|
رد: تلميع تابلوة العربية
والله انا جربت افتكاسه انهارده كده وانا قاعد فاضي ... جبت شويه جلسرين نقي سائل ربع الازازاه كده بتتباع في الصيدليه شبه ازازه الدوا بالظبط وحطيت عليه نقطتين فيبا من بتاعت المواعين دي وشويه معطر سائل برده كده برائحه الفرواله .. المهم وانا نازل بقي بالاختراع الجميل لقيت ازازه زرقاء مكتوب عليها كلوركس الوان هههههههههههههه اه والله .... قولت ميضرش انا كده التابلوه عندي مضروب بالجزمه روحت حاطط نقطتين بالظبط ورجيت بقي وباسفنجه نضيفه واديلووووووو...... نزلت عملت الطابلوه بقي ومقولكش ... والله بقي زي الفل استني يشقق ولا حاجه ولا الهوا ولا يلم تراب ولا اي حاجه ..قولت طب انا لوحدي اللي لو حصل حاجه هخش في الحيطه ولا ايه ... روحت رايح لواحد صحابي معاه دايو ... قولتله حبيبي بص يا معلم هلمعلك الطابلوه ببلاش اتفرج علي عمك ياد وهو بيظبطك .. المهم بالسفنجه واديلو ... عديت عليه بالليل بقوله ايه الاخبار قالي تمام .. قولت طيب زي الفل وريحه العربيه بقت حلوه جدا ... مش بقولك افتكاسه :0832F7~168:
|
رد: تلميع تابلوة العربية
شكرا لحضرتك يا باشا لنقلك تجربتك فى تلميع التابلوة وديما تقدم لنا إختراعات. مشكور على مجهودك أخوك محمد :36_13_6[1]::36_13_6[1]::36_13_6[1]: |
رد: تلميع تابلوة العربية
انا جربت زيت البرافين و بصراحة خلى التابلوه جربان و عليه طبقة عاملة زي الجير
و ان شاء الله هاجرب الجلسرين |
رد: تلميع تابلوة العربية
البوليش السائل ممتاز ولا يترك ترسبات على التابلوة. موجود فى كارفور liquid polish
ومابيلمش تراب. |
رد: تلميع تابلوة العربية
اقتباس:
|
| الساعة الآن 05:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017