رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
 

بكره كلنا نموت وربنا هيحسبنا على اختيارتنا بس انا عمرى مهختار واحد حرامى وسهل السرقة لاسياده من فلوس الناس الغلابة ولا واحد لسه دم اخواتنا الشهداء المصريين متعلق فى رقبته

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
 

الرد الصريح نيابه عن مؤيدي الفريق احمد شفيق
:0832F7~168:
احبائي انا الضحية الوحيده اللي ممكن يتكلم او يدافع عن نفسه ...
اتركوني الاول اشرحلكم شخصية مؤيدي شفيق (وهنا انا بتكلم عن المؤيد مش اللي انتخبه وخلاص)
اولا اغلب مؤيدي شفيق ناس بتفكر اكثر ما بتتكلم مع الاخرين
يعني لما الموجه تبقى رايحه كلها لاتجاه وتلاقي شخص مضاد للتيار السائد ومقتنع براي مخالف لازم تعرف انه فكر وقرر وليه وجهة نظر على خلاف الموضات الجديده زي موضة حازمون لمتدينين او موضة حمدين للشباب وموضه ابو الفتوح للوسطيين والمنشقين عن الاخوان (مع احترامي للجميع)
ثانيا وده الاهم ... اصناف الناس دي وبتفكر في ايه ؟؟

1- رجال اعمال واصحاب شركات ومحلات وحرفيين (يعني اصحاب اعمال حره).. ودول يعشقو الاستقرار لدوام مصالحهم ورؤيتهم ان العهد السابق افضل الفترات اقتصاديا لاتصافها بالاستقرار .. ملاحظه هامه لا يجوز ان نطلق على هؤلاء منتفعين لان اغلبيتهم شرفاء اختارو العمل الخاص بالتدرج بعيدا عن القطاع الحكومي الملئ بالفساد وطبعا دول بيعشقو العسكر لانهم رمز الامان

2- اشخاص قريبين من بعض التيارات الاسلاميه ولهم تجارب سيئه معهم .. ودول عندهم فوبيا الاسلاميين ازاااي؟؟؟
يعني راجل بسيط كان معتقد ان اي حد من الاخوان او السلفيين هو ملاك لا ينطق عن الهوى وفجأه صدم فيه في موقف معين ينافي الصوره الورديه فقرر ان الناس دي منافقه (تعميم مرفوض لكن الجميع يستخدمه).. ويضم اليهم المرعبوبين على الدوله المدنيه وده موضوع كبير يستحق الشرح بالتفصيل ..

3- عائلات واقارب العسكريين او اقارب موظفي الطيران المدني .. العسكريين دا ولاء عقدي بالنسبه ليهم ان العسكري رجل شريف ويحترم كلمته ولا يخون وطنه ..
اما موظفو المطار فعلى خلاف ما يشيعه عصام سلطان وشلته فعن معرفه شخصيه موظفو المطارات والطيارين فخورين بما فعله شفيق ويتباهون بين اقرانهم من الطيارين العرب بما وصلت اليه المطارات من تقدم عمراني وتكنلوجي ...

4- كارهي الزخم الثوري ... دا الجزء الاعظم من حزب الكنبه كرهو بقية المرشحين من تصريحاتهم الثوريه في المليونيات وهجومهم الشديد على الجيش متناسين عشق المصريين -خاصة كبار السن - للجيش وقادة الجيش ودول بيعتبرو ان اللي يشتم عسكري او قائد في الجيش هو خائن وعميل ..

5 -محبي الكاريزما دي اهيف فئه ولكن لها احترامها ايضا .. الناس اللي شايفه فيه كرايزما وكراكتر الرئيس وانه رجل راقي سليل عائله عريقه ومظهر انيق ..

6- طبعا لا نتناسى او نتاجهل جزء لا بئس به معترض على الثوره من الاساس وشايفها مخطط صهيوني وان الاخوان تعاونو مع حماس في اقتحام السجون وقتل الثوار و ...وكلام من ده ( نحترمهم برضه لاننا لا نعلم كل الحقائق حتى الان )

7- الاقباط والصوفيون يشتركو حسب التصنيفات السابقة اضافة الى خوفهم من الاسلاموفوبيا ..(محقين بعد التصيحات الاخيره)
الصفه المشتركه التى يراها كل اولئك في الفريق انه شخص محترم لم تثبت عليه جريمه واحده في حين ان اغلب زملاءه من الوزراء في السجون بتهم متعدده .. وانه رجل ناجح في عمله وصريح وغير متلون
والاهم من كل ذلك صدقة وتلقائيته (ودي اللي بتخلى منافسيه يستغلو تصريحات قاتله ليست في مصلحته لتشويه سمعته )

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
 

برافو سبقتوني..

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
 

أشك فى الجملة دى مع احترامى لكلام حضرتك

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟
 

اصدقائي الاعزاء انا قررت افتح موضوع للرد على كل الشبهات حول شفيق دا في صفحة تانيه ارجوكم المتابعة شريطه عدم الاسائه لاحد او التحدث دون مستندات او حقائق مؤكده ..
لانه صدقوني كل ما اسلوب مهاجمي شفيق اتصف بالسفاله والاستخفاف كلما اكتسب الرجل شعبيه اكثر سواء تعطفا او عندا في المعارضين .. وده نفس اسلوب المظاهرات فكلما امتلا التحرير كلما لمع نجم الفريق
ودا حصل مع الاخوان لما قاطعو المظاهرات قبل انتخابات الشعب اكتسبو ثقة الكثيرين التي تبددت سريعا عندما عادو الى طريق المليونيات (الصندوق ضد الميدان دائما .. تذكرو نعم .. ولا )
ياريت اللي حابب يناقش بموضوعيه اي اتهام او شبهه http://www.masrmotors.com/vb/showthr...168#post688168