مصر موتورز مجتمع السيارات - انا عطلان بالاوبل علي الطريق

مصر موتورز مجتمع السيارات (https://www.masrmotors.com/vb/index.php)

- اوبل Opel (https://www.masrmotors.com/vb/forumdisplay.php?f=21)

- - انا عطلان بالاوبل علي الطريق (https://www.masrmotors.com/vb/showthread.php?t=87372)

رد: انا عطلان بالاوبل علي الطريق

اقتباس:

المشاركة الأصلية كتبت بواسطة samirayad (المشاركة 678247)

1- أفتح كونتاكت ....وأسمع صوت طلمبة البنزين المعروف قبل سنة الدواره

2- لو مسمعتوش .....أفتح علبة الفيوزات وراجع على فيوز الطلمبه وكتاوت الطلمبه بالعلبه

3- لو لقيت الطلمبه شغاله صح

4- أفتح غطاء الزيت أعلى المكنه وأدى سنه مارش وبص على الكامه من فوق

لو لقيتها مبدورش .....يبقى الكاتينه إنقطعت ( لاقدر الله )

----------------------

وأهم شىء حاليا تكون مطمن للبطاريه وممكن تستعين بحد يديك بطاريته تدور بيها

لو كانت البطاريه وحشه فعلا

أو أطرافها كانت مهويه ومبتقبلش شحن من الدينامو

الله يباركلك يا بشمهندس :CONGRA~238::010104~171:

رد: انا عطلان بالاوبل علي الطريق

والله يا اخوانا انا شاكر ليكم ردودكم وتعبكم معايا بس انا خايف اندم اني اشتريت الاوبل
الموضوع باختصار اتضح ان طرمبة البنزين مش واصلها كهرباء والمهم ان انا جبت كهربائي وشيك علي الكهرباء لقي فعلا سلك الطرمبة مش واصل ووصله والعربية اشتغلت تمام بس للاسف بعد ماشغله لقيت اللمبة اللي في التابلوه بتاعت ال speed او ال s عمالة تنور وتطفي في التابلوه طول ما العربية دايرة والعربية مابقتش بتسحب زي الاول وحاسس انها مابتديش غيارات وانا ماشي فقلت اروح لحد بيفهم في الاوبل في السويس لان انا من السويس المهم روحت لواحد كهربائي وانا عنده قالي انا مشغول وتعالي بكرة جيت ادور العربية عشان امشي لقيتها عملت معايا نفس العيب بتاع اول امبارح انها مش بتدور وكشف علي الطرمبة لقي بردو مش واصلها كهرباء وبعد ما وصلها كهرباء لقي الطرمبة مش شغالة روحت اشتريت طرمبة جديدة واشتغلت العربية تمام بس هوة مدي الطرمبة كهرباء مباشرة من الفيوزات مؤقتا ياعني عشان اقدر امشي بيها
بس انا دلوقتي خايف ان يكون موضوع ال s ده خايف يكون فتيس ارجوكم ايه الحل

رد: انا عطلان بالاوبل علي الطريق

متابع بأهتمام---وربنا يكرمك وتحل جميع المشاكل

رد: انا عطلان بالاوبل علي الطريق

شوف يا أستاذ / أحمد

فى أى سياره

طالما حرارة المكنه وضغط الزيت تمام ودورة التبريد تمام

وسحب السياره بشكل عام تمام

فمفيش مايدعو للقلق

وأى عيب طارىء بسيط فى عداد أو حساس

لايشكل وضع يدعوك للقلق

ويتعالج بسهوله لدى متخصص

رد: انا عطلان بالاوبل علي الطريق

اقتباس:

المشاركة الأصلية كتبت بواسطة ahmed.tayeh (المشاركة 679634)

تم حل المشكلة والحمدلله واتضح ان الشخص اللي صلحلي كهرباء الطرمبة ربط الضفيرة بأفيز بس كانت ملمسة في صاج العربية وعاملة ارضي وعشان كدة الفتيس كان فاصل وماكنش بينقل غيارات بس دلوقتي تمام الحمدلله وكل حاجة تمام