ظاهره زى مقابض فتح الابواب من الداخل والخارج لونهم اسود فى ال 1300 وبلون العربية من الخارج فى ال 1600 وماعدا الاصدار سبور بيكون نيكل.
ال 1300 مافيش مسند يد بين كرسى السائق وكرسى الراكب, وبيكون مافيش سماعات خلفية فى 1300 دى الكلام وطبعا
GLX 1600
Gl 1300