مصر موتورز مجتمع السيارات

ده الامل الوحيد لاعادة الثورة لمسارها الطبيعى وده اللى كان مفروض يحصل فعلاً من الاول
لكن مازال حلم يصعب تحقيقة

1- المجلس العسكرى بيدعى ان معاه الشرعية بموجب استفتاء النحس وتصويت غالبية الشعب على المسار الانتقالى المهبب بتاعة

2- الاخوان (الله يهديهم ... او ياخدهم ) مازالو الشريك المخالف وعازمين على استكمال الانتخابات

3- الشارع مازال منقسم بين مقاطع ومؤيد للانتخابات

4- الزخم الثورى (بعافيه حبتين) ومنقدرش نقول انه فى ذروته زى ايام الثورة الاولى وبالتالى الضغط اقل من المستوى المعهود
بعد ال 18 يوم الاولانين من الثورة كان فيه اعتصام كامل فى التحرير وحتى مجلس الوزراء والشعب وامام ماسبيرو وامام قصر الرئاسة من ناحية مصر الجديدة وصلاح سالم ده غير باقى المحافظات

اعتقد الموضوع لسه محتاج شغل جامد من اعضاء الفريق الرئاسى لحشد اكبر فى صالحهم قبل بداية الانتخابات واعداد خطة (ب) للتصرف فى حالة استمرار عناد الاخوان